BREAKING : ಬೆಂಗಳೂರಲ್ಲಿ ‘ಬೆಡ್ ಶೀಟ್ ಗ್ಯಾಂಗ್’ ನಿಂದ ‘ATM’ ಗೆ ಕನ್ನ ; 16 ಲಕ್ಷ ಹಣ ದೋಚಿ ಪರಾರಿ..!

ಬೆಂಗಳೂರು : ‘ಬೆಡ್ ಶೀಟ್ ಗ್ಯಾಂಗ್’ ಒಂದು ಗ್ಯಾಸ್ ಕಟರ್ ಬಳಸಿ ಎಟಿಎಂ ನಲ್ಲಿ ಹಣ ದರೋಡೆ ಮಾಡಿದ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.

ಒಂದೇ ದಿನ ಬೆಳ್ಳಂದೂರು, ಹೊಸೂರಿನ ಎಟಿಎಂ ನಲ್ಲಿ ಈ ಘಟನೆ ನಡೆದಿದೆ. ಬೆಡ್ ಶೀಟ್ ಸುತ್ತಿಕೊಂಡು ಬಂದ ಗ್ಯಾಂಗ್ ಎಟಿಎಮ್ ನ ಸಿಸಿ ಕ್ಯಾಮೆರಾಗೆ ಬ್ಲಾಕ್ ಸ್ಪ್ರೇ ಹೊಡೆದು 16,56,800 ರೂ ಹಣ ದರೋಡೆ ಮಾಡಿದೆ. ದುಷ್ಕರ್ಮಿಗಳ ಕೃತ್ಯ ಎಟಿಎಮ್ ನ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಹೊರ ರಾಜ್ಯದಿಂದ ಬಂದು ಹಣ ದರೋಡೆ ಮಾಡಿರುವ ಶಂಕೆ ವ್ಯಕ್ತವಾಗಿದೆ.

ಬೆಳ್ಳಂದೂರು ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದ್ದು, ಘಟನೆ ನಡೆದ ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಖದೀಮರ ಬಂಧನಕ್ಕೆ ಪೊಲೀಸರು ಬಲೆ ಬೀಸಿದ್ದಾರೆ.