ನವದೆಹಲಿ: 2020 ರಲ್ಲಿ ಭಾರತದಲ್ಲಿ ಪ್ರತಿದಿನ ಸರಾಸರಿ 80 ಕೊಲೆ ಮತ್ತು 77 ಅತ್ಯಾಚಾರ ಪ್ರಕರಣಗಳು ದಾಖಲಾಗಿವೆ ಎಂದು ರಾಷ್ಟ್ರೀಯ ಅಪರಾಧ ದಾಖಲೆಗಳ ಬ್ಯೂರೋ(NCRB) ವರದಿ ಇಂದು ಬಹಿರಂಗಪಡಿಸಿದೆ.
ದೇಶ ಒಟ್ಟು 29,193 ಸಾವುಗಳಿಗೆ ಸಾಕ್ಷಿಯಾಗಿದ್ದು, ಉತ್ತರ ಪ್ರದೇಶದಲ್ಲಿ ಗರಿಷ್ಠ ಇಂತಹ 3779 ಪ್ರಕರಣಗಳು ನಡೆದಿವೆ. ಯುಪಿ ನಂತರ ಬಿಹಾರದಲ್ಲಿ 3,150, ಮಹಾರಾಷ್ಟ್ರ(2,163), ಮಧ್ಯ ಪ್ರದೇಶ(2,101) ಮತ್ತು ಪಶ್ಚಿಮ ಬಂಗಾಳ (1,948) ಕೊಲೆಗಳು ನಡೆದಿವೆ. ದೆಹಲಿಯಲ್ಲಿ 2020 ರಲ್ಲಿ 472 ಕೊಲೆ ಪ್ರಕರಣಗಳು ದಾಖಲಾಗಿವೆ.
ಕೊಲೆ ಪ್ರಕರಣಗಳಲ್ಲಿ 2019 ಕ್ಕೆ ಹೋಲಿಸಿದರೆ(79 ಹತ್ಯೆ) ದೈನಂದಿನ ಸರಾಸರಿ 2020 ರಲ್ಲಿ ಶೇಕಡ 1 ರಷ್ಟು ಕಡಿಮೆಯಾಗಿದೆ.
ದೇಶವು ಸರಾಸರಿ 77 ಅತ್ಯಾಚಾರ ಪ್ರಕರಣಗಳನ್ನು 2020 ರಲ್ಲಿ ದಾಖಲಿಸಿದೆ. 28,046 ಪ್ರಕರಣಗಳು ದಾಖಲಾಗಿವೆ. ಮಹಿಳೆಯರ ವಿರುದ್ಧದ ಒಟ್ಟಾರೆ ಅಪರಾಧ ಪ್ರಕರಣಗಳ ಸಂಖ್ಯೆ ಕಡಿಮೆಯಾಗುತ್ತಿದ್ದು, 2020 ರಲ್ಲಿ 3,71,503 ಪ್ರಕರಣಗಳು ದಾಖಲಾಗಿವೆ. 2019 ರಲ್ಲಿ 4,05,326 ಮತ್ತು 2018 ರಲ್ಲಿ 3,78,236 ಪ್ರಕರಣ ದಾಖಲಾಗಿವೆ.
ಅಪಹರಣ ಪ್ರಕರಣಗಳು 2019 ಕ್ಕೆ ಹೋಲಿಸಿದರೆ 2020 ರಲ್ಲಿ ಶೇಕಡ 19 ಕ್ಕಿಂತಲೂ ಕಡಿಮೆಯಾಗಿದೆ. NCRB ವರದಿಯ ಪ್ರಕಾರ, 2019 ರಲ್ಲಿ 1,05,036 ಪ್ರಕರಣ, 2020 ರಲ್ಲಿ ಒಟ್ಟು 84,805 ಅಪಹರಣ ಪ್ರಕರಣಗಳು ದಾಖಲಾಗಿವೆ. 2020 ರಲ್ಲಿ ಗರಿಷ್ಠ 12,913 ಅಪಹರಣ ಪ್ರಕರಣಗಳು ಉತ್ತರ ಪ್ರದೇಶದಲ್ಲಿ ದಾಖಲಾಗಿದ್ದು, ಪಶ್ಚಿಮ ಬಂಗಾಳ(9,309), ಮಹಾರಾಷ್ಟ್ರ(8,103), ಬಿಹಾರ(7,889) ಮತ್ತು ಮಧ್ಯಪ್ರದೇಶ(7,320) ದಾಖಲಾಗಿದೆ. 2020 ರಲ್ಲಿ ದೆಹಲಿಯು 4,062 ಅಪಹರಣ ಮತ್ತು ಅಪಹರಣ ಪ್ರಕರಣಗಳನ್ನು ದಾಖಲಿಸಿದೆ ಎಂದು ವರದಿ ಹೇಳಿದೆ.
Loading ...