ಕೈಗಾರಿಕೋದ್ಯಮಿ ಆನಂದ್ ಮಹೀಂದ್ರಾ ಆಗಾಗ್ಗೆ ಚಮತ್ಕಾರಿ ಮತ್ತು ತಿಳಿವಳಿಕೆ ಪೋಸ್ಟ್‌ಗಳನ್ನು ಹಂಚಿಕೊಳ್ಳುತ್ತಾರೆ, ಇದು ಸಾಮಾಜಿಕ ಮಾಧ್ಯಮ ಬಳಕೆದಾರರ ಗಮನವನ್ನು ಸೆಳೆಯುತ್ತದೆ. ಇತ್ತೀಚಿಗೆ ಮುಕ್ತಾಯಗೊಂಡ ಫಿಫಾ ವಿಶ್ವಕಪ್ ಫುಟ್ಬಾಲ್ನ ಫೈನಲ್ ಸುತ್ತ ಇರುವ ವಿಡಿಯೋ ಒಂದನ್ನು ಇದೀಗ ಶೇರ್ ಮಾಡಿದ್ದು, ಅದೀಗ ನೆಟ್ಟಿಗರ ಮನಗೆದ್ದಿದೆ.
ಅಷ್ಟಕ್ಕೂ ಇದು ಕುತೂಹಲದ ವಿಡಿಯೋ ಏಕೆಂದರೆ, ಅವರು ಶೇರ್ ಮಾಡಿರುವುದು ಫುಟ್ಬಾಲ್ ಪಂದ್ಯಾವಳಿಯ ವಿಜೇತರನ್ನು ಊಹಿಸುವ ಗೋಲಿ (ಮಾರ್ಬಲ್) ಪರೀಕ್ಷೆಯ ವಿಡಿಯೋ !
ಭಾನುವಾರ ನಡೆದ ಫೈನಲ್‌ನಲ್ಲಿ ಅರ್ಜೆಂಟೀನಾ ಪೆನಾಲ್ಟಿಯಲ್ಲಿ ಎರಡು ಬಾರಿಯ ಚಾಂಪಿಯನ್ ಫ್ರಾನ್ಸ್ ಅನ್ನು 4-2 ಗೋಲುಗಳಿಂದ ಸೋಲಿಸಿ 2022 ರ ಫಿಫಾ ವಿಶ್ವಕಪ್ ಟ್ರೋಫಿ ಪಡೆದುಕೊಂಡಿತು. ಹೆಚ್ಚುವರಿ ಸಮಯದ ನಂತರ ಪಂದ್ಯವು 3-3 ರಿಂದ ಸಮವಾಯಿತು, ಲಿಯೋನೆಲ್ ಮೆಸ್ಸಿ ಎರಡು ಬಾರಿ ಗೋಲು ಗಳಿಸಿದರು ಮತ್ತು ಫ್ರಾನ್ಸ್‌ನ ಕೈಲಿಯನ್ ಎಂಬಪ್ಪೆ ಹ್ಯಾಟ್ರಿಕ್ ಗಳಿಸಿದರು.
ಈ ರೋಚಕ ಪಂದ್ಯವು ಕೊನೆಯ ಹಂತದವರೆಗೂ ಫುಟ್ಬಾಲ್ ಪ್ರೇಮಿಗಳನ್ನು ಅವರ ಸೀಟಿನ ತುದಿಯಲ್ಲಿಯೇ ಇರಿಸಿತ್ತು. ಇದೊಂದು ರೀತಿಯಲ್ಲಿ ಈ ಮಾರ್ಬಲ್ ಪರೀಕ್ಷೆಯಂತೆ ಕಾಣುತ್ತದೆ ಎಂದು ಆನಂದ್ ಮಹೀಂದ್ರಾ ಹೇಳಿದ್ದಾರೆ.
ಈ ವಿಡಿಯೋದಲ್ಲಿ ಎರಡು ಮಾರ್ಬಲ್‌ಗಳಿವೆ. ಒಂದು ಅರ್ಜೆಂಟೀನಾದ ಧ್ವಜದ ಬಣ್ಣಗಳಲ್ಲಿ ಮತ್ತು ಇನ್ನೊಂದು ಫ್ರಾನ್ಸ್‌ನ ಧ್ವಜವನ್ನು ಹೊಂದಿದೆ. ಈ ವಿಡಿಯೋದಲ್ಲಿ ಚಕ್ರವ್ಯೂಹದ ಮೂಲಕ ಹಾದುಹೋಗುವ ಗೋಲಿಗಳನ್ನು ತೋರಿಸಲಾಗಿದೆ. ಆರಂಭದಲ್ಲಿ, ಅರ್ಜೆಂಟೀನಾ ಮಾರ್ಬಲ್ ಅದರ ದಾರಿಯಲ್ಲಿ ಉರುಳುವುದನ್ನು ನಾವು ನೋಡಬಹುದು. ಆದರೆ ಶೀಘ್ರದಲ್ಲೇ ಫ್ರಾನ್ಸ್ ಕಮಾಂಡಿಂಗ್ ಮುನ್ನಡೆ ಸಾಧಿಸಿತು. ಆದಾಗ್ಯೂ, ಕೊನೆಯಲ್ಲಿ, ಅರ್ಜೆಂಟೀನಾ ಮಾರ್ಬಲ್ ವಿಜೇತರಾಗಿ ಹೊರಹೊಮ್ಮಿತು.
ಪಂದ್ಯದ ಫಲಿತಾಂಶವನ್ನು ಈ ಗೋಲಿ ಮುಂಚೆಯೇ ಕಂಡುಕೊಂಡಿದೆ ಎಂದು ಆನಂದ್ ಮಹೀಂದ್ರಾ ಹೇಳಿದ್ದು, ವಿಡಿಯೋ, ಇದುವರೆಗೆ 2 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಪಡೆದುಕೊಂಡಿದ್ದು, ಜನರು ಅಚ್ಚರಿಗೊಂಡಿದ್ದಾರೆ.
Loading ...