ಚಳಿಗಾಲ ಬಂತೆಂದರೆ ಎಲ್ಲರಿಗೂ ನೆಗಡಿ ಮತ್ತು ಕೆಮ್ಮಿನ ಸಮಸ್ಯೆ. ಆರಂಭದಲ್ಲಿ ನಿರಂತರ ಸೀನು ನಂತರ ಕೆಮ್ಮು ನಮ್ಮನ್ನು ಬಿಡದೇ ಕಾಡುತ್ತದೆ. ಕೆಲವೊಮ್ಮೆ ಒಂದಾದ ಮೇಲೊಂದರಂತೆ ಸೀನು ಬರುತ್ತಲೇ ಇರುತ್ತದೆ. ಅನೇಕರು ಸೀನು ಬಂದಾಗ ಬಲವಂತವಾಗಿ ಅದನ್ನು ತಡೆಯುತ್ತಾರೆ. ಆದರೆ ಈ ರೀತಿ ಮಾಡುವುದು ಆರೋಗ್ಯಕ್ಕೆ ಅಪಾಯಕಾರಿ.
ಕಚೇರಿಯಲ್ಲಿದ್ದಾಗ ಅಥವಾ ಸ್ನೇಹಿತರ ಜೊತೆಗಿದ್ದಾಗ ಕೆಲವರು ಜೋರಾಗಿ ಸೀನಲು ಇಷ್ಟಪಡುವುದಿಲ್ಲ. ಅದಕ್ಕಾಗಿಯೇ ಸೀನು ಬಂದಾಗ ಅದನ್ನು ತಡೆಯುತ್ತಾರೆ. ಕೊರೋನಾ ಸಾಂಕ್ರಾಮಿಕದ ಸಮಯದಲ್ಲಂತೂ ಈ ಸಮಸ್ಯೆ ಮತ್ತಷ್ಟು ಹೆಚ್ಚಾಗಿತ್ತು. ಯಾರಾದರೂ ಸೀನಿದರೆ ಸಾಕು ಜನರು ಅವರನ್ನು ಭಯದಿಂದ ವಿಚಿತ್ರವಾಗಿ ನೋಡಲಾರಂಭಿಸುತ್ತಿದ್ದರು. ಆ ಜಾಗದಿಂದ ದೂರ ಓಡುತ್ತಿದ್ದರು. ಹಾಗಾಗಿ ಇದರಿಂದ ಮುಜುಗರಕ್ಕೊಳಗಾದ ಅನೇಕರು ಸೀನು ಬಂದಾಗ ಅದನ್ನು ತಡೆಹಿಡಿಯಲಾರಂಬಿಸಿದರು.
ಸೀನುವಿಕೆಯನ್ನು ತಡೆಹಿಡಿದಾಗ ಏನಾಗುತ್ತದೆ ?
ಸೀನುವಿಕೆಯನ್ನು ನಿಲ್ಲಿಸುವುದು ಅಪಾಯಕಾರಿ. ಈ ರೀತಿ ಮಾಡಲೇಬಾರದು ಎನ್ನುತ್ತಾರೆ ವೈದ್ಯರು. ವಾಸ್ತವವಾಗಿ ನಾವು ಕೆಮ್ಮುವಾಗ ಅಥವಾ ಸೀನುವಾಗ ದೇಹದಲ್ಲಿ ಒತ್ತಡ ಉಂಟಾಗುತ್ತದೆ. ಇದು ಶ್ವಾಸಕೋಶದ ಮೇಲೆ ಒತ್ತಡವನ್ನು ಉಂಟುಮಾಡುತ್ತದೆ. ಸೀನುವುದನ್ನು ಬಲವಂತವಾಗಿ ನಿಲ್ಲಿಸಿದರೆ ಈ ಒತ್ತಡವು 10 ಪಟ್ಟು ಹೆಚ್ಚಾಗುತ್ತದೆ. ಈ ಒತ್ತಡ ದೇಹದ ದುರ್ಬಲ ಭಾಗಗಳಿಗೆ ತೀವ್ರ ಹಾನಿ ಮಾಡಬಹುದು. ಇದು ಕಿವಿ ಮತ್ತು ಕಣ್ಣುಗಳ ಮೇಲೂ ಪರಿಣಾಮ ಬೀರಬಹುದು. ಅದಕ್ಕಾಗಿಯೇ ಪ್ರತಿ ಬಾರಿ ಸೀನು ಅಥವಾ ಕೆಮ್ಮು ಬಂದಾಗ ಅದನ್ನು ತಡೆಯಬಾರದು. ಕರವಸ್ತ್ರ ಹಿಡಿದು ಮುಕ್ತವಾಗಿ ಸೀನಬೇಕು.
ಆರೋಗ್ಯವಂತ ವ್ಯಕ್ತಿಯ ದೇಹವು ಈ ಒತ್ತಡವನ್ನು ತಡೆದುಕೊಳ್ಳುತ್ತದೆ. ಆದರೆ ದೇಹವು ದುರ್ಬಲವಾಗಿದ್ದಾಗ ಅಪಾಯವಾಗಬಹುದು. ವಿಶೇಷವಾಗಿ ಆಲ್ಕೋಹಾಲ್ ಸೇವಿಸುವವರು ಅಥವಾ ಸಿಗರೇಟ್ ಸೇದುವವರು ಸೀನು ಮತ್ತು ಕೆಮ್ಮನ್ನು ತಡೆದರೆ ಅವರ ಉಸಿರಾಟದ ಪ್ರದೇಶ ಅಥವಾ ಶ್ವಾಸಕೋಶದ ಮೇಲೆ ಗಂಭೀರ ಪರಿಣಾಮ ಉಂಟಾಗುತ್ತದೆ.
Loading ...