ಬೆಂಗಳೂರಿನ ರಸ್ತೆಗಳಲ್ಲಿ ಕನಿಷ್ಠ ಒಂದು ಅಡಿಗಳಷ್ಟು ಗುಂಡಿಗಳು ಕಾಣುವುದು ಸಾಮಾನ್ಯ ಆಗಿಬಿಟ್ಟಿದೆ. ಅದರಲ್ಲೂ ಬಿಬಿಎಂಪಿ ವ್ಯಾಪ್ತಿಯ ಹೊರವಲಯದಲ್ಲಿರುವ ಪ್ರದೇಶಗಳಲ್ಲಿ ರಸ್ತೆಗಳೇ ಇಲ್ಲ. ರಸ್ತೆಗಳು ಕಿತ್ತುಹೋಗಿ ವರ್ಷಗಳಾಗಿ, ಕೇವಲ ಮಣ್ಣಿನ ಆಳದ ಗುಂಡಿಗಳು ಮಾತ್ರವೇ ಉಳಿದಿವೆ. ಮಳೆ ಸುರಿದಾಗ ಈ ಗುಂಡಿಗಳೇ ಕೆರೆಗಳಾಗುತ್ತವೆ !
ಗುಂಡಿ ಬಿದ್ದ ರಸ್ತೆಯಲ್ಲಿ ’ಕ್ಯಾಟ್‌ವಾಕ್’: ಮಹಿಳೆಯರ ವಿಭಿನ್ನ ಪ್ರತಿಭಟನೆ
ಹೌದು, ಹಾಗಾಗಿಯೇ ಇಂಥದ್ದೊಂದು ಕೆಟ್ಟ ಸ್ಥಿತಿಯ ರಸ್ತೆಯ ಬವಣೆಯಿಂದ ಬೇಸತ್ತ ಪ್ರದೇಶದ ನಿವಾಸಿಗರು, ಮಳೆ ಬಂದು ಕೊಚ್ಚೆ ನೀರು ತುಂಬಿದ್ದ ರಸ್ತೆಯಲ್ಲಿ ಭತ್ತದ ನಾಟಿ ಮಾಡಿದ್ದಾರೆ. 20 ರೂ. ಗಳಿಗೆ ಈ ಕೊಚ್ಚೆ ನೀರಿನ ಗುಂಡಿಗಳಲ್ಲಿ ತೆಪ್ಪ ಓಡಿಸಿ, ಪ್ರತಿಭಟನೆ ನಡೆಸಿದ್ದಾರೆ. ಕನಕಪುರ ರಸ್ತೆ ಬಳಿಯ ಅಂಜನಾಪುರದಲ್ಲಿ(ವಾರ್ಡ್ ಸಂಖ್ಯೆ 196) ಈ ವಿಶಿಷ್ಟ ರೀತಿಯ ಪ್ರತಿಭಟನೆ ನಡೆದಿದೆ. ಬಿಜೆಪಿ ಶಾಸಕ ಎಂ. ಕೃಷ್ಣಪ್ಪ ಅವರ ವಿರುದ್ಧ ಕೂಡ ಪ್ರತಿಭಟನಾಕಾರರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಈ ಮೂಲಕ ಆಡಳಿತಾರೂಢ ಬಿಜೆಪಿ ಸರ್ಕಾರ, ಬಿಬಿಎಂಪಿ ಮತ್ತು ಬಿಡಿಎ ಅಧಿಕಾರಿಗಳ ಗಮನಕ್ಕೆ ರಸ್ತೆಯ ಸಮಸ್ಯೆಯನ್ನು ತರಲು ಯತ್ನಿಸಿದ್ದಾರೆ. ಅಧಿಕಾರಿಗಳ ನಿರ್ಲಕ್ಷ್ಯಕ್ಕೆ ಸಾರ್ವಜನಿಕರು ಪರೋಕ್ಷವಾಗಿ ಮಾಡಿದ ಕಪಾಳಮೋಕ್ಷ ಕೂಡ ಇದಾಗಿದೆ ಎಂದರೆ ತಪ್ಪಿಲ್ಲ.
Loading ...