2021 ರಲ್ಲಿ ಅತಿ ಹೆಚ್ಚು ಮಾರಾಟವಾದ ಕಾರು ಯಾವುದು ಗೊತ್ತಾ….?

ಸಾಂಕ್ರಾಮಿಕ ರೋಗದಿಂದಾಗಿ ಭಾರತೀಯ ಆಟೋಮೊಬೈಲ್ ಕ್ಷೇತ್ರವು ಇತ್ತೀಚೆಗೆ ಹಲವಾರು ಸಮಸ್ಯೆಗಳನ್ನು ಎದುರಿಸುತ್ತಿದೆ. ಇನ್‌ಪುಟ್ ವೆಚ್ಚದಲ್ಲಿನ ಹೆಚ್ಚಳ ಮತ್ತು ಅರೆವಾಹಕಗಳ ಪೂರೈಕೆ ಕೊರತೆಯಿಂದಾಗಿ ಕಾರು ಮಾರಾಟ ಕುಸಿತ ಕಂಡಿದೆ. ಕಠಿಣ ಮಾರುಕಟ್ಟೆ ಪರಿಸ್ಥಿತಿಗಳ ಹೊರತಾಗಿಯೂ, ಕೆಲವು ಬ್ರಾಂಡ್‌ಗಳು ಮತ್ತು ಮಾದರಿಗಳು ಕಳೆದ ವರ್ಷ ಉತ್ತಮ ಮಾರಾಟವನ್ನು ದಾಖಲಿಸುವಲ್ಲಿ ಯಶಸ್ವಿಯಾಗಿವೆ. ಹಾಗದ್ರೆ, ಮಾರುಕಟ್ಟೆಯಲ್ಲಿ ಉತ್ತಮ ಸ್ಕೋರ್ ಪಡೆದುಕೊಂಡಿರುವ ಬ್ರಾಂಡ್ ಯಾವ್ದು ಫೇಮಸ್ ಆಗಿರುವ ಕಾರ್ ಯಾವ್ದು ಅನ್ನೋದನ್ನ ನೋಡೊಣ.

1. ಮಾರುತಿ ಸುಜುಕಿ

ಮಾರುತಿ ಸುಜುಕಿ ಪ್ರಯಾಣಿಕ ವಾಹನ (ಪಿವಿ) ವಿಭಾಗದಲ್ಲಿ ಅತಿ ಹೆಚ್ಚು ಮಾರಾಟವನ್ನು ದಾಖಲಿಸಿದೆ. ಈ ವರ್ಗದಲ್ಲಿ ಡಿಜೈರ್, ಬಲೆನೊ, ಬ್ರೆಜ್ಜಾ, ಸ್ವಿಫ್ಟ್, XL6, ಎರ್ಟಿಗಾ ಮತ್ತು ಈಕೋ ನಂತಹ ವ್ಯಾಪಕ ಶ್ರೇಣಿಯ ಕಾರುಗಳನ್ನು ಹೊಂದಿದೆ. ಅಕ್ಟೋಬರ್‌ ತಿಂಗಳು ಮಾರುತಿ ಸುಜುಕಿಗೆ ಲಕ್ಕಿ ತಿಂಗಳಾಗಿತ್ತು‌‌. ಆ ತಿಂಗಳೊಂದರಲ್ಲೇ 1,08.991 ಯುನಿಟ್‌ಗಳು ಮಾರಾಟವಾಗಿವೆ‌. ಕಳೆದ ವರ್ಷ(2021) ಮಾರುತಿ ಸುಜುಕಿ ಮಾರಾಟ ಮಾಡಿರುವ ಒಟ್ಟು ಕಾರುಗಳ ಸಂಖ್ಯೆ 12,93,840.

2. ಹ್ಯುಂಡೈ

ದಕ್ಷಿಣ ಕೊರಿಯಾದ ಹ್ಯುಂಡೈ ಈ ಲಿಸ್ಟ್ ನಲ್ಲಿ, ಎರಡನೇ ಸ್ಥಾನ ಪಡೆದುಕೊಂಡಿದೆ. ಹ್ಯುಂಡೈ ಭಾರತದಲ್ಲಿ ಸುಮಾರು 11 ಮಾದರಿಗಳನ್ನು ಮಾರಾಟ ಮಾಡುತ್ತದೆ, ಇದರಲ್ಲಿ ನಾಲ್ಕು SUV ಗಳು, ಎರಡು ಸೆಡಾನ್‌ಗಳು, ಹ್ಯಾಚ್‌ಬ್ಯಾಕ್ ವಿಭಾಗದಲ್ಲಿ ಮೂರು ಕಾರುಗಳು, ಒಂದು ಕಾಂಪ್ಯಾಕ್ಟ್ ಸೆಡಾನ್ ಮತ್ತು ಒಂದು ಕಾಂಪ್ಯಾಕ್ಟ್ SUV ಕಾರುಗಳಿವೆ.

3. ಟಾಟಾ ಮೋಟಾರ್ಸ್

ಟಾಟಾ ಮೋಟಾರ್ಸ್ ಭಾರತೀಯ ಕಾರು ತಯಾರಕ ಸಂಸ್ಥೆ. ಟಿಯಾಗೊ, ಟಿಗೊರ್, ಪಂಚ್, ಆಲ್ಟ್ರೋಜ್, ನೆಕ್ಸನ್, ಹ್ಯಾರಿಯರ್ ಮತ್ತು ಸಫಾರಿ ಇದರ ಜನಪ್ರಿಯ ಕಾರುಗಳು. ಟಾಟಾ ಕಾರುಗಳ ವಿಶಿಷ್ಟತೆಯು ಅವುಗಳ ಸುರಕ್ಷತಾ ವೈಶಿಷ್ಟ್ಯಗಳಲ್ಲಿದೆ ಮತ್ತು ಅವುಗಳಲ್ಲಿ ಹೆಚ್ಚಿನವು ಗ್ಲೋಬಲ್ NCAP ನಲ್ಲಿ 5-ಸ್ಟಾರ್ ರೇಟಿಂಗ್ ಪಡೆದಿವೆ. ಟಾಟಾ ಕಳೆದ ವರ್ಷ ಭಾರತದಲ್ಲಿ ಹೆಚ್ಚು ಮಾರಾಟವಾದ ಕಾರು ಬ್ರಾಂಡ್‌ಗಳಲ್ಲಿ ಮೂರನೇ ಸ್ಥಾನದಲ್ಲಿದೆ.

4. ಕಿಯಾ

ಕಿಯಾ ಇಂಡಿಯಾ, ದಕ್ಷಿಣ ಕೊರಿಯಾದ ವಾಹನ ತಯಾರಕರಾದ ಹುಂಡೈ ಗ್ರೂಪ್‌ನಿಂದ ಬೆಂಬಲಿತವಾಗಿದೆ, ಮುಖ್ಯವಾಗಿ UV (ಯುಟಿಲಿಟಿ ವೆಹಿಕಲ್ಸ್) ಅನ್ನು ತಯಾರಿಸುತ್ತದೆ. ಸೆಲ್ಟೋಸ್, ಸೋನೆಟ್ ಮತ್ತು ಕಾರ್ನಿವಲ್ ಕಿಯಾದ ಅತ್ಯಂತ ಜನಪ್ರಿಯ ಕಾರುಗಳು. ಕಳೆದ ವರ್ಷ ಸರಿಸುಮಾರು 1,55,686 ಯುನಿಟ್‌ಗಳನ್ನು ಮಾರಾಟ ಮಾಡಿದ್ದಾರೆ.

5. ಮಹೀಂದ್ರ & ಮಹೀಂದ್ರ

ಮಹೀಂದ್ರಾ & ಮಹೀಂದ್ರಾ ಭಾರತೀಯ ಬ್ರಾಂಡ್ ಆಗಿದ್ದು, SUV ವಿಭಾಗದಲ್ಲಿ ಪರಿಣತಿ ಹೊಂದಿದೆ. SUV ವಿಭಾಗದಲ್ಲಿ ನಾಲ್ಕು ಕಾರುಗಳು, MUV ವಿಭಾಗದಲ್ಲಿ ಒಂದು ಕಾರು ಮತ್ತು ಕಾಂಪ್ಯಾಕ್ಟ್ SUV ವಿಭಾಗದಲ್ಲಿ ನಾಲ್ಕು ಕಾರುಗಳು ಸೇರಿದಂತೆ ಒಂಬತ್ತು ಕಾರು ಮಾದರಿಗಳನ್ನು ಹೊಂದಿದೆ. M&M ಕಳೆದ ವರ್ಷ 1,55,539 ಯುನಿಟ್‌ಗಳನ್ನು ಮಾರಾಟ ಮಾಡಿದ್ದಾರೆ.

6. ಟೊಯೋಟಾ

ಟೊಯೋಟಾ ಭಾರತದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಜಪಾನಿನ ಬಹುರಾಷ್ಟ್ರೀಯ ಆಟೋಮೊಬೈಲ್ ಕಂಪನಿಯಾಗಿದೆ. SUV ವಿಭಾಗದಲ್ಲಿ ಒಂದು ಕಾರು, ಸೆಡಾನ್ ವಿಭಾಗದಲ್ಲಿ ಎರಡು ಕಾರುಗಳು ಮತ್ತು ಒಂದು ಹ್ಯಾಚ್‌ಬ್ಯಾಕ್ ಸೇರಿದಂತೆ ಭಾರತದಲ್ಲಿ ಟೊಯೋಟಾದ ಏಳು ಕಾರು ಮಾದರಿಗಳು ಲಭ್ಯವಿವೆ. ಎರಡು MUV ಗಳು ಮತ್ತು ಒಂದು ಕಾಂಪ್ಯಾಕ್ಟ್ SUV ಗಳನ್ನು ಹೊಂದಿರುವ, ಟೊಯೋಟಾ ಭಾರತದಲ್ಲಿ ಎರಡು ಉತ್ಪಾದನಾ ಘಟಕಗಳನ್ನು ಹೊಂದಿದೆ.

7. ರೆನಾಲ್ಟ್

ರೆನಾಲ್ಟ್, ವಿಶ್ವದ ಅತಿದೊಡ್ಡ ಆಟೋಮೊಬೈಲ್ ಕಂಪನಿಗಳಲ್ಲಿ ಒಂದಾಗಿದೆ. ಫ್ರಾನ್ಸ್ ಮೂಲದ ಕಂಪನಿಯು ಭಾರತದಲ್ಲಿ ಬಜೆಟ್ ಕಾರುಗಳನ್ನು ಮಾರಾಟ ಮಾಡುತ್ತದೆ. ಕೈಗೆಟುಕುವ ಬೆಲೆಯೊಂದಿಗೆ ಉತ್ತಮ ನೋಟ ಮತ್ತು ವೈಶಿಷ್ಟ್ಯಗಳಿರುವ ರೆನಾಲ್ಟ್ ಭಾರತದಲ್ಲಿ ತನ್ನದೆ ಜನಪ್ರಿಯತೆ ಗಳಿಸಿದೆ.

ರೆನಾಲ್ಟ್, ಪ್ರಸ್ತುತ ನಾಲ್ಕು ವಿಧದ ಕಾರುಗಳನ್ನು ಆಫರ್‌ನಲ್ಲಿ ಹೊಂದಿದ್ದಾರೆ. ಒಂದು SUV, ಒಂದು ಹ್ಯಾಚ್‌ಬ್ಯಾಕ್, ಒಂದು MUV ಮತ್ತು ಒಂದು ಕಾಂಪ್ಯಾಕ್ಟ್ SUV.

8. ಹೋಂಡಾ

ಮತ್ತೊಂದು ಜಪಾನಿನ ಬ್ರ್ಯಾಂಡ್, ಭಾರತೀಯ ಮಾರುಕಟ್ಟೆಯಲ್ಲಿ ಇದರ ಐದು ಕಾರು ಮಾದರಿಗಳು ಎರಡು ಸೆಡಾನ್‌ಗಳು, ಒಂದು ಹ್ಯಾಚ್‌ಬ್ಯಾಕ್, ಒಂದು ಕಾಂಪ್ಯಾಕ್ಟ್ ಸೆಡಾನ್ ಮತ್ತು ಒಂದು ಕಾಂಪ್ಯಾಕ್ಟ್ SUV ಅನ್ನು ಮಾರಾಟ ಮಾಡುತ್ತದೆ. ಕಂಪನಿಯು ಉತ್ತರ ಪ್ರದೇಶದ ಗ್ರೇಟರ್ ನೋಯ್ಡಾ ಬಳಿ ಒಂದು ಉತ್ಪಾದನಾ ಘಟಕ ಮತ್ತು ರಾಜಸ್ಥಾನದಲ್ಲೊಂದು ಘಟಕ ಹೊಂದಿದೆ.

9. ಫೋರ್ಡ್

ಈ ಅಮೇರಿಕನ್ ಕಾರು ಕಂಪನಿ ಕಳೆದ ವರ್ಷ 48.042 ಯುನಿಟ್‌ಗಳನ್ನು ಮಾರಾಟ ಮಾಡಿದೆ. ಫೋರ್ಡ್ ಕಳೆದ ವರ್ಷ ಭಾರತದಲ್ಲಿ ಉತ್ಪಾದನಾ ಕಾರ್ಯಾಚರಣೆಗಳನ್ನು ಸ್ಥಗಿತಗೊಳಿಸುವುದಾಗಿ ಘೋಷಿಸಿದೆ.

10. ಎಂಜಿ

MG ಚೀನಾದ SAIC ಮೋಟಾರ್ ಕಾರ್ಪೊರೇಷನ್ ಲಿಮಿಟೆಡ್ ಒಡೆತನದ ಬ್ರಿಟಿಷ್ ಆಟೋಮೊಬೈಲ್ ಕಂಪನಿಯಾಗಿದೆ. MG ಭಾರತದಲ್ಲಿ ನಾಲ್ಕು SUV ಮಾದರಿಗಳು ಮತ್ತು ಒಂದು EV (ಎಲೆಕ್ಟ್ರಿಕ್ ವಾಹನ) ನೀಡುತ್ತದೆ. ಎಂಜಿ ಕಳೆದ ವರ್ಷ 35,597 ಯುನಿಟ್‌ಗಳನ್ನ ಮಾರಾಟ ಮಾಡಿದೆ.