ಐಷಾರಾಮಿ ಕಾರು ಖರೀದಿಸಿದ ನಟಿ ಅದಿತಿ ರಾವ್ ಹೈದರಿ

ನಟಿ ಅದಿತಿ ರಾವ್ ಹೈದರಿ ಐಷಾರಾಮಿ ಆಡಿ ಕ್ಯೂ7 ಅನ್ನು ಖರೀದಿಸಿದ್ದಾರೆ. ಆಡಿಯ ಮುಂಬೈ ವೆಸ್ಟ್ ಶೋರೂಮ್‌ನ ಅಧಿಕೃತ ಇನ್ಸ್ಟಾಗ್ರಾಂ ಪುಟದಲ್ಲಿ ಅದಿತಿ ತನ್ನ ಕಾರಿನ ಕೀಗಳನ್ನು ಪಡೆದುಕೊಳ್ಳುತ್ತಿರುವ ಕೆಲವು ಚಿತ್ರಗಳನ್ನು ಹಂಚಿಕೊಳ್ಳಲಾಗಿದೆ.

ನಟಿ ಖರೀದಿಸಿರುವ ಈ ಐಷಾರಾಮಿ ಕಾರಿನ ಬೆಲೆ 95.6 ಲಕ್ಷ ರೂ. ಆಗಿದ್ದು, ತೆರಿಗೆ ಸೇರಿ 1.05 ಕೋಟಿ ರೂ. ಆಗಿದೆ. ಈ ಹೊಚ್ಚ ಹೊಸ ಕಾರು ‘ಆಡಿ ಕ್ಯೂ7’ನ ಇತ್ತೀಚಿನ ಆವೃತ್ತಿಯಾಗಿದೆ. ಈ ಕಾರನ್ನು ಫೆಬ್ರವರಿಯಲ್ಲಿ ಬಿಡುಗಡೆ ಮಾಡಲಾಗಿದ್ದು, ವರ್ಷಗಳಿಂದ ಅತ್ಯಂತ ಜನಪ್ರಿಯ ಮಾದರಿಯಾಗಿದೆ.

ಪತ್ನಿಯಿದ್ದರೂ ಮತ್ತೊಬ್ಬಳೊಂದಿಗೆ ವಿವಾಹಕ್ಕೆ ಸಿದ್ದತೆ; ಮೊದಲ ಪತ್ನಿ ಬರುತ್ತಿದ್ದಂತೆ ವಧುವಿನೊಂದಿಗೆ ವರ ಪರಾರಿ…!

ಬುಧವಾರ, ಮೇ 4 ರಂದು ಆಡಿ ಮುಂಬೈ ವೆಸ್ಟ್‌ನ ಇನ್ಸ್ಟಾಗ್ರಾಂ ಖಾತೆಯು ಅದಿತಿ ರಾವ್ ಹೈದರಿ ಅವರ ಕೆಲವು ಫೋಟೋಗಳನ್ನು ಪೋಸ್ಟ್ ಮಾಡಿದೆ. ಫೋಟೋಗಳಲ್ಲಿ, ನಟಿ ತನ್ನ ಕಾರನ್ನು ಶೋ ರೂಂನಲ್ಲಿ ಸಂಗ್ರಹಿಸುತ್ತಿರುವುದನ್ನು ಕಾಣಬಹುದು. ಮೊದಲ ಚಿತ್ರದಲ್ಲಿ, ಅದಿತಿ ತನ್ನ ನೀಲಿ ಬಣ್ಣದ ಕಾರಿನ ಮುಂದೆ ನಿಂತು, ಶೋರೂಮ್‌ನಲ್ಲಿ ಇಬ್ಬರು ಉದ್ಯೋಗಿಗಳಿಂದ ಗಿಫ್ಟ್ ಹ್ಯಾಂಪರ್ ತೆಗೆದುಕೊಳ್ಳುತ್ತಿದ್ದಾರೆ. ಅವರ ಪಕ್ಕದಲ್ಲಿ ಅಭಿನಂದನೆಗಳು ಅದಿತಿ ರಾವ್ ಹೈದರಿ ಎಂದು ಬರೆದಿರುವ ಪೋಸ್ಟರ್ ಅನ್ನು ಸಹ ನೋಡಬಹುದು.

ಪ್ರಸ್ತುತ, ಅದಿತಿ ರಾವ್ ಹೈದರಿ ಅವರು ಇತ್ತೀಚೆಗೆ ಬಿಡುಗಡೆಯಾದ ಹೇ ಸಿನಾಮಿಕಾ ಚಿತ್ರದ ಯಶಸ್ಸಿನಲ್ಲಿ ಮುಳುಗಿದ್ದಾರೆ. ಇದು ಉತ್ತಮ ವಿಮರ್ಶೆಗಳನ್ನು ಪಡೆದಿದ್ದು, ಗಲ್ಲಾಪೆಟ್ಟಿಗೆಯಲ್ಲಿ ಚೆನ್ನಾಗಿ ಓಡುತ್ತಿದೆ. ಅದಿತಿಯ ಹೊರತಾಗಿ, ಚಿತ್ರದಲ್ಲಿ ದುಲ್ಕರ್ ಸಲ್ಮಾನ್ ಮತ್ತು ಕಾಜಲ್ ಅಗರ್ವಾಲ್ ಮುಖ್ಯ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.