ಬೆಂಗಳೂರು ಜನತೆಗೆ ಶಾಕಿಂಗ್ ನ್ಯೂಸ್: ರಾಜಧಾನಿಯಲ್ಲಿ ಚಿರತೆ ಸಂಚಾರ

ಬೆಂಗಳೂರು: ಬೆಂಗಳೂರಿನ ಗಿರಿನಗರ ಪೊಲೀಸ್ ಠಾಣೆ ವ್ಯಾಪ್ತಿಯ ವೀರಭದ್ರ ನಗರದಲ್ಲಿ ಇತ್ತೀಚೆಗೆ 17 ಮೇಕೆಗಳನ್ನು ಕೊಂದಿದ್ದ ಚಿರತೆ ಮತ್ತೆ ಕಾಣಿಸಿಕೊಂಡಿದೆ.

ಸಿಸಿ ಕ್ಯಾಮೆರಾದಲ್ಲಿ ಚಿರತೆ ಓಡಾಟದ ದೃಶ್ಯ ಕಂಡುಬಂದಿದೆ. ಮೈಸೂರು ರಸ್ತೆಗೆ ಹೊಂದಿಕೊಂಡಂತೆ ಇರುವ ವೀರಭದ್ರ ನಗರದಲ್ಲಿ ಇತ್ತೀಚೆಗೆ ಫಾರಂವೊಂದರಲ್ಲಿದ್ದ 17 ಮೇಕೆಗಳನ್ನು ಕಾಡುಪ್ರಾಣಿಯೊಂದು ಕೊಂದು ಹಾಕಿತ್ತು. ವೀರಭದ್ರ ನಗರದಲ್ಲಿನ ಸಿಸಿ ಕ್ಯಾಮೆರಾದಲ್ಲಿ ಈಗ ತಡರಾತ್ರಿ ರಸ್ತೆಯಲ್ಲಿ ಚಿರತೆ ನಡೆದುಕೊಂಡು ಹೋಗುತ್ತಿರುವ ದೃಶ್ಯ ಕಂಡುಬಂದಿದೆ. ಪೊಲೀಸರು, ಅರಣ್ಯ ಇಲಾಖೆ ಅಧಿಕಾರಿಗಳು ಈ ಬಗ್ಗೆ ಮಾಹಿತಿ ಪಡೆದುಕೊಂಡಿದ್ದು ಕ್ರಮ ಕೈಗೊಂಡಿದ್ದಾರೆ ಎನ್ನಲಾಗಿದೆ.

ರಾಮನಗರ ಜಿಲ್ಲೆ ವ್ಯಾಪ್ತಿಯಲ್ಲಿ ಓಡಾಡಿಕೊಂಡಿರುವ ಚಿರತೆ ರಾಜಧಾನಿಗೆ ಚಿರತೆ ಮತ್ತೆ ಎಂಟ್ರಿಕೊಟ್ಟಿರುವ ಸಾಧ್ಯತೆ ಇದೆ. ಇತ್ತೀಚೆಗೆ 17 ಮೇಕೆಗಳನ್ನು ಕಾಡುಪ್ರಾಣಿ ಕೊಂದು ಹಾಕಿತ್ತು ಎನ್ನಲಾಗಿದ್ದು, ಅದೇ ಚಿರತೆ ಬೇಟೆ ಹುಡುಕಿಕೊಂಡು ಮತ್ತೆ ಬಂದಿರಬಹುದೆಂದು ಹೇಳಲಾಗಿದೆ.