ಸಾಮಾಜಿಕ ಜಾಲತಾಣವು ನಕಾರಾತ್ಮಕ ಸುದ್ದಿ ಮತ್ತು ದೈನಂದಿನ ಜೀವನದ ದುಃಖದ ವಿಚಾರ ಹರಡುವ ನಡುವೆ ಹೃದಯಸ್ಪರ್ಶಿ ವಿಷಯ ತಿಳಿಸುವ ಖಜಾನೆಯೂ ಹೌದು. ಮೈಕ್ರೋ-ಬ್ಲಾಗಿಂಗ್ ಪ್ಲಾಟ್‌ ಫಾರ್ಮ್ ಟ್ವಿಟರ್‌ನಲ್ಲಿ ಹೃದಯಸ್ಪರ್ಶಿ ವೀಡಿಯೊ ಇದೀಗ ವೈರಲ್ ಆಗಿದೆ.
ಹಲವಾರು ಬಾಸ್ಕೆಟ್‌ಬಾಲ್ ಆಟಗಾರರು ವಿಶೇಷ ಸಾಮರ್ಥ್ಯ ಹೊಂದಿರುವ ಮಹಿಳೆಗೆ ತಾವು ಆಡುವ ಆಟದಲ್ಲಿ ಬಾಸ್ಕೆಟ್ ಸ್ಕೋರ್ ಮಾಡಲು ಸಹಾಯ ಮಾಡುವುದನ್ನು ವಿಡಿಯೋದಲ್ಲಿ ಕಾಣಬಹುದು.
ವಿಶ್ವದಲ್ಲಿ ಬ್ಯಾಸ್ಕೆಟ್ಬಾಲ್ ಆಟಕ್ಕೆ ಪ್ರಾತಿನಿಧ್ಯವಿದೆ. ಆದರೆ ವಿಶೇಷ ಸಾಮರ್ಥ್ಯವುಳ್ಳವರಿಗೆ ಈ ಆಟ ಆಡುವುದು ತುಂಬಾ ಕಷ್ಟಕರ.
ವೈರಲ್ ವೀಡಿಯೊದಲ್ಲಿ, ಬ್ಯಾಸ್ಕೆಟ್ಬಾಲ್ ಆಟಗಾರರ ದೊಡ್ಡ ಗುಂಪು ವೀಲ್ ಚೇರ್‌ನಲ್ಲಿ ಕುಳಿತ ವಿಶೇಷ ಸಾಮರ್ಥ್ಯವುಳ್ಳ ಮಹಿಳೆಯನ್ನು ಎತ್ತಿ ಹಿಡಿದು ಚೆಂಡನ್ನು ಬ್ಯಾಸ್ಕೆಟ್‌ಗೆ ಹಾಕಲು ನೆರವಾಗಲು ಪ್ರಯತ್ನಿಸುತ್ತಿರುವುದನ್ನು ಕಾಣಬಹುದು.
ಆ ಮಹಿಳೆ ಬ್ಯಾಸ್ಕೆಟ್ ಗೆ ಹಾಕಲು ಅನೇಕ ಬಾರಿ ವಿಫಲವಾದರೂ ಅಲ್ಲಿದ್ದ ಗುಂಪು ಮತ್ತೆ ಪ್ರಯತ್ನಿಸಲು ನೆರವಾಗುತ್ತಲೇ ಇತ್ತು. ಹಲವಾರು ಪ್ರಯತ್ನಗಳ ನಂತರ ಮಹಿಳೆಯು ಅಂತಿಮವಾಗಿ ಬಾಲ್‌ ಅನ್ನು ಬ್ಯಾಸ್ಕೆಟ್ ಒಳಗೆ ತಳ್ಳಲು ಸಾಧ್ಯವಾಗುತ್ತದೆ. ಈ ವೇಳೆ ಸುತ್ತಮುತ್ತಲಿದ್ದವರೆಲ್ಲಿ ಸಂತೋಷ ಹೊರಹೊಮ್ಮುತ್ತದೆ.
ನಂತರ ಬಾಸ್ಕೆಟ್‌ಬಾಲ್ ಆಟಗಾರರು ಆಕೆಯನ್ನು ಕಾಳಜಿ ಮತ್ತು ಗೌರವದಿಂದ ಇಳಿಸಲು ಸಹಾಯ ಮಾಡಿದ್ದಾರೆ.
ಈ ಹೃದಯಸ್ಪರ್ಶಿ ವೀಡಿಯೊವನ್ನು 32.4ಕೆ ಕ್ಕಿಂತ ಹೆಚ್ಚು ಬಾರಿ ವೀಕ್ಷಿಸಲಾಗಿದೆ. ವೈರಲ್ ಪೋಸ್ಟ್ ಗೆ ಹಲವರು ಮೆಚ್ಚುಗೆಯ ಕಾಮೆಂಟ್‌ಗಳನ್ನು ನೀಡಿದ್ದಾರೆ.
Loading ...