BREAKING: ಬಿಎಂಟಿಸಿ ಬಸ್ ವಿಂಡೋ ಗಾಜು ಧ್ವಂಸಗೊಳಿಸಿ ಚಾಲಕನ ಮೇಲೆ ಹಲ್ಲೆ: ಮೆಕಾನಿಕ್ ವಶಕ್ಕೆ

ಬೆಂಗಳೂರು: ವಾಹನಕ್ಕೆ ಬಿಎಂಟಿಸಿ ಬಸ್ ಟಚ್ ಆಗಿದೆ ಎಂದು ಬೆಂಗಳೂರಿನ ಕಾರ್ಪೊರೇಷನ್ ಬಳಿ ಮೆಕಾನಿಕ್ ಮುಜಾಹಿದ್ ಚಾಲಕನ ಮೇಲೆ ಹಲ್ಲೆ ನಡೆಸಿದ್ದಾನೆ.

ಹಿಂದಿನಿಂದ ಬಂದ ಬಸ್ ಟಚ್ ಆಗಿದೆ ಎಂದು ಮುಜಾಹಿದ್ ಪ್ರಶ್ನಿಸಿದ್ದು, ಈ ವೇಳೆ ಬಸ್ ಚಾಲಕ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ. ನಂತರ ಕೋಪಗೊಂಡ ಬೈಕ್ ಸವಾರ ಮುಜಾಹಿದ್  ಹಿಂದಿನಿಂದ ಬಿಎಂಟಿಸಿ ಬಸ್ ಚೇಸ್ ಮಾಡಿಕೊಂಡು ಬಂದು ಚಾಲಕನ ಪಕ್ಕಕ್ಕೆ ಬಂದು ಬಸ್ ವಿಂಡೋ ಗಾಜು ದ್ವಂಸಗೊಳಿಸಿ ಹಲ್ಲೆ ಮಾಡಿದ್ದಾನೆ.

ಚಾಲಕನಿಗೆ ಹಲ್ಲೆ ಮಾಡುವಾಗ ಸುತ್ತು ಬರೆದ ಜನ ಸವಾರನನ್ನು ಥಳಿಸಿದ್ದಾರೆ. ಬಸ್ ಚಾಲಕ ಎಸ್.ಜೆ. ಪಾರ್ಕ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಮುಜಾಹಿದ್ ನನ್ನು ವಶಕ್ಕೆ ಪಡೆದು ಪೊಲೀಸರು ತನಿಖೆ ನಡೆಸಿದ್ದಾರೆ. ಬಸ್ ಚಾಲಕನೆ ಮೊದಲು ಡಿಕ್ಕಿ ಹೊಡೆದು ಬೈದಾಡಿದ್ದು, ನಂತರ ತಾನು ಗಾಜು ಧ್ವಂಸಗೊಳಿಸಿರುವುದಾಗಿ ಸವಾರ ಹೇಳಿದ್ದಾನೆ. ಬಿಎಂಟಿಸಿ ಬಸ್ ಮತ್ತು ದ್ವಿಚಕ್ರ ವಾಹನವನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಎಸ್.ಜೆ. ಪಾರ್ಕ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ.