ಶಾಕಿಂಗ್: ಜೀವ ತೆಗೆದ ಗೋಡಂಬಿ, ಗಂಟಲಲ್ಲಿ ಗೋಡಂಬಿ ಬೀಜ ಸಿಲುಕಿ ಮಗು ಸಾವು

ಗಂಟಲಲ್ಲಿ ಗೋಡಂಬಿ ಬೀಜ ಸಿಲುಕಿ ಮೂರು ವರ್ಷದ ಮಗು ಸಾವನ್ನಪ್ಪಿದ ಘಟನೆ ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರಿನಲ್ಲಿ ನಡೆದಿದೆ.

ಪುತ್ತೂರು ಹೊರವಲಯದ ಸಾಲ್ಮರ ಉರಮಾಲ್ ನಿವಾಸಿಯಾಗಿರುವ ಇಸಾಕ್ ಎಂಬುವರ 3 ವರ್ಷದ ನವಾಜ್ ಮೃತಪಟ್ಟ ಮಗು ಎಂದು ಹೇಳಲಾಗಿದೆ. ಬುಧವಾರ ಮಧ್ಯಾಹ್ನ ಮನೆಯಲ್ಲಿ ಗೋಡಂಬಿ ತಿನ್ನುವ ವೇಳೆ ಗಂಟಲಲ್ಲಿ ಗೋಡಂಬಿ ತುಣುಕು ಸಿಲುಕಿ ಅಸ್ವಸ್ಥಗೊಂಡಿದ್ದು, ಕೂಡಲೇ ಮನೆಯವರು ಪುತ್ತೂರು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಮಂಗಳೂರಿನ ಆಸ್ಪತ್ರೆಗೆ ತೆರಳುವ ಮಾರ್ಗ ಮಧ್ಯದಲ್ಲೆ ಮೃತಪಟ್ಟಿದೆ ಎನ್ನಲಾಗಿದೆ. ಪುತ್ತೂರು ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.