BIG NEWS: ಹೊಸ ವರ್ಷಕ್ಕೂ ಮುನ್ನ BMTC ಪ್ರಯಾಣಿಕರಿಗೆ ಬಿಗ್ ಶಾಕ್

ಬೆಂಗಳೂರು: ಹೊಸ ವರ್ಷದ ಆರಂಭದಲ್ಲಿಯೇ ಬಿಎಂಟಿಸಿ ಪ್ರಯಾಣಿಕರಿಗೆ ಶಾಕ್ ನೀಡಿದೆ. ಮಾಸಿಕ ಪಾಸ್ ದರ ಮಾತ್ರವಲ್ಲ ಟಿಕೆಟ್ ದರವನ್ನೂ ಹೆಚ್ಚಳ ಮಾಡಿದೆ.

ಇಂಧನ ದರ ಹೆಚ್ಚಳ ಹಿನ್ನೆಲೆಯಲ್ಲಿ ಮಾಸಿಕ ಪಾಸ್, ದಿನದ ಪಾಸ್ ಹಾಗೂ ದಿನದ ಟಿಕೆಟ್ ದರವನ್ನು ಬಿಎಂಟಿಸಿ ಹೆಚ್ಚಿಸಿದೆ. ಸಂಸ್ಥೆಯ ಆರ್ಥಿಕ ನಷ್ಟ ಸರಿದೂಗಿಸುವ ನಿಟ್ಟಿನಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ತಿಳಿದುಬಂದಿದೆ.

ಅಲ್ಲದೇ ಮಾಸಿಕ ಪಾಸ್ ಪಡೆಯುವವರಿಗೆ ಹಾಗೂ ಹಿರಿಯ ನಾಗರಿಕರಿಗೆ ಇನ್ನೊಂದು ಶಾಕ್ ನೀಡಿದೆ. ಸಾಮಾನ್ಯ ಪಾಸ್ ಹಾಗೂ ಹಿರಿಯ ನಾಗರಿಕರ ಪಾಸ್ ಪಡೆದವರು ಭಾನುವಾರ ಪಾಸ್ ಬಳಸಿ ಪ್ರಯಾಣ ಮಾಡುವಂತಿಲ್ಲ.

ಈ ಮೂಲಕ ವೋಲ್ವೋ ಬಸ್ ಮಾಸಿಕ ಪಾಸ್ ದರ ಜಿ ಎಸ್ ಟಿ ಸೇರಿ 1800 ರೂಪಾಯಿ ಆಗಲಿದ್ದು, ವಜ್ರ ವೋಲ್ವೋ ಬಸ್ ದಿನದ ಪಾಸ್ ದರ 120 ರೂಪಾಯಿ ಆಗಲಿದೆ.