ಅಖಿಲ ಭಾರತ ಆಯುರ್ವೇದ ಸಂಸ್ಥೆ (ಎಐಐಎ) ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ‘ಮಕ್ಕಳ ರಕ್ಷಣಾ ಕಿಟ್’ ಅನ್ನು ಅಭಿವೃದ್ಧಿಪಡಿಸಿದೆ. ರಾಷ್ಟ್ರೀಯ ಆಯುರ್ವೇದ ದಿನವಾದ ನವೆಂಬರ್ 2, 2021 ರಂದು ಸರ್ಕಾರವು ಮಕ್ಕಳಿಗೆ 10,000 ಕಿಟ್‌ಗಳನ್ನು ಉಚಿತವಾಗಿ ವಿತರಿಸಲು ಸಜ್ಜಾಗಿದೆ.
ಕೋವಿಡ್ -19 ಮೂರನೇ ಅಲೆಯ ಭಯ ಹಿನ್ನೆಲೆಯಲ್ಲಿ ಎಐಐಎ ಈ ಕಿಟ್ ಅನ್ನು ಮಕ್ಕಳಿಗಾಗಿ ಅಭಿವೃದ್ಧಿಪಡಿಸಿದೆ ಎಂದು ವರದಿ ಮಾಡಿದೆ. ಕೊರೋನ ವಿರುದ್ಧದ ಹೋರಾಟದಲ್ಲಿ ಈ ಕಿಟ್ ರಕ್ಷಣಾತ್ಮಕವಾಗಿ ಕಾರ್ಯನಿರ್ವಹಿಸುತ್ತದೆ ಎಂದು ಹೇಳಲಾಗಿದೆ.
ಈ ಕಿಟ್‌ಗಳು 16 ವರ್ಷದೊಳಗಿನ ಮಕ್ಕಳಿಗೆ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತವೆ. ಎಐಐಎ ಆಯುಷ್ ಸಚಿವಾಲಯವು, ಕಿಟ್ ಕೊರೋನಾ ಸೋಂಕಿನ ವಿರುದ್ಧ ಹೋರಾಡಲು ಮತ್ತು ಮಕ್ಕಳ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ ಎಂದು ಹೇಳಿದೆ.
BIG NEWS: ಅಧಿಕಾರಿಗಳ ಸ್ವಾತಂತ್ರ್ಯಕ್ಕೆ ಕಡಿವಾಣ; ಮಾಧ್ಯಮಗಳ ಮುಂದೆ ಹೇಳಿಕೆ ನೀಡುವಂತಿಲ್ಲ ಎಂದ ರಾಜ್ಯ ಸರ್ಕಾರ
ಈ ಕಿಟ್‌ನಲ್ಲಿ ಏನಿದೆ ?
ಕಿಟ್ ಮಾಲಕ್ಯೂಲ ಎಣ್ಣೆ, ಸೀತೋಪ್ಲಾಡಿ, ಆಯುರ್ವೇದ ಟಾನಿಕ್ ಮತ್ತು ತುಳಸಿ, ಗಿಲೋಯ್, ದಾಲ್ಚಿನ್ನಿ, ಮುಲತಿ ಮತ್ತು ಒಣಗಿದ ದ್ರಾಕ್ಷಿಯಿಂದ ತಯಾರಿಸಿದ ಸಿರಪ್ ಅನ್ನು ಒಳಗೊಂಡಿದೆ. ಈ ಕಿಟ್‌ನ ನಿಯಮಿತ ಸೇವನೆಯು ಮಕ್ಕಳಲ್ಲಿ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ.
ಆಯುಷ್ ಸಚಿವಾಲಯದ ಕಟ್ಟುನಿಟ್ಟಿನ ಮಾರ್ಗಸೂಚಿಗಳ ಅಡಿಯಲ್ಲಿ ಕಿಟ್ ಅನ್ನು ತಯಾರಿಸಲಾಗಿದೆ. ಇದನ್ನು ಉತ್ತರಾಖಂಡದಲ್ಲಿರುವ ತನ್ನ ಕಾರ್ಖಾನೆಯಲ್ಲಿ, ಭಾರತೀಯ ಸರ್ಕಾರದ ಔಷಧೀಯ ನಿಗಮ ಲಿಮಿಟೆಡ್ (ಐಎಂಪಿಸಿಎಲ್) ನಿರ್ಮಿಸಿದೆ.
ಇಲ್ಲಿಯವರೆಗೆ, ಭಾರತದಲ್ಲಿ ಮಕ್ಕಳಿಗೆ ಯಾವುದೇ ಕೋವಿಡ್ -19 ಲಸಿಕೆ ಲಭ್ಯವಿಲ್ಲ. ಆದ್ದರಿಂದ ಮಕ್ಕಳ ಆರೋಗ್ಯವನ್ನು ಗಮನದಲ್ಲಿಟ್ಟುಕೊಂಡು ಮಕ್ಕಳ ರಕ್ಷಣಾ ಕಿಟ್‌ಗಳು ಪ್ರಮುಖವೆಂದು ಸಾಬೀತುಪಡಿಸಬಹುದು.
ಮಕ್ಕಳು ಹೆಚ್ಚಾಗಿ ಕಷಾಯ ಮತ್ತು ಮಾತ್ರೆಗಳನ್ನು ತೆಗೆದುಕೊಳ್ಳಲು ಕಷ್ಟಪಡುತ್ತಾರೆ. ಕಷಾಯವು ಕಹಿಯಾಗಿರುವುದರಿಂದ ಮಕ್ಕಳು ಅದನ್ನು ತೆಗೆದುಕೊಳ್ಳಲ್ಲ. ಆದ್ದರಿಂದ ಈ ಸಿರಪ್ ತಯಾರಿಸಲಾಗಿದ್ದು, ಇದು ಶೀತ ಮತ್ತು ಕೆಮ್ಮನ್ನು ತಡೆಯಲು ಸಹಾಯಕವಾಗಿದೆ.
Loading ...