ಭಾರತ್‌ ಸೀರೀಸ್ ’ಬಿಎಚ್’ ಸರಣಿಯ ವಾಹನ ನೋಂದಣಿ ಸಂಖ್ಯೆಗೆ ಅರ್ಜಿ ಸಲ್ಲಿಸಲು ಯೋಜಿಸುತ್ತಿದ್ದೀರಾ ? ದೇಶಾದ್ಯಂತ ವಾಹನಗಳ ರವಾನೆಗೆ ಅನುಕೂಲವಾಗಲೆಂದು ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯ ಕಳೆದ ವರ್ಷ ಈ ಸಂಖ್ಯಾ ಯೋಜನೆ ಪರಿಚಯಿಸಿದೆ. ಸೆಪ್ಟೆಂಬರ್‌ 15ರಿಂದ ಈ ಹೊಸ ಯೋಜನೆಯಲ್ಲಿ ನೋಂದಣಿ ಕಾರ್ಯ ಆರಂಭವಾಗಿದೆ.
BH ಸರಣಿಯ ನೋಂದಣಿಯನ್ನು ಪರಿಚಯಿಸುವ ಮೊದಲು, ಒಂದು ನಿರ್ದಿಷ್ಟ ರಾಜ್ಯದಲ್ಲಿ ನೋಂದಾಯಿಸಲಾದ ವಾಹನವು 12 ತಿಂಗಳವರೆಗೆ ಮಾತ್ರ ಮತ್ತೊಂದು ರಾಜ್ಯದಲ್ಲಿ ಚಾಲನೆ ಮಾಡಬಹುದಾಗಿತ್ತು. ಆ 12 ತಿಂಗಳ ನಂತರ, ಹೊಸ ರಾಜ್ಯದಲ್ಲಿ ನೋಂದಣಿ ಬದಲಾವಣೆ ಕಡ್ಡಾಯವಾಗಿತ್ತು.
ಒಂದು ಊರಿಂದ ಮತ್ತೊಂದು ಊರಿಗೆ ಹೋಗಿ ಮಾಡುವ ಉದ್ಯೋಗಗಳಲ್ಲಿರುವ ವಾಹನ ಮಾಲೀಕರಿಗೆ, ವಿಶೇಷವಾಗಿ ಸೈನ್ಯ, ವಾಯುಪಡೆ ಮತ್ತು ಕೇಂದ್ರ ಸರ್ಕಾರಿ ಉದ್ಯೋಗಗಳಲ್ಲಿ ಕೆಲಸ ಮಾಡುವ ಜನರಿಗೆ, ಈ ವ್ಯವಸ್ಥೆಯು ಒಂದು ರೀತಿಯ ಹೆಚ್ಚುವರಿ ಹೊರೆಯಾಗಿತ್ತು.
ಆದರೆ BH ಸರಣಿಯ ಪ್ಲೇಟ್ ದೇಶದಾದ್ಯಂತ ಮಾನ್ಯವಾಗಿದೆ. ವಾಹನ ಮಾಲೀಕರು ಬೇರೆ ರಾಜ್ಯಕ್ಕೆ ವಲಸೆ ಹೋದ ನಂತರ ಹೊಸ ನೋಂದಣಿಗೆ ಅರ್ಜಿ ಸಲ್ಲಿಸುವ ಅಗತ್ಯವಿಲ್ಲ.
BH ಸರಣಿಯ ವಾಹನದ ಮೇಲಿನ ತೆರಿಗೆಯನ್ನು ಆನ್‌ಲೈನ್‌ನಲ್ಲಿ ಪಾವತಿಸಬಹುದು. ರೂ. 10 ಲಕ್ಷಕ್ಕಿಂತ ಕಡಿಮೆ ಬೆಲೆಯ ವಾಹನಗಳಿಗೆ ಶೇಕಡಾ 8 ರಷ್ಟು ತೆರಿಗೆ ಅನ್ವಯವಾದರೆ, 10 ರಿಂದ 20 ಲಕ್ಷ ರೂಪಾಯಿಗಳ ಬೆಲೆಯ ವಾಹನಗಳಿಗೆ ಶೇಕಡಾ 10 ಮತ್ತು ಸುಮಾರು 20 ಲಕ್ಷ ರೂಪಾಯಿಗಳಿಗೆ ಶೇಕಡಾ 12 ರಷ್ಟು ತೆರಿಗೆ ಅನ್ವಯಿಸುತ್ತದೆ.
ಆದರೆ ಬಿಎಚ್ ಸರಣಿಯ ನೋಂದಣಿ ನಂಬರ್ ಪ್ಲೇಟ್‌ಗಳು ಎಲ್ಲರಿಗೂ ತೆರೆದಿರುವುದಿಲ್ಲ. ಸರ್ಕಾರಿ ಅಥವಾ ಸಾರ್ವಜನಿಕ ವಲಯಗಳ ಉದ್ಯೋಗಿಗಳು ಈ ವಿಶೇಷ ಫಲಕಗಳನ್ನು ಕೋರಿ ಅರ್ಜಿ ಸಲ್ಲಿಸಬಹುದು.
ನಾಲ್ಕಕ್ಕಿಂತ ಹೆಚ್ಚು ರಾಜ್ಯಗಳು ಅಥವಾ ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಕಚೇರಿಗಳನ್ನು ಹೊಂದಿರುವ ಖಾಸಗಿ ವಲಯದ ಸಂಸ್ಥೆಗಳ ಉದ್ಯೋಗಿಗಳು ಸಹ ಬಿಎಚ್ ಸರಣಿಯ ನೋಂದಣಿಗೆ ಅರ್ಹರಾಗಿರುತ್ತಾರೆ. ಈ ನಿಟ್ಟಿನಲ್ಲಿ ರಕ್ಷಣಾ ಸಿಬ್ಬಂದಿ, ಬ್ಯಾಂಕ್ ಉದ್ಯೋಗಿಗಳು, ಆಡಳಿತಾತ್ಮಕ ಸೇವೆಗಳ ಉದ್ಯೋಗಿಗಳಿಗೆ ಹೆಚ್ಚಿನ ಆದ್ಯತೆ ನೀಡಲಾಗುತ್ತಿದೆ ಬಿಎಚ್ ಸರಣಿಯ ಪ್ಲೇಟ್ ಉಪಯುಕ್ತವಾಗಿದೆ.
BH ಸರಣಿಯ ಪ್ಲೇಟ್‌ಗೆ ಅರ್ಜಿ ಸಲ್ಲಿಸುವುದು ಹೇಗೆ ?
ರಾಜ್ಯ ಸರ್ಕಾರಗಳ ಅಧಿಕಾರಿಗಳು ಈ ಸಂಬಂಧ ಅರ್ಹತೆಗಳ ಪುರಾವೆಯನ್ನು ಪರಿಶೀಲಿಸಿದ ನಂತರ, ವಾಹನ ಮಾಲೀಕರು ರಸ್ತೆ ಮತ್ತು ಸಾರಿಗೆ ಸಚಿವಾಲಯದ ವಾಹನ್ ಪೋರ್ಟಲ್‌ಗೆ ಲಾಗ್ ಇನ್ ಮಾಡಬಹುದು. ವಾಹನವನ್ನು ಖರೀದಿಸುವಾಗ ಆಟೋಮೊಬೈಲ್ ಡೀಲರ್‌ಗಳ ಸಹಾಯದಿಂದ ಇದನ್ನು ಮಾಡಬಹುದು.
ವಿತರಕರು ಮಾಲೀಕರ ಪರವಾಗಿ ಪೋರ್ಟಲ್‌ನಲ್ಲಿ ಫಾರ್ಮ್ 20 ಅನ್ನು ಭರ್ತಿ ಮಾಡಬೇಕಾಗುತ್ತದೆ. ಖಾಸಗಿ ವಲಯದ ಉದ್ಯೋಗಿಗಳು ಫಾರ್ಮ್ 60 ಅನ್ನು ಭರ್ತಿ ಮಾಡಿ, ಜೊತೆಗೆ ಉದ್ಯೋಗದ ಗುರುತಿನ ಚೀಟಿ ಪ್ರಮಾಣಪತ್ರವನ್ನು ಒದಗಿಸಬೇಕು.
Loading ...