ನಮ್ಮ ಅಡುಗೆ ಮನೆಯಲ್ಲಿ ಸಿಗುವ ಕಾಳು ಮೆಣಸು ಮತ್ತು ಜೇನುತುಪ್ಪ, ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಅಂತಾ ಸಂಶೋಧನೆಗಳು ಹೇಳ್ತಿವೆ. ಇವೆರಡನ್ನು ಒಟ್ಟಿಗೆ ಬೆರೆಸಿ ತಿಂದ್ರೆ, ನಮ್ಮ ದೇಹಕ್ಕೆ ಬೇಕಾದ ಅನೇಕ ಪೋಷಕಾಂಶಗಳು ಸಿಗುತ್ತವೆ.
- ಕೆಮ್ಮು ಮತ್ತು ಶೀತಕ್ಕೆ: ಕಾಳು ಮೆಣಸಿನಲ್ಲಿ ಆಂಟಿಬ್ಯಾಕ್ಟೀರಿಯಲ್ ಮತ್ತು ಉರಿಯೂತ ನಿವಾರಕ ಗುಣಗಳಿವೆ. ಜೇನುತುಪ್ಪ ಗಂಟಲಿಗೆ ಆರಾಮ ಕೊಡುತ್ತೆ. ಇವೆರಡನ್ನು ಒಟ್ಟಿಗೆ ತಿಂದ್ರೆ ಕೆಮ್ಮು, ಶೀತ, ಗಂಟಲು ನೋವು ಕಡಿಮೆಯಾಗುತ್ತೆ.
- ಜೀರ್ಣಕ್ರಿಯೆಗೆ: ಕಾಳು ಮೆಣಸು ಜೀರ್ಣಕಾರಿ ಕಿಣ್ವಗಳನ್ನು ಹೆಚ್ಚು ಮಾಡುತ್ತೆ. ಇದರಿಂದ ಜೀರ್ಣಕ್ರಿಯೆ ಚೆನ್ನಾಗಿ ಆಗುತ್ತೆ. ಹೊಟ್ಟೆ ಉಬ್ಬರ, ಗ್ಯಾಸ್ ಸಮಸ್ಯೆ ಕೂಡಾ ಕಡಿಮೆಯಾಗುತ್ತೆ.
- ತೂಕ ಇಳಿಸಲು: ಕಾಳು ಮೆಣಸು ದೇಹದ ಚಯಾಪಚಯವನ್ನು ಹೆಚ್ಚಿಸುತ್ತೆ. ಇದು ದೇಹದಲ್ಲಿರೋ ಕೊಬ್ಬನ್ನು ಕರಗಿಸಲು ಸಹಾಯ ಮಾಡುತ್ತೆ. ಜೇನುತುಪ್ಪದ ಜೊತೆ ಸೇರಿಸಿ ತಿಂದ್ರೆ ತೂಕ ಇಳಿಸೋಕೆ ಸಹಾಯ ಮಾಡುತ್ತೆ.
- ರೋಗ ನಿರೋಧಕ ಶಕ್ತಿ: ಕಾಳು ಮೆಣಸು ಮತ್ತು ಜೇನುತುಪ್ಪ ಎರಡರಲ್ಲೂ ಆಂಟಿಆಕ್ಸಿಡೆಂಟ್‌ಗಳು ಇವೆ. ಇವು ದೇಹದ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತವೆ. ಇದರಿಂದ ದೇಹಕ್ಕೆ ಸೋಂಕುಗಳು ಬರೋದು ಕಡಿಮೆಯಾಗುತ್ತೆ.
- ಚರ್ಮದ ಆರೋಗ್ಯಕ್ಕೆ: ಈ ಎರಡರಲ್ಲೂ ಇರೋ ಆಂಟಿಆಕ್ಸಿಡೆಂಟ್‌ಗಳು ಚರ್ಮವನ್ನು ರಕ್ಷಿಸುತ್ತವೆ. ಮೊಡವೆ ಮತ್ತು ಬೇರೆ ಚರ್ಮದ ಸಮಸ್ಯೆಗಳನ್ನು ಕಡಿಮೆ ಮಾಡುತ್ತವೆ.
- ಉಸಿರಾಟದ ತೊಂದರೆ: ಕಾಳುಮೆಣಸು ಮತ್ತು ಜೇನುತುಪ್ಪ ಶ್ವಾಸಕೋಶದ ಕಾರ್ಯವನ್ನು ಉತ್ತಮಗೊಳಿಸುತ್ತವೆ. ಅಸ್ತಮಾ ಮತ್ತು ಇತರ ಉಸಿರಾಟದ ತೊಂದರೆಗಳ ಲಕ್ಷಣಗಳನ್ನು ಕಡಿಮೆ ಮಾಡುತ್ತವೆ.
ಹೇಗೆ ತಿನ್ನೋದು?
- ಒಂದು ಚಮಚ ಜೇನುತುಪ್ಪಕ್ಕೆ ಚಿಟಿಕೆ ಕಾಳು ಮೆಣಸಿನ ಪುಡಿ ಸೇರಿಸಿ ತಿನ್ನಬಹುದು.
- ಬಿಸಿ ನೀರಿಗೆ ಜೇನುತುಪ್ಪ ಮತ್ತು ಕಾಳು ಮೆಣಸಿನ ಪುಡಿ ಸೇರಿಸಿ ಕುಡಿಯಬಹುದು.
Loading ...