ನಿಮ್ಮ ಜನ್ಮದಿನದಂದು ನಿಮಗೆ ಏನು ಗಿಫ್ಟ್ ಸಿಕ್ಕರೆ ತುಂಬಾ ಖುಷಿಯಾಗುತ್ತದೆ ಎಂದು ಯಾರನ್ನಾದರೂ ಕೇಳಿದರೆ ಬಹುತೇಕ ಮಂದಿ ಹೇಳುವುದು ಲಕ್ಷ ಲಕ್ಷ ಹಣ ಸಿಕ್ಕಿಬಿಟ್ಟರೆ ಎಂದು. ಆದರೆ ಈ ವ್ಯಕ್ತಿಗೆ ಅದು ನಿಜವಾಗಿದೆ. ಕಳೆದ 50 ವರ್ಷಗಳಿಂದ ಲಾಟರಿಯಲ್ಲಿ ಅದೃಷ್ಟ ಪರೀಕ್ಷೆ ನಡೆಸುತ್ತಿದ್ದ ವ್ಯಕ್ತಿಯೊಬ್ಬ ಹುಟ್ಟುಹಬ್ಬದ ದಿನ 80 ಲಕ್ಷ ರೂಪಾಯಿ ಗೆದ್ದಿದ್ದಾರೆ.
ಡ್ರೆಸ್ಡೆನ್ ಎಂಬ ಕೆನಡಾದ ವ್ಯಕ್ತಿ ಈ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. 1980ರಿಂದಲೂ ಅದೃಷ್ಟ ಪರೀಕ್ಷೆ ಮಾಡುತ್ತಿದ್ದೆ. ಕಳೆದ ಬಾರಿ ಮಿನಿ-ಮಾರ್ಟ್‌ನಿಂದ 5 ಕೆನಡಾದ ಡಾಲರ್‌ ಅಂದರೆ ಸುಮಾರು 305 ರೂಪಾಯಿ ಕೊಟ್ಟು ಲಾಟರಿ ಟಿಕೆಟ್ ಖರೀದಿಸಿದೆ. ಅದು ನನ್ನನ್ನು ಕೋಟಿ ಹತ್ತಿರ ಗಳಿಸುವಂತೆ ಮಾಡುತ್ತದೆ ಎಂದು ತಿಳಿದೇ ಇರಲಿಲ್ಲ.
ಇದು ನನಗೆ ಫೋನ್ ಬಂದಾಗಲೇ ತಿಳಿದದ್ದು, ನನಗೆ 80 ಲಕ್ಷ ರೂಪಾಯಿ ಸಿಕ್ಕಿದೆ ಎಂದಿದ್ದಾರೆ. ನನ್ನ ಹುಟ್ಟುಹಬ್ಬದಂದೇ ಈ ಹಣ ನನಗೆ ಸಂದಾಯವಾಗಿದ್ದು, ನನ್ನ ಜೀವನದಲ್ಲಿ ಮರೆಯಲಾಗದ ಘಟನೆ ಎಂದಿದ್ದಾರೆ.
Loading ...