ಈ ದಿನ ಯಾರಿಗೆ ಕಾದಿದೆ ಹೆಚ್ಚಿನ ಅದೃಷ್ಟ…..? ಇಲ್ಲಿದೆ ನಿಮ್ಮ ಇಂದಿನ ಜಾತಕ ಫಲ

ಮೇಷ: ಯಾವುದೇ ವಿಚಾರವಾಗಿಯೂ ಅತಿಯಾಗಿ ಚಿಂತಿಸುವುದನ್ನ ಬಿಟ್ಟುಬಿಡಿ. ಇದರಿಂದ ನೀವು ಮಾನಸಿಕವಾಗಿ ಸದೃಢರಾಗಲಿದ್ದೀರಿ. ನಿಮ್ಮ ಬುದ್ಧಿವಂತಿಕೆಯಿಂದ ವ್ಯಾಪಾರ ವ್ಯವಹಾರದಲ್ಲಿ ಲಾಭ ಸಿಗಲಿದೆ. ದಾಂಪತ್ಯ ಜೀವನದಲ್ಲಿ ಪದೇ ಪದೇ ಜಗಳವಾಗದೇ ಇರೋದಕ್ಕೆ ನೀವು ತಾಳ್ಮೆಯಿಂದಿರೋದು ಅನಿವಾರ್ಯವಾಗಿದೆ.

ವೃಷಭ : ಇದಕ್ಕಿದಂತೆ ಖರ್ಚು ಹೆಚ್ಚಾಗುವುದರಿಂದ ಒತ್ತಡಕ್ಕೆ ಸಿಲುಕಲಿದ್ದೀರಿ. ಈ ದಿನ ನೀವು ಸಾಕಷ್ಟು ವಿಚಾರಗಳಲ್ಲಿ ಹೊಂದಾಣಿಕೆ ಮಾಡಿಕೊಳ್ಳಬೇಕಾದ ಪರಿಸ್ಥಿತಿ ಎದುರಾಗಬಹುದು. ದೂರ ಪ್ರಯಾಣದಿಂದ ಆಯಾಸ ಅನುಭವಿಸಲಿದ್ದೀರಿ. ಹಿತಶತ್ರುಗಳ ತಂತ್ರಗಳಿಂದ ಪಾರಾಗುತ್ತೀರಾ.

ಮಿಥುನ : ಕೆಂಪು ಬಣ್ಣವು ನಿಮಗೆ ಲಾಭ ತಂದುಕೊಡುವುದರಿಂದ ದೇವಿ ದೇವಸ್ಥಾನಕ್ಕೆ ಕೆಂಪು ಸೀರೆಯನ್ನು ಅರ್ಪಿಸಿ. ವೃತ್ತಿ ಜೀವನದಲ್ಲಿ ನಿಮ್ಮ ಕೋಪದ ಬುದ್ಧಿಯನ್ನು ತೋರಿಸಬೇಡಿ. ಹಣಕಾಸಿನ ವಿಚಾರದಲ್ಲಿ ಆದಷ್ಟು ಜಾಗ್ರತೆ ವಹಿಸಿ. ಸಾರ್ವಜನಿಕ ಜೀವನದಲ್ಲಿ ಗೌರವ ಗಳಿಸಲಿದ್ದೀರಿ.

ಕಟಕ: ನಿಮ್ಮ ಮಾತಿನ ದಾಟಿ ವ್ಯಕ್ತಿತ್ವಕ್ಕೆ ಇನ್ನಷ್ಟು ಶೋಭೆ ನೀಡಲಿದೆ. ಯಾರದ್ದೋ ಮಾತನ್ನು ಕೇಳಿ ತಕ್ಷಣವೇ ನಿರ್ಧಾರ ಕೈಗೊಳ್ಳಬೇಡಿ. ಸಂಗಾತಿಯಿಂದ ಅತಿಯಾದ ಪ್ರೀತಿಯನ್ನು ಸಂಪಾದಿಸಲಿದ್ದೀರಿ. ನೀವು ಕೈಗೊಂಡ ಕಾರ್ಯಗಳು ನೆರವೇರಲಿದೆ.

ಸಿಂಹ : ಆಧ್ಮಾತ್ಮಿಕ ಜೀವನದತ್ತ ಹೆಚ್ಚು ಒಲವು ತೋರಲಿದ್ದೀರಿ. ಅತಿಯಾಗಿ ಖರ್ಚು ಮಾಡುತ್ತಿದ್ದೀರಿ. ಇದು ಒಳ್ಳೆಯ ಬೆಳವಣಿಗೆ ಅಲ್ಲ. ಯಾವುದೋ ಯೋಜನೆಗೆ ಹಣ ಹೂಡಿಕೆ ಮಾಡುವ ಮುನ್ನ ಹಿರಿಯರ ಸಲಹೆ ಪಡೆದುಕೊಳ್ಳಿ. ಮಕ್ಕಳಿಂದ ಶುಭ ವಾರ್ತೆಯನ್ನು ಕೇಳಲಿದ್ದೀರಿ. ನಿಮ್ಮ ಮುಗ್ಧತೆಯ ಲಾಭವನ್ನು ಪಡೆದುಕೊಳ್ಳಲು ಅನೇಕರು ಹೊಂಚು ಹಾಕ್ತಿದ್ದಾರೆ ಎಚ್ಚರದಿಂದಿರಿ.

ಕನ್ಯಾ : ಕೆಲಸದ ಒತ್ತಡದಿಂದಾಗಿ ಸಂಗಾತಿಗೆ ಹೆಚ್ಚು ಸಮಯ ಕೊಡಲು ಆಗದೇ ಇಕ್ಕಟ್ಟಿಗೆ ಸಿಲುಕುವಿರಿ. ವೈಯಕ್ತಿಕ ಜೀವನ ಹಾಗೂ ವೃತ್ತಿ ಜೀವನದ ನಡುವೆ ಅಂತರ ಕಾಯ್ದುಕೊಳ್ಳಿ. ಪೋಷಕರ ಜೊತೆ ವಾಗ್ವಾದ ನಡೆಯುವ ಸಾಧ್ಯತೆ ಇದೆ. ಇದರಿಂದ ಪೋಷಕರು ನಿಮ್ಮ ಮೇಲೆ ನೊಂದುಕೊಳ್ಳಲಿದ್ದಾರೆ. ಮಕ್ಕಳ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಿ.

ತುಲಾ : ಸಹೋದ್ಯೋಗಿಗಳ ಪಿತೂರಿಯ ನಡುವೆಯೂ ಕಚೇರಿಯಲ್ಲಿ ಕೊಟ್ಟ ಸಮಯದಲ್ಲಿ ಕೆಲಸವನ್ನೂ ಪೂರ್ಣಗೊಳಿಸುತ್ತಿದ್ದೀರಾ. ನಿಮ್ಮ ಈ ಪರಿಶ್ರಮಕ್ಕೆ ಶೀಘ್ರದಲ್ಲೇ ಸೂಕ್ತ ಬಹುಮಾನ ಸಿಗಲಿದೆ. ಸಂಗಾತಿಯ ಆರೋಗ್ಯ ಹದಗೆಡೋದ್ರಿಂದ ಕೊಂಚ ನೋವು ಅನುಭವಿಸಲಿದ್ದೀರಿ. ಯಾವುದೇ ವಿಚಾರದಲ್ಲಿ ಅತೀ ಬುದ್ಧಿವಂತಿಕೆ ಸಲ್ಲದು.

ವೃಶ್ಚಿಕ : ನಿಮ್ಮ ಚಂಚಲ ಬುದ್ಧಿಯಿಂದಾಗಿ ಖರ್ಚು ಹೆಚ್ಚು ಮಾಡಿಕೊಳ್ಳುತ್ತಿದ್ದೀರಿ. ಹೊಸ ಹೂಡಿಕೆಗಳಿಂದ ಲಾಭ ಸಿಗಲಿದೆ. ಮಕ್ಕಳಿಂದ ನೋವನ್ನು ಅನುಭವಿಸಲಿದ್ದೀರಿ. ಹೊಸ ವಾಹನ ಖರೀದಿ ಮಾಡುವ ಸಾಧ್ಯತೆ ಇದೆ.

ಧನು : ಎಂತಹ ಕಷ್ಟದಲ್ಲಿಯೂ ಸತ್ಯದ ಪರವಾಗಿ ನಿಲ್ಲುವ ನಿಮ್ಮ ಮನಸ್ಥಿತಿ ಮೆಚ್ಚುಗೆಗೆ ಪಾತ್ರವಾಗಲಿದೆ. ಇಂದು ನೀವು ವೃತ್ತಿ ಜೀವನದಲ್ಲಿ ಮಹತ್ವದ ಘಟ್ಟವೊಂದನ್ನು ಎದುರಿಸಲಿದ್ದೀರಿ. ವಂಶಪಾರಂಪರ್ಯವಾಗಿ ಬಂದ ವ್ಯವಹಾರವನ್ನು ವಿಸ್ತರಿಸುವ ಬಗ್ಗೆ ಹಿರಿಯರೊಂದಿಗೆ ಚರ್ಚಿಸಲಿದ್ದೀರಿ.

ಮಕರ : ವ್ಯವಹಾರದಲ್ಲಿ ಒಡಂಬಡಿಕೆ ಮಾಡಿಕೊಳ್ಳುವ ಮುನ್ನ ನೂರು ಬಾರಿ ಯೋಚನೆ ಮಾಡಿ. ವಿದ್ಯಾರ್ಥಿಗಳಿಗೆ ಹೊಸ ಅವಕಾಶಗಳು ಕೂಡಿ ಬರಲಿದೆ. ರಾಜಕೀಯ ವೃತ್ತಿಯಲ್ಲಿ ಇರುವವರಿಗೆ ಶುಭ ಸುದ್ದಿ ಕಾದಿದೆ. ಉನ್ನತಾಧಿಕಾರಿಗಳ ದರ್ಪದಿಂದ ನೋವುಂಟಾಗಲಿದೆ.

ಕುಂಭ : ವೃತ್ತಿ ಜೀವನದಲ್ಲಿ ಪ್ರಗತಿ ಇದೆ. ನೀವು ಅತಿಯಾಗಿ ನಂಬಿದವರೇ ನಿಮಗೆ ಮೋಸ ಮಾಡುವ ಸಾಧ್ಯತೆ ಇದೆ. ವ್ಯಾಪಾರ ವ್ಯವಹಾರದಲ್ಲಿ ಲಾಭ ಗಳಿಸಲಿದ್ದೀರಿ. ಕಾನೂನು ರೀತಿಯಲ್ಲಿ ಪರಿಸ್ಥಿತಿ ನಿಮ್ಮ ಪರವಾಗಿ ಇರಲಿದೆ.

ಮೀನ : ನಿಮಗೆ ಅರಿವಿಗೆ ಬಾರದಿದ್ದರೂ ವಿವಾದದಲ್ಲಿ ನಿಮ್ಮ ಹೆಸರು ಕೇಳಿ ಬರಲಿದೆ. ವೃತ್ತಿ ಜೀವನದಲ್ಲಿ ಒತ್ತಡ ಎದುರಾಗಲಿದೆ. ವೈದ್ಯಕೀಯ ವೃತ್ತಿಯಲ್ಲಿ ಇರುವವರಿಗೆ ಇದು ಶುಭ ದಿನ. ಸಂತಾನ ಭಾಗ್ಯವಿದೆ. ತಲೆನೋವು ಸಮಸ್ಯೆ ನಿಮ್ಮನ್ನು ಭಾದಿಸಬಹುದು.