ಸಿಂಪಲ್ ಆಗಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಜೋಡಿ ಉಳಿದ ದುಡ್ಡಲ್ಲಿ ಮಾಡಿದ್ದೇನು ಗೊತ್ತಾ….?

ಮದುವೆ ಅನ್ನೋದು ಪ್ರತಿಯೊಬ್ಬರ ಜೀವನದಲ್ಲೂ ಸಂಭ್ರಮದ ಕ್ಷಣ. ತಮ್ಮ ಮದುವೆಗೆ ಕೆಲವರು ಸಾವಿರಾರು ಜನರನ್ನು ಆಹ್ವಾನಿಸುತ್ತಾರೆ, ಅದಕ್ಕಾಗಿ ಸಾಕಷ್ಟು ಖರ್ಚು ಕೂಡ ಮಾಡುತ್ತಾರೆ. ಆದರೆ ಇಲ್ಲೊಂದು ಜೋಡಿ, ಮದುವೆಗೆ ಖರ್ಚಾಗುವ ವ್ಯರ್ಥ ವೆಚ್ಚವನ್ನು ತಡೆಹಿಡಿದಿದ್ದಾರೆ. ಆ ದುಡ್ಡಲ್ಲಿ ಅವರೇನು ಮಾಡಿದ್ರು ಗೊತ್ತಾ..?
ಯೂಲಿಯಾ ಎಂಬಾಕೆ ಸಾಮಾಜಿಕ ಜಾಲತಾಣದಲ್ಲಿ ತನ್ನ ಮದುವೆಯ ಮಾಹಿತಿಯನ್ನು ಹಂಚಿಕೊಂಡಿದ್ದಾಳೆ.

ಮದುವೆಗಾಗಿ $ 15000 ( ಸುಮಾರು 11.13 ಲಕ್ಷ ರೂ.) ವ್ಯರ್ಥವಾಗುತ್ತದೆ. ಅದಕ್ಕಾಗಿ ಅದನ್ನು ತಮಗೆಂದೇ ಖರ್ಚು ಮಾಡಲು ನಿರ್ಧರಿಸಿ, 4 ದೇಶಗಳಿಗೆ ಹನಿಮೂನ್ ತೆರಳಿದ್ದಾರೆ.

BIG NEWS: ಗರೀಬ್ ಕಲ್ಯಾಣ್ ಯೋಜನೆಯಡಿ ನ್ಯಾಯಬೆಲೆ ಅಂಗಡಿಯಲ್ಲಿ ಪ್ಲಾಸ್ಟಿಕ್ ಅಕ್ಕಿ ವಿತರಣೆ, ಆರೋಪ

ಈ ಬಗ್ಗೆ ಮಾತನಾಡಿದ ಯೂಲಿಯಾ, “ಅತಿಥಿಗಳನ್ನು ರಂಜಿಸಲು ಯಾಕೋ ಮನಸ್ಸಾಗಲಿಲ್ಲ. ಸುಮ್ಮನೇ ವೇಸ್ಟ್ ಖರ್ಚು ಎಂದು ಭಾವಿಸಿ, ನಿಗದಿಯಾಗಿದ್ದ ನಮ್ಮ ದೊಡ್ಡ ಮದುವೆಯನ್ನು ರದ್ದುಗೊಳಿಸಲು ನಿರ್ಧರಿಸಿದೆವು. ಮತ್ತು ನಮ್ಮ ಇಬ್ಬರು ಉತ್ತಮ ಸ್ನೇಹಿತರನ್ನು ಕರೆದೆವು. ಬಳಿಕ ಅಂಗಡಿಗೆ ಹೋಗಿ $ 50ರ ಬಿಳಿ ಉಡುಗೆ ಖರೀದಿಸಿದ ಮೂರು ಗಂಟೆಗಳ ನಂತರ ಮದುವೆಯಾಗಿದ್ದೇವೆ” ಎಂದು ಹೇಳಿದ್ದಾರೆ.

ಮದುವೆಯಿಂದ ಉಳಿಸಿದ ಹಣದಲ್ಲಿ ತನ್ನ ಸಂಗಾತಿಯೊಂದಿಗೆ ಆಕೆ ಗ್ರೀಸ್, ಇಟಲಿ, ಹವಾಯಿ ಮತ್ತು ಮೊರೊಕ್ಕೊಗಳಿಗೆ ಪ್ರಯಾಣಿಸಿದ್ದಾಳೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, 1.8 ದಶಲಕ್ಷಕ್ಕೂ ಹೆಚ್ಚು ಮಂದಿ ವೀಕ್ಷಿಸಿದ್ದಾರೆ.

ಯೂಲಿಯಾ ಕಲ್ಪನೆಯಿಂದ ನೆಟ್ಟಿಗರು ಪ್ರಭಾವಿತರಾಗಿದ್ದಾರೆ. “ನೋಡಿ ನಿಮ್ಮ ಆಹಾರವನ್ನು ತಿಂದು ತೀರ್ಪು ನೀಡುವ ಜನರಿಗೆ ಮನರಂಜನೆ ನೀಡುವ ಬದಲು ಇದು ಹೆಚ್ಚು ಅರ್ಥಪೂರ್ಣವಲ್ಲವೇ?” ಎಂದೆಲ್ಲಾ ಪ್ರತಿಕ್ರಿಯಿಸಿದ್ದಾರೆ.