ಅಂಡರ್ 20 ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್ ಶಿಪ್: ವಾಕ್ ಸ್ಪರ್ಧೆಯಲ್ಲಿ ಭಾರತದ ಅಮಿತ್ ಕುಮಾರ್ ಗೆ ಬೆಳ್ಳಿ ಪದಕ

ನೈರೋಬಿ: ವಿಶ್ವ ಅಥ್ಲೆಟಿಕ್ಸ್ ಅಂಡರ್ – 20 ಚಾಂಪಿಯನ್‌ಶಿಪ್‌ನ ಪುರುಷರ 10,000 ಮೀಟರ್ ರೇಸ್ ವಾಕ್ ಸ್ಪರ್ಧೆಯಲ್ಲಿ ಭಾರತದ ಕ್ರೀಡಾಪಟು ಅಮಿತ್ ಕುಮಾರ್ ಬೆಳ್ಳಿ ಪದಕ ಗೆಲ್ಲುವ ಮುಖಾಂತರ ಇತಿಹಾಸ ಸೃಷ್ಟಿಸಿದ್ದಾರೆ.

ಕೀನ್ಯಾದ ನೈರೋಬಿಯಲ್ಲಿರುವ ಕಾಸರನಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ 42 ನಿಮಿಷ 17:94 ಸೆಕೆಂಡುಗಳಲ್ಲಿ ಗುರಿ ತಲುಪುವ ಮುಖಾಂತರ ಗೆದ್ದು ಬೀಗಿದ್ದಾರೆ. ನಡಿಗೆ ಸ್ಪರ್ಧೆಯ ಅಂತರಾರಾಷ್ಟ್ರೀಯ ಮಟ್ಟದಲ್ಲಿ ಇದೇ ಮೊದಲ ಬಾರಿಗೆ ಭಾರತ ಪದಕ ಜಯಿಸಿದ ಸಾಧನೆ ಮಾಡಿದೆ.

BREAKING NEWS: ರಾಜ್ಯದಲ್ಲಿಂದು 1350 ಜನರಿಗೆ ಸೋಂಕು, 18 ಮಂದಿ ಸಾವು –ಇಲ್ಲಿದೆ ಡಿಟೇಲ್ಸ್

ಇನ್ನು ಈ ಕೂಟದಲ್ಲಿ ಭಾರತಕ್ಕಿದು ಎರಡನೇ ಪದಕವಾಗಿದೆ. ಬುಧವಾರದಂದು ಮಿಶ್ರ ರಿಲೇ ಸ್ಪರ್ಧೆಯಲ್ಲಿ ಭಾರತ ತಂಡ ಕಂಚಿನ ಪದಕ ಗೆದ್ದು ಬೀಗಿತ್ತು.