ಸದ್ಯದಲ್ಲೇ ರಸ್ತೆಗಿಳಿಯಲಿದೆ ಬಜಾಜ್ ಸಿಎನ್‌ಜಿ ಬೈಕ್‌; ಇಲ್ಲಿದೆ ಅದರ ವಿಶೇಷತೆ ಮತ್ತು ಬೆಲೆಯ ವಿವರ

ದೇಶದಲ್ಲಿ 2010 ರಿಂದಲೂ ಸಿಎನ್‌ಜಿಯನ್ನು ಕಾರುಗಳಲ್ಲಿ ಬಳಸಲಾಗುತ್ತಿದೆ. ಆದರೆ ದ್ವಿಚಕ್ರ ವಾಹನಗಳಲ್ಲಿ ಇದರ ಬಳಕೆ ವಿರಳ. RTO-ಅನುಮೋದಿತ CNG ಪರಿವರ್ತನೆ ಕಿಟ್‌ಗಳು ಕೆಲವು ಸ್ಕೂಟರ್‌ಗಳಲ್ಲಿವೆ. ಆದರೆ ಕಾರ್ಖಾನೆಯ ಸಿಎನ್‌ಜಿ ಕಿಟ್‌ನೊಂದಿಗೆ ಯಾವುದೇ ಕಂಪನಿ ಇದುವರೆಗೂ ಮೋಟಾರ್‌ಸೈಕಲ್ ಅನ್ನು ತಯಾರಿಸಿಲ್ಲ. ಇದೀಗ ಬಜಾಜ್ ಕಂಪನಿ ಶೀಘ್ರದಲ್ಲೇ ಭಾರತದ ಮೊದಲ CNG ಮೋಟಾರ್‌ಸೈಕಲ್ ಅನ್ನು ಬಿಡುಗಡೆ ಮಾಡಲು ತಯಾರಿ ನಡೆಸುತ್ತಿದೆ.

ಬಜಾಜ್ ಪ್ರಸ್ತುತ ಎಂಟ್ರಿ ಲೆವೆಲ್ ಕಮ್ಯೂಟರ್ ಬೈಕ್ ವಿಭಾಗದಲ್ಲಿ ಪ್ಲಾಟಿನಾ ಮತ್ತು CT ಮೋಟಾರ್‌ಸೈಕಲ್‌ಗಳನ್ನು ಮಾರಾಟ ಮಾಡುತ್ತಿದೆ. ಇವುಗಳಲ್ಲಿ ಪ್ಲಾಟಿನಾ ಹೆಚ್ಚು ಮೈಲೇಜ್ ನೀಡುತ್ತದೆ. ಇದು 70 ಕಿಮೀ ಮೈಲೇಜ್‌ ಕೊಡಬಹುದು. ಮುಂಬರುವ ಸಿಎನ್‌ಜಿ ಬೈಕ್‌ನ ಮೈಲೇಜ್ ಇದಕ್ಕಿಂತ ಹೆಚ್ಚಾಗಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ.

ಬಜಾಜ್ ತನ್ನ ಹೊಸ CNG ಬೈಕ್‌ನಲ್ಲಿ ಅಸ್ತಿತ್ವದಲ್ಲಿರುವ 110cc ಎಂಜಿನ್ ಅನ್ನು ಬಳಸಬಹುದು. ಇದು ಪ್ಲಾಟಿನಾ 110cc ಮತ್ತು CT110X ನಲ್ಲಿಯೂ ಲಭ್ಯವಿದೆ. ಪೆಟ್ರೋಲ್‌ನಲ್ಲಿ ಈ ಎಂಜಿನ್ 8.6PS ಪವರ್ ಮತ್ತು 9.81Nm ಟಾರ್ಕ್ ನೀಡುತ್ತದೆ. ಎಂಜಿನ್ 6-ಸ್ಪೀಡ್ ಗೇರ್‌ಬಾಕ್ಸ್‌ನೊಂದಿಗೆ ಬರುತ್ತದೆ.

ಇದಲ್ಲದೇ CT125X ನಲ್ಲಿ ಲಭ್ಯವಿರುವ ಬಜಾಜ್ CNG ಬೈಕ್‌ನಲ್ಲಿ 125cc ಎಂಜಿನ್ ಅನ್ನು ಸಹ ಬಳಸಬಹುದು. ವಾಸ್ತವವಾಗಿ ಸಿಎನ್‌ಜಿ ಪೆಟ್ರೋಲ್‌ಗಿಂತ ಕಡಿಮೆ ಶಕ್ತಿಯನ್ನು ನೀಡುತ್ತದೆ. ಹಾಗಾಗಿ ಕಾರ್ಯಕ್ಷಮತೆಗಾಗಿ 125cc ಎಂಜಿನ್‌ ಅಳವಡಿಸಬಹುದು.

ಬಜಾಜ್‌ನ ಮುಂಬರುವ CNG ಬೈಕು ದ್ವಿ-ಇಂಧನ ಸೆಟಪ್ ಅನ್ನು ಹೊಂದಿರುತ್ತದೆ ಎಂಬ ನಿರೀಕ್ಷೆಯಿದೆ. ಇದಕ್ಕಾಗಿ ಒಂದು ಸ್ವಿಚ್ ಅನ್ನು ಒದಗಿಸಬಹುದು, ಅದರ ಸಹಾಯದಿಂದ ಸಿಎನ್‌ಜಿಯಿಂದ ಪೆಟ್ರೋಲ್‌ಗೆ ಮತ್ತು ಪೆಟ್ರೋಲ್‌ನಿಂದ ಸಿಎನ್‌ಜಿಗೆ ಬದಲಾಯಿಸಬಹುದು. ಸಿಎನ್‌ಜಿ ಟ್ಯಾಂಕ್ ಸೀಟಿನ ಅಡಿಯಲ್ಲಿರಬಹುದು ಮತ್ತು ಪೆಟ್ರೋಲ್ ಟ್ಯಾಂಕ್ ಇರುವ ಸ್ಥಳದಲ್ಲಿರುತ್ತದೆ.

ವರದಿಗಳ ಪ್ರಕಾರ ಈ ಬೈಕ್‌ ಬೆಲೆ ಪ್ರಸ್ತುತ ಪ್ಲಾಟಿನಾ 110cc ಬೈಕ್‌ಗಿಂತ ಹೆಚ್ಚಿರಬಹುದು. ಬಜಾಜ್ ಈ CNG ಬೈಕ್ ಅನ್ನು ಸುಮಾರು 80,000 ರೂ.ಗಳ ಆರಂಭಿಕ ಬೆಲೆಯಲ್ಲಿ ಬಿಡುಗಡೆ ಮಾಡಬಹುದು. ಇದು ಜೂನ್ 2024ರ ವೇಳೆಗೆ ಬಿಡುಗಡೆಯಾಗುವ ನಿರೀಕ್ಷೆಯಿದೆ.