ಅಮೆಜಾನ್ ವಿತರಣಾ ವಾಹನದಿಂದ ಹೊರಬಂದ ಯುವತಿ: ವಿಡಿಯೋ ವೈರಲ್ ಬಳಿಕ ಕೆಲಸ ಕಳೆದುಕೊಂಡ ಚಾಲಕ

ಫ್ಲೋರಿಡಾ: ಯುವತಿಯೊಬ್ಬಳು ಅಮೆಜಾನ್ ವ್ಯಾನ್‌ನಿಂದ ಹೊರಬರುವ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆದ ನಂತರ ಅಮೆರಿಕಾದ ಫ್ಲೋರಿಡಾದಲ್ಲಿ ಅಮೆಜಾನ್ ಚಾಲಕನನ್ನು ವಜಾ ಮಾಡಲಾಗಿದೆ.

12 ಸೆಕೆಂಡ್‌ಗಳ ವಿಡಿಯೋವನ್ನು ಡೈಲನ್ ಹುಕ್ ಎಂಬುವವರು ಚಿತ್ರೀಕರಿಸಿದ್ದಾರೆ. ಅಮೆಜಾನ್ ವಾಹನದ ಹಿಂಬಾಗಿಲಿನ ಮೂಲಕ ಕಪ್ಪು ಬಣ್ಣದ ಉಡುಪಿನಲ್ಲಿ ಯುವತಿಯೊಬ್ಬಳು ಹೊರಬರುತ್ತಿರುವುದನ್ನು ನೋಡಿದ ಹುಕ್ ದೃಶ್ಯವನ್ನು ಚಿತ್ರೀಕರಿಸಿದ್ದಾರೆ. ಡೆಲಿವರಿ ಬಾಯ್ ಯುವತಿಗೆ ವಾಹನದ ಬಾಗಿಲು ತೆಗೆಯುವ ಮೂಲಕ ಸಹಾಯ ಮಾಡಿದ್ದಾನೆ.

ಅಮೆಜಾನ್ ಸಂಸ್ಥೆಯ ಚಾಲಕರ ಡೆಲಿವರಿ ವಿಭಿನ್ನವಾಗಿದೆ ಅಂತಾ ಬರೆದು ಈ ವಿಡಿಯೋವನ್ನು ಪೋಸ್ಟ್ ಮಾಡಲಾಗಿದೆ. ಇದಕ್ಕೆ ನೆಟ್ಟಿಗರು ತಮಾಷೆಯಾಗಿ ಪ್ರತಿಕ್ರಿಯಿಸಿದ್ದಾರೆ.

ವಿಡಿಯೋ ವೈರಲ್ ಆದ ನಂತರ, ಅಮೆಜಾನ್ ಡೆಲಿವರಿ ಚಾಲಕನನ್ನು ಕೆಲಸದಿಂದ ವಜಾ ಮಾಡಲಾಗಿದೆ.