ಹಳೆಯ ಭಾಗಗಳನ್ನು ನವೀಕರಿಸಿ ಮತ್ತು ಲೋಹದ ತ್ಯಾಜ್ಯ ಬಳಸಿ ಕಾರೊಂದನ್ನು ನಿರ್ಮಿಸಿದ ಮಹಾರಾಷ್ಟ್ರದ ಕಮ್ಮಾರೊಬ್ಬರಿಗೆ ಮಹಿಂದ್ರಾ & ಮಹಿಂದ್ರಾ ಸಮೂಹದ ಚೇರ್ಮನ್ ಆನಂದ್ ಮಹಿಂದ್ರಾ ಅವರು ಎಸ್‌ಯುವಿ ಒಂದನ್ನು ಉಡುಗೊರೆಯಾಗಿ ನೀಡಿದ್ದಾರೆ.
ಕಳೆದ ತಿಂಗಳು, ದತ್ತಾತ್ರೇಯ ಲೋಹರ್ ಎಂಬವರು ತಯಾರಿಸಿದ ಕಾರಿನ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು. ಆರಂಭದಿಂದ ನಿರ್ಮಿಸಲಾದ ಕಾರು ಆಟೋ-ರಿಕ್ಷಾ ಟೈರ್‌ಗಳು ಮತ್ತು ದ್ವಿಚಕ್ರ ವಾಹನದ ಎಂಜಿನ್ ಅನ್ನು ಹೊಂದಿದ್ದು ಈ ವಿಚಾರ ಆನ್ಲೈನ್‌ನಲ್ಲಿ ಭಾರೀ ವೈರಲ್ ಆಗಿತ್ತು.
2ನೇ ಬಾರಿ ಕೋವಿಡ್ ಸೋಂಕಿಗೊಳಗಾದ ಮೆಗಾಸ್ಟಾರ್ ಚಿರಂಜೀವಿ
ಈ ವಿಡಿಯೋ ಮಹಿಂದ್ರಾ ಗಮನ ಸೆಳೆದಿದ್ದು, “ಇದು ಸ್ಪಷ್ಟವಾಗಿ ಯಾವುದೇ ನಿಬಂಧನೆಗಳನ್ನು ಪೂರೈಸುವುದಿಲ್ಲ ಆದರೆ ನಮ್ಮ ಜನರ ಜಾಣ್ಮೆ ಮತ್ತು ‘ಹೆಚ್ಚು ಕಡಿಮೆ’ ಅವರ ಸಾಮರ್ಥ್ಯಗಳನ್ನು ಮೆಚ್ಚುವುದನ್ನು ನಾನು ಎಂದಿಗೂ ನಿಲ್ಲಿಸುವುದಿಲ್ಲ. ಮತ್ತು ಚಲನಶೀಲತೆಯ ಬಗ್ಗೆ ಅವರ ಉತ್ಸಾಹವನ್ನೂ ಸಹ,” ಎಂದು ಟ್ವೀಟ್ ಮಾಡಿದ್ದರು.
ಮತ್ತೊಂದು ಟ್ವೀಟ್‌ನಲ್ಲಿ, ಮಹೀಂದ್ರಾ ಅವರು ಲೋಹರ್ ಅವರ ಸೃಷ್ಟಿಗೆ ಬದಲಾಗಿ ಬೊಲೆರೊವನ್ನು ನೀಡುವುದಾಗಿ ಹೇದ್ದರು. “ನಮಗೆ ಸ್ಫೂರ್ತಿ ನೀಡಲು ಅವರ ರಚನೆಯನ್ನು ಮಹೀಂದ್ರಾ ರಿಸರ್ಚ್ ವ್ಯಾಲಿಯಲ್ಲಿ ಪ್ರದರ್ಶಿಸಬಹುದು, ಏಕೆಂದರೆ ‘ಸಂಪನ್ಮೂಲತೆ’ ಎಂದರೆ ಕಡಿಮೆ ಸಂಪನ್ಮೂಲಗಳೊಂದಿಗೆ ಹೆಚ್ಚಿನದನ್ನು ಮಾಡುವುದಾಗಿದೆ,” ಎಂದು ಮಹಿಂದ್ರಾ ಹೇಳಿದ್ದರು.
ಮಂಗಳವಾರ, ಆನಂದ್ ಮಹೀಂದ್ರಾ ಅವರು ತಮ್ಮ ಭರವಸೆಯನ್ನು ಈಡೇರಿಸಿದ್ದು, ಈ ವಿಚಾರವನ್ನು ಹಂಚಿಕೊಳ್ಳಲು ಟ್ವಿಟರ್‌ಗೆ ಆಗಮಿಸಿ, “ಹೊಸ ಬೊಲೆರೊಗೆ ತನ್ನ ವಾಹನವನ್ನು ವಿನಿಮಯ ಮಾಡಿಕೊಳ್ಳುವ ಪ್ರಸ್ತಾಪವನ್ನು ಅವರು ಒಪ್ಪಿಕೊಂಡಿದ್ದಾರೆ ಎಂದು ಸಂತೋಷಪಟ್ಟಿದ್ದಾರೆ. ನಿನ್ನೆ ಅವರ ಕುಟುಂಬವು ಬೊಲೆರೊವನ್ನು ಸ್ವೀಕರಿಸಿದೆ ಮತ್ತು ನಾವು ಅವರ ರಚನೆಯ ಜವಾಬ್ದಾರಿಯನ್ನು ಹೆಮ್ಮೆಯಿಂದ ತೆಗೆದುಕೊಂಡಿದ್ದೇವೆ. ಇದು ನಮ್ಮ ಸಂಶೋಧನಾ ವ್ಯಾಲಿಯಲ್ಲಿರುವ ಕಾರುಗಳ ನಮ್ಮ ಸಂಗ್ರಹದ ಭಾಗವಾಗಿದೆ ಮತ್ತು ಸಂಪನ್ಮೂಲಶೀಲರಾಗಲು ನಮಗೆ ಸ್ಫೂರ್ತಿ ನೀಡಬೇಕು,” ಎಂದಿದ್ದಾರೆ.
ಮಹಿಂದ್ರಾ ಅವರ ಈ ನಡೆಯು ನೆಟ್ಟಿಗರಿಂದ ಭಾರೀ ಮೆಚ್ಚುಗೆಗೆ ಪಾತ್ರವಾಗಿದೆ. ಒಬ್ಬ ಬಳಕೆದಾರ, “ಇದು ಭಾರತದಲ್ಲಿನ ಜನರಿಗೆ ಕೆಲವು ಹೊಸತನವನ್ನು ಕಂಡುಕೊಳ್ಳಲು ಸ್ಫೂರ್ತಿದಾಯಕವಾಗಿದೆ, ತಳಮಟ್ಟದಲ್ಲಿಯೂ ಸಹ ನಿಮ್ಮ ಕ್ರಿಯೆಯು ನಿಜವಾಗಿಯೂ ಅದ್ಭುತವಾಗಿದೆ,” ಎಂದಿದ್ದಾರೆ.
Loading ...