ರಾಷ್ಟ್ರೀಯ ಪ್ರತಿಭಾ ಶೋಧ ಪರೀಕ್ಷೆಗಾಗಿ ವಿದ್ಯಾರ್ಥಿಗಳು ಪಾವತಿಸಿದ್ದ ಶುಲ್ಕವನ್ನೂ ಗುಳುಂ ಮಾಡಿದ ಸರ್ಕಾರ; ಕಾಂಗ್ರೆಸ್ ವಿರುದ್ಧ ಬಿಜೆಪಿ ಮತ್ತೊಂದು ಆರೋಪ

ಬೆಂಗಳೂರು: ಸಿಎಂ ಸಿದ್ದರಾಮಯ್ಯ ನೇತೃತ್ವದ ಕಾಂಗ್ರೆಸ್ ಸರ್ಕಾರದ ವಿರುದ್ಧ ರಾಜ್ಯ ಬಿಜೆಪಿ ಮತ್ತೊಂದು ಗಂಭೀರ ಆರೋಪ ಮಾಡಿದ್ದು, ವಿದ್ಯಾರ್ಥಿಗಳ ಶುಲ್ಕವನ್ನೂ ಲಪಟಾಯಿಸಿದೆ ಎಂದು ಕಿಡಿಕಾರಿದೆ.

ಈ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಆಕ್ರೋಶ ವ್ಯಕ್ತಪಡಿಸಿರುವ ಬಿಜೆಪಿ, ಸ್ಕ್ಯಾಮ್ ಸಿಎಂ ಸಿದ್ದರಾಮಯ್ಯನವರ ಸರ್ಕಾರ ಎಷ್ಟು ಬರಗೆಟ್ಟಿದೆ ಅಂದರೆ, ರಾಷ್ಟ್ರೀಯ ಪ್ರತಿಭಾ ಶೋಧ ಪರೀಕ್ಷೆಗಾಗಿ ವಿದ್ಯಾರ್ಥಿಗಳು ಪಾವತಿಸಿದ್ದ ಸುಮಾರು 2.66 ಕೋಟಿ ರೂ. ಶುಲ್ಕವನ್ನೂ ಗುಳುಂ ಮಾಡಿದೆ. ಈ ಪರೀಕ್ಷೆ ರದ್ದಾಗಿದ್ದರೂ ಹಣವನ್ನು ಮರುಪಾವತಿ ಮಾಡದೇ ಪೋಷಕರನ್ನು ಆಟವಾಡಿಸುತ್ತಿದೆ ಎಂದು ಗುಡುಗಿದೆ.

‘ಕೈ’ ಸಂಪೂರ್ಣ ಖಾಲಿ ಮಾಡಿಕೊಂಡಿರುವ ಮುಖ್ಯಮಂತ್ರಿಗಳಿಗೆ ಬಡಮಕ್ಕಳ ಶುಲ್ಕವನ್ನು ಲಪಟಾಯಿಸುವ ದುರ್ಬುದ್ದಿ ಬರಬಾರದಿತ್ತು. ಪೋಷಕರು ಇದನ್ನು ಎಂದಿಗೂ ಕ್ಷಮಿಸುವುದಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದೆ.