ಬಾಹುಬಲಿ ಕಟ್ಟಪ್ಪ ಖ್ಯಾತಿಯ ನಟ ಸತ್ಯರಾಜ್ ತಾಯಿ ವಿಧಿವಶ

ಬಾಹುಬಲಿ ಕಟ್ಟಪ್ಪ ಖ್ಯಾತಿಯ ನಟ ಸತ್ಯರಾಜ್ ಅವರ ತಾಯಿ ನಾಥಂಬಲ್ ಅವರು ವಯೋಸಹಜ ಕಾಯಿಲೆಯಿಂದ ನಿನ್ನೆ (ಆಗಸ್ಟ್ 11) ನಿಧನರಾದರು. ಅವರಿಗೆ 94 ವರ್ಷ ವಯಸ್ಸಾಗಿತ್ತು.

ಸತ್ಯರಾಜ್ ಅವರ ತಾಯಿ ಕೊಯಮತ್ತೂರಿನಲ್ಲಿದ್ದರು ಮತ್ತು ಆಗಸ್ಟ್ 11 ರ ಸಂಜೆ ಅವರು ಕೊನೆಯುಸಿರೆಳೆದರು. ಸತ್ಯರಾಜ್ ಅವರು ತಮ್ಮ ತಾಯಿಯ ಕೊನೆಯ ನಿಮಿಷಗಳಲ್ಲಿ ಹೈದರಾಬಾದ್ ಚಿತ್ರೀಕರಣದಲ್ಲಿದ್ದರು ಮತ್ತು ಅವರ ತಾಯಿಯ ನಿಧನದ ಸುದ್ದಿ ಕೇಳಿದ ನಂತರ ಅವರು ತಕ್ಷಣ ಕೊಯಮತ್ತೂರಿಗೆ ಧಾವಿಸಿದರು ಎಂಬ ಮಾಹಿತಿ ಲಭ್ಯವಾಗಿದೆ. ಸತ್ಯರಾಜ್ ಅವರ ತಾಯಿಯ ನಿಧನಕ್ಕೆ ಚಿತ್ರರಂಗದ ಹಲವು ನಟರು ಕಂಬನಿ ಮಿಡಿದಿದ್ದಾರೆ.