ಕೊರೊನಾ ವೈರಸ್ ಸಂಕಷ್ಟ ಶುರುವಾದಾಗಿನಿಂದ ಶಿಕ್ಷಣ ವ್ಯವಸ್ಥೆ ಸಂಪೂರ್ಣ ಬದಲಾಗಿ ಹೋಗಿದೆ. ಶಾಲೆಗಳಲ್ಲಿ ನಡೆಯುತ್ತಿದ್ದ ಪಾಠಗಳು ಇದೀಗ ಆನ್ಲೈನ್ ತರಗತಿಯ ರೂಪವನ್ನ ಪಡೆದುಕೊಂಡಿದೆ.
ಕಾಶ್ಮೀರದ ಆರು ವರ್ಷದ ಬಾಲಕಿಯೊಬ್ಬಳು ಆನ್ಲೈನ್ ಕ್ಲಾಸಿನಿಂದ ತನಗಾಗುತ್ತಿರುವ ಸಮಸ್ಯೆಯನ್ನ ನೇರವಾಗಿ ಪ್ರಧಾನಿ ಮೋದಿ ಬಳಿಯಲ್ಲೇ ಹೇಳಿಕೊಳ್ಳಲು ಮುಂದಾಗಿದ್ದಾಳೆ. ಸೋಶಿಯಲ್ ಮೀಡಿಯಾದಲ್ಲಿ ಈ ಮುದ್ದಾದ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಹೋಮ್ ವರ್ಕ್ ಹಾಗೂ ಅವಧಿಗೂ ಮೀರಿದ ತರಗತಿಯ ಬಗ್ಗೆ ಕಾಶ್ಮೀರದ ಬಾಲಕಿ ಪ್ರಧಾನಿ ಬಳಿ ಕಷ್ಟ ತೋಡಿಕೊಂಡಿದ್ದು ಈ ವಿಡಿಯೋ ಲಕ್ಷಾಂತರ ಮಂದಿ ನೆಟ್ಟಿಗರ ಮನ ಗೆಲ್ಲುವಲ್ಲಿ ಯಶಸ್ವಿಯಾಗಿದೆ.
ಇಂಗ್ಲೀಷ್, ಗಣಿತ , ಕಂಪ್ಯೂಟರ್ ಶಿಕ್ಷಣ ಹೀಗೆ ಮಕ್ಕಳಿಗೆ ಸಿಕ್ಕಾಪಟ್ಟೆ ಕೆಲಸ ನೀಡಲಾಗ್ತಿದೆ. ಮೋದಿ ಸಾಬ್, ಯಾಕೆ ಹೀಗೆ ಮಕ್ಕಳಿಗೆ ಇಷ್ಟೊಂದು ಕೆಲಸ ಕೊಡೋದು..? ಎಂದು ಬಾಲಕಿ ಪ್ರಶ್ನೆ ಹಾಕಿದ್ದಾಳೆ.
ಈ ದೂರು ತುಂಬಾನೇ ಮುದ್ದಾಗಿದೆ. 48 ಗಂಟೆಯೊಳಗಾಗಿ ಮಕ್ಕಳ ಹೋಮ್ವರ್ಕ್ ಭಾರ ಕಡಿಮೆ ಮಾಡುವಂತಹ ಪಾಲಿಸಿಯನ್ನ ತರುವಂತೆ ಶಿಕ್ಷಣ ಇಲಾಖೆಗೆ ಸೂಚನೆ ನೀಡಿದ್ದೇವೆ. ಬಾಲ್ಯ ಅನ್ನೋದು ದೇವರು ಕೊಟ್ಟ ಉಡುಗೊರೆಯಾಗಿದೆ. ಈ ಅವಧಿಯಲ್ಲಿ ಮಕ್ಕಳು ಸಂತಸದಿಂದ ಇರಬೇಕು ಎಂದು ಜಮ್ಮು ಕಾಶ್ಮೀರದ ಲೆ.ಗವರ್ನರ್ ಕಚೇರಿ ಟ್ವೀಟ್ ಮಾಡಿದೆ.
Loading ...