ಕೊಳವೆ ಬಾವಿ ಕೊರೆಸಲು ನೋಂದಣಿ ಕಡ್ಡಾಯ, 10,000 ಲೀಟರ್ ಗಿಂತ ಹೆಚ್ಚು ನೀರು ಬಳಕೆಗೆ ಶುಲ್ಕ

ಕೊಳವೆಬಾವಿ ಕೊರೆಸಲು ನೋಂದಣಿ ಕಡ್ಡಾಯವಾಗಿದ್ದು, 10,000 ಲೀಟರ್ ಗಿಂತ ಅಧಿಕ ಅಂತರ್ಜಲ ಬಳಕೆಗೆ ಶುಲ್ಕ ವಿಧಿಸಲಾಗುವುದು.

ಕೇಂದ್ರ ಮತ್ತು ರಾಜ್ಯ ಅಂತರ್ಜಲ ಮಂಡಳಿ ವ್ಯಾಪ್ತಿಯಲ್ಲಿ ಕೊರೆಸುವ ಕೊಳವೆ ಬಾವಿ, ಬಾವಿಗಳಿಗೆ ನೋಂದಣಿ ಸಹಿತ ಶುಲ್ಕ ಪಾವತಿಸಬೇಕಿದೆ. ಅಲ್ಲದೇ, 10,000 ಲೀಟರ್ ಗಿಂತ ಹೆಚ್ಚು ಅಂತರ್ಜಲ ಬಳಕೆ ಮಾಡಿದಲ್ಲಿ ಅದಕ್ಕೆ ಕೂಡ ಶುಲ್ಕ ಪಾವತಿಸಬೇಕು. ಎನ್.ಒ.ಸಿ. ಪಡೆಯದೆ ಅಂತರ್ಜಲ ಬಳಕೆ ಮಾಡಿದಲ್ಲಿ ಒಂದು ಲಕ್ಷ ರೂಪಾಯಿ ದಂಡ ವಿಧಿಸಲಾಗುವುದು ಎನ್ನಲಾಗಿದೆ.

0 -50 ಸಾವಿರ ಲೀಟರ್ ಗೆ 1 ರೂ., 51,000 ಲೀಟರ್ ನಿಂದ 2 ಲಕ್ಷ ಲೀಟರ್ ಗೆ 3 ರೂ., 2 ಲಕ್ಷ ಲೀಟರ್ ನಿಂದ 10 ಲಕ್ಷ ಲೀಟರ್ ಗೆ 5 ರೂಪಾಯಿ, 10 ಲಕ್ಷ ಲೀಟರ್ ನಿಂದ 50 ಲಕ್ಷ ಲೀಟರ್ ಗೆ 8 ರೂಪಾಯಿ ಮತ್ತು 50 ಲಕ್ಷ ಲೀಟರ್ ಮೇಲ್ಪಟ್ಟು ಅಂತರ್ಜಲ ಬಳಕೆಗೆ 10 ರೂಪಾಯಿ ಶುಲ್ಕ ವಿಧಿಸಲಾಗುವುದು.

ಕೃಷಿ, ಗೃಹಬಳಕೆ, ಗ್ರಾಮೀಣ ಕುಡಿಯುವ ನೀರು, ಸರ್ಕಾರಿ ವ್ಯವಸ್ಥೆ ಹೊರತುಪಡಿಸಿ ವಾಣಿಜ್ಯ ಕೈಗಾರಿಕೆಗಳಿಗೆ ಇದು ಅನ್ವಯವಾಗಲಿದೆ. ಕೇಂದ್ರ ಅಂತರ್ಜಲ ಮಂಡಳಿ ವ್ಯಾಪ್ತಿಯಲ್ಲಿರುವ ಕೇಂದ್ರಾಡಳಿತ ಪ್ರದೇಶಗಳು ಮತ್ತು ರಾಜ್ಯಗಳಲ್ಲಿ ಬಾವಿ ಕೊಳವೆ ಬಾವಿ ಕೊರೆಸಲು ನೋಂದಣಿ ಸಹಿತ 10,000 ರೂ. ಶುಲ್ಕ ಪಾವತಿಸಬೇಕಿದೆ. ಕರ್ನಾಟಕ ಸೇರಿದಂತೆ ಅನೇಕ ರಾಜ್ಯಗಳಲ್ಲಿ ನೋಂದಣಿ ಶುಲ್ಕ 3500 ರೂ. ನೀಡಬೇಕಿದೆ ಎಂದು ಹೇಳಲಾಗಿದೆ.