ಬೆಳಗ್ಗೆ ಕಚೇರಿಗೆ ಅಥವಾ ಇನ್ನೆಲ್ಲಾದರೂ ಹೊರಡುವ ಮುನ್ನ ಎಲ್ಲರೂ ಡಿಯೋಡ್ರೆಂಟ್‌ ಅಥವಾ ಪರ್ಫ್ಯೂಮ್‌ ಪೂಸಿಕೊಳ್ತಾರೆ. ಡಿಯೋಡ್ರೆಂಟ್‌ ಹಾಕಿಕೊಳ್ಳುವುದು ಕೂಡ ನಮ್ಮ ಬೆಳಗಿನ ದಿನಚರಿಯ ಪ್ರಮುಖ ಭಾಗವಾಗಿದೆ. ಆದರೆ ತಜ್ಞರು ಡಿಯೋಡ್ರೆಂಟ್‌ ಹಾಕಿಕೊಳ್ಳಲು ಉತ್ತಮ ಸಮಯ ಬೆಳಗ್ಗೆ ಅಲ್ಲ ರಾತ್ರಿ ಎಂಬುದನ್ನು ಬಹಿರಂಗಪಡಿಸಿದ್ದಾರೆ.
ಮಿಸ್ಸಿಸ್ಸಿಪ್ಪಿಯ ಚರ್ಮ ತಜ್ಞ ಡಾ. ಲಿಂಡ್ಸೆ ಈ ಕುಡಿತ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ರಾತ್ರಿಯಲ್ಲೇ ಡಿಯೋಡ್ರೆಂಟ್‌ ಹಾಕಿಕೊಳ್ಳಬೇಕೆಂದು ಪ್ರತಿಪಾದಿಸಿದ್ದಾರೆ. ನಮ್ಮ ಬೆವರು ಗ್ರಂಥಿಗಳು ರಾತ್ರಿಯಲ್ಲಿ ಕಡಿಮೆ ಸಕ್ರಿಯವಾಗಿರುತ್ತವೆ, ಆದ್ದರಿಂದ ಆಂಟಿಪೆರ್ಸ್ಪಿರಂಟ್ ಹೆಚ್ಚು ಪರಿಣಾಮಕಾರಿಯಾಗಿ ಹೀರಲ್ಪಡುತ್ತದೆ.
ಹೆಚ್ಚಿದ ಮೆಲಟೋನಿನ್ ಉತ್ಪಾದನೆ ಸೇರಿದಂತೆ ದೇಹದ ಉಷ್ಣತೆಯು ನೈಸರ್ಗಿಕವಾಗಿ ನಿದ್ರೆಗೆ ಸಿದ್ಧವಾಗುವುದರಿಂದ ಆಂಟಿಪೆರ್ಸ್ಪಿರಂಟ್‌ಗಳು ರಾತ್ರಿಯಲ್ಲಿ ಹೆಚ್ಚು ಪರಿಣಾಮಕಾರಿಯಾಗಿ ಹೀರಲ್ಪಡುತ್ತವೆ. ಮೆಲಟೋನಿನ್ ಒಂದು ಹಾರ್ಮೋನ್ ಆಗಿದ್ದು, ಅದು ನಿದ್ರೆ ಮತ್ತು ಎಚ್ಚರದ ಚಕ್ರವನ್ನು ನಿಯಂತ್ರಿಸುತ್ತದೆ. ರಾತ್ರಿಯಲ್ಲಿ ಕತ್ತಲೆಯಾದಾಗ ಮತ್ತು ಕಣ್ಣುಗಳಿಂದ ಬೆಳಕನ್ನು ಹೀರಿಕೊಳ್ಳುವುದು ಕಡಿಮೆಯಾದಾಗ, ದೇಹದಲ್ಲಿ ಮೆಲಟೋನಿನ್ ಮಟ್ಟವು ಹೆಚ್ಚಾಗುತ್ತದೆ.
ರಾತ್ರಿ ಡಿಯೋಡ್ರೆಂಟ್‌ ಹಾಕಿಕೊಂಡರೆ ಏನಾಗುತ್ತದೆ ?
ದೇಹದ ಉಷ್ಣತೆಯನ್ನು ಕಡಿಮೆ ಮಾಡುವುದರ ಜೊತೆಗೆ, ಮೆಲಟೋನಿನ್ ರಕ್ತದೊತ್ತಡವನ್ನು ಕಡಿಮೆ ಮಾಡುತ್ತದೆ. ಹೃದಯ ಬಡಿತವನ್ನು ನಿಧಾನಗೊಳಿಸುತ್ತದೆ. ಇದು ನಿದ್ರೆಯ ಸಮಯ ಎಂದು ದೇಹಕ್ಕೆ ಸಂಕೇತ ನೀಡುತ್ತದೆ. ಮೆಲಟೋನಿನ್ ಹೆಚ್ಚಾದಂತೆ ರಾತ್ರಿ ಡಿಯೋಡ್ರೆಂಟ್‌ ಹಾಕಿಕೊಂಡಾಗ ಬೆವರು ಗ್ರಂಥಿಗಳಿಂದ ಉತ್ಪತ್ತಿಯಾಗುವ ಬೆವರು ಮತ್ತು ವಾಸನೆಯನ್ನು ತಡೆಯಬಹುದು.
ನಮ್ಮ ದೇಹದಲ್ಲಿ ಎರಡು ರೀತಿಯ ಬೆವರು ಗ್ರಂಥಿಗಳಿವೆ – ಎಕ್ರಿನ್ ಮತ್ತು ಅಪೋಕ್ರೈನ್. ಎಕ್ರಿನ್ ಗ್ರಂಥಿಗಳು ದೇಹದಾದ್ಯಂತ ಇರುತ್ತವೆ ಮತ್ತು ನೇರವಾಗಿ ಚರ್ಮದ ಮೇಲ್ಮೈಗೆ ತೆರೆದುಕೊಳ್ಳುತ್ತವೆ, ಬೆವರು ಹನಿಗಳನ್ನು ಉತ್ಪತ್ತಿ ಮಾಡುತ್ತವೆ. ಆದರೆ ಅಪೋಕ್ರೈನ್ ಗ್ರಂಥಿಗಳು ಕೂದಲಿನ ರಂಧ್ರ ಭಾಗದಲ್ಲಿ ಬೆಳವಣಿಗೆಯಾಗುತ್ತವೆ ಮತ್ತು ಚರ್ಮದ ಮೇಲ್ಮೈಯನ್ನು ತಲುಪುತ್ತವೆ. ಇವು ಸಾಮಾನ್ಯವಾಗಿ ಕಂಕುಳಲ್ಲಿ, ಚರ್ಮ ಮತ್ತು ಜನನಾಂಗಗಳಲ್ಲಿ ಕಂಡುಬರುತ್ತವೆ. ಈ ಬೆವರು ದೇಹದಲ್ಲಿ ವಾಸನೆ ಉಂಟು ಮಾಡುತ್ತದೆ.
ರಾತ್ರಿ ಡಿಯೋಡ್ರೆಂಟ್‌ ಹಾಕಿಕೊಳ್ಳುವುದರಿಂದ ಬೆವರು ನಾಳಗಳು ಮುಚ್ಚಲು 6-8 ಗಂಟೆಗಳ ಕಾಲಾವಕಾಶವನ್ನು ಸಿಗುತ್ತದೆ. ಇವು ವಿವಿಧ ರೀತಿಯಲ್ಲಿ ವಾಸನೆಯನ್ನು ಕಡಿಮೆ ಮಾಡುತ್ತದೆ. ಆದರೆ ಬೆವರುವಿಕೆಯನ್ನು ಕಡಿಮೆ ಮಾಡುವುದಿಲ್ಲ. ಆಂಟಿಪೆರ್ಸ್ಪಿರಂಟ್‌ಗಳು ಅಲ್ಯೂಮಿನಿಯಂ ಆಧಾರಿತ ಪದಾರ್ಥಗಳನ್ನು ಹೊಂದಿದ್ದು, ಬೆವರು ರಂಧ್ರಗಳನ್ನು ಮುಚ್ಚುತ್ತವೆ ಮತ್ತು ಬೆವರುವಿಕೆಯನ್ನು ತಡೆಯುತ್ತದೆ.
ನೀವು ಸಂಜೆ ಸ್ನಾನ ಮಾಡಿದ್ದರೆ, ಸ್ನಾನ ಮಾಡಿದ ತಕ್ಷಣ ಡಿಯೋಡ್ರೆಂಟ್‌ ಅಥವಾ ಆಂಟಿಪೆರ್ಸ್ಪಿರಂಟ್ ಅನ್ನು ಅನ್ವಯಿಸಬೇಡಿ. ಎರಡೂ ಉತ್ಪನ್ನಗಳು ಒಣ ಚರ್ಮದ ಮೇಲೆ ಹೆಚ್ಚು ಪರಿಣಾಮಕಾರಿಯಾಗಿರುತ್ತವೆ. ಆದ್ದರಿಂದ ಟವೆಲ್ನಿಂದ ಸಂಪೂರ್ಣವಾಗಿ ಮೈ ಒರೆಸಿಕೊಂಡು ಡಿಯೋಡ್ರೆಂಟ್‌ ಹಾಕಿಕೊಳ್ಳಿ.
Loading ...