ನಟ ದರ್ಶನ್ ಹೆಸರಿನಲ್ಲಿ 25 ಕೋಟಿ ರೂಪಾಯಿ ವಂಚನೆಗೆ ಯತ್ನಿಸಿದ ಪ್ರಕರಣವು ಸಿನಿಮೀಯ ರೀತಿಯಲ್ಲಿ ತಿರುವುಗಳನ್ನ ಪಡೆಯುತ್ತಿದೆ. ದರ್ಶನ್ ಆಪ್ತರು ಪರಸ್ಪರ ಆರೋಪ ಪ್ರತ್ಯಾರೋಪ ಮಾಡುತ್ತಿರೋದರ ನಡುವೆಯೇ ಪ್ರಕರಣದ ಪ್ರಮುಖ ರೂವಾರಿ ಅರುಣಾ ಕುಮಾರಿ ಮಾಧ್ಯಮದ ಮುಂದೆ ಪ್ರತ್ಯಕ್ಷರಾಗಿದ್ದಾರೆ.
ಇಷ್ಟೆಲ್ಲ ಘಟನೆ ನಡೆಯೋಕೆ ನಿರ್ಮಾಪಕ ಉಮಾಪತಿಯೇ ನೇರ ಕಾರಣ. ಉಮಾಪತಿ ಏನು ಹೇಳಿ ಕೊಟ್ಟಿದ್ದಾರೋ ನಾನು ಅದೇ ರೀತಿ ನಡೆದುಕೊಂಡಿದ್ದೇನೆ. ಈ ಪ್ರಕರಣದಲ್ಲಿ ಉಮಾಪತಿ ನನ್ನನ್ನ ಏಕೆ ಬಳಕೆ ಮಾಡಿಕೊಂಡ್ರು ಅನ್ನೋದು ನನಗೆ ತಿಳಿದಿಲ್ಲ. ಈ ಎಲ್ಲದರ ಬಗ್ಗೆ ಬೆಂಗಳೂರು ಪೊಲೀಸರ ಮುಂದೆಯೇ ನಾನು ಹೇಳಿಕೆ ನೀಡಿದ್ದೇನೆ ಎಂದು ಅರುಣಾ ಕುಮಾರಿ ಹೇಳಿದ್ದಾರೆ.
ನನಗೆ ದರ್ಶನ್ ತೋಟದ ಮನೆ ಎಲ್ಲಿದೆ ಅನ್ನೋದು ತಿಳಿದಿಲ್ಲ. ನನ್ನನ್ನ ದರ್ಶನ್ರಿಗೆ ಭೇಟಿ ಮಾಡಿಸಿದ್ದೇ ಈ ಉಮಾಪತಿ. ಹರ್ಷ ಹಾಗೂ ದರ್ಶನ್ ತುಂಬಾ ಹತ್ತಿರವಾಗುತ್ತಿದ್ದಾರೆ. ದರ್ಶನ್ ಜೊತೆ ಸೇರಿ ಹರ್ಷ ಏನೋ ಕೆಲಸ ಮಾಡುತ್ತಿದ್ದಾನೆ. ಇವರಿಬ್ಬರನ್ನ ನಾನು ದೂರ ಮಾಡಬೇಕು ಎಂಬರ್ಥದಲ್ಲಿ ಉಮಾಪತಿ ಮಾತನಾಡುತ್ತಿದ್ದರು. ಹೀಗಾಗಿ ಉಮಾಪತಿ ಈ ರೀತಿ ಮಾಡಿದ್ದಾರೆ. ಈ ಬಗ್ಗೆ ಎಲ್ಲಿ ಆದರೂ ನನ್ನ ಹೆಸರು ಬಾಯ್ಬಿಟ್ಟರೆ ನಿನ್ನ ಮರ್ಯಾದೆ ತೆಗೆಯುತ್ತೇನೆ ಎಂದು ಉಮಾಪತಿ ನನಗೆ ಬೆದರಿಕೆ ಹಾಕಿದ್ದಾರೆ. ದರ್ಶನ್ಗೆ ಹತ್ತಿರವಾಗಬೇಕು ಎಂದು ಉಮಾಪತಿ ಮಧ್ಯಮ ವರ್ಗದ ಹೆಣ್ಣು ಮಗಳನ್ನ ಬಳಕೆ ಮಾಡಿಕೊಂಡಿದ್ದಾರೆ ಎಂದು ಆರೋಪ ಮಾಡಿದ್ದಾರೆ.
Loading ...