ಮೊಹಮ್ಮದ್ ಶಮಿ ಐಸಿಸಿ ಪುರುಷರ ಏಕದಿನ ವಿಶ್ವಕಪ್ ಪಂದ್ಯಾವಳಿಯಲ್ಲಿ ಯಶಸ್ವಿ ಬೌಲರ್ ಆಗಿ ಮಿಂಚುತ್ತಿದ್ದಾರೆ. ಕೇವಲ ನಾಲ್ಕು ಪಂದ್ಯಗಳಲ್ಲಿ ಶಮಿ 16 ವಿಕೆಟ್ಗಳನ್ನು ಉರುಳಿಸಿದ್ದಾರೆ.
ತಮ್ಮ ಅಸಾಧಾರಣ ಬೌಲಿಂಗ್ನಿಂದಾಗಿ ಶಮಿ ಎರಡು ಬಾರಿ ʼಮ್ಯಾನ್ ಆಫ್ ದಿ ಮ್ಯಾಚ್ʼ ಗೌರವಕ್ಕೆ ಪಾತ್ರರಾಗಿದ್ದಾರೆ.
ಕ್ರಿಕೆಟ್ ಜೀವನದಲ್ಲಿ ಯಶಸ್ಸಿನ ಜೊತೆಯಲ್ಲಿ ಮಹಮ್ಮದ್ ಶಮಿಗೆ ಇದೀಗ ಬಾಲಿವುಡ್ ನಟಿಯಿಂದ ಮದುವೆ ಆಫರ್ ಬಂದಿದೆ. ನಟಿ ಹಾಗೂ ರಾಜಕಾರಣಿ ಪಾಯಲ್ ಘೋಷ್ ತಾವು ಮಹಮ್ಮದ್ ಶಮಿಗೆ 2ನೇ ಪತ್ನಿಯಾಗಲು ಸಿದ್ಧಳಿದ್ದೇನೆ ಎಂದು ಹೇಳಿದ್ದಾರೆ.
ಪಾಯಲ್ ಘೊಷ್ ತಮ್ಮ ಸೋಶಿಯಲ್ ಮೀಡಿಯಾ ಖಾತೆಯ ಮೂಲಕ ಟೀಂ ಇಂಡಿಯಾ ವೇಗಿ ಮಹಮ್ಮದ್ ಶಮಿಗೆ ಮದುವೆ ಪ್ರಪೋಸಲ್ ನೀಡಿದ್ದಾರೆ. ಶಮಿ ನೀನು ನಿನ್ನ ಇಂಗ್ಲೀಷ್ ಸುಧಾರಿಸಿಕೋ, ನಿನ್ನನ್ನು ಮದುವೆಯಾಗಲು ನಾನು ಸಿದ್ಧನಿದ್ದೇನೆ ಎಂದು ಬರೆದುಕೊಂಡಿದ್ದಾರೆ.
ಪಾಯಲ್ ಘೋಷ್ ಬಾಲಿವುಡ್ ನಟಿಯಾಗಿದ್ದು 1992ರಲ್ಲಿ ಕೋಲ್ಕತ್ತಾದಲ್ಲಿ ಜನಿಸಿದ್ದಾರೆ. ಶಿಕ್ಷಣವನ್ನು ಸೇಂಟ್ ಪಾಲ್ಸ್ ಮಿಷನ್ ಶಾಲೆಯಲ್ಲಿ ಪೂರ್ಣಗೊಳಿಸಿದರು ಮತ್ತು ಸ್ಕಾಟಿಷ್ ಚರ್ಚ್ ಕಾಲೇಜಿನಲ್ಲಿ ರಾಜಕೀಯ ವಿಜ್ಞಾನದಲ್ಲಿ ಪದವಿ ಪಡೆದಿದ್ದಾರೆ.
ಸಿನಿಮಾದಲ್ಲಿ ಅವಕಾಶ ಗಿಟ್ಟಿಸಿಕೊಳ್ಳಲು ಪಾಯಲ್ ಮುಂಬೈಗೆ ಬಂದಿದ್ದರು. ಪಾಯಲ್ ಈವರೆಗೆ ವರ್ಷಧಾರೆ, ಊಸರವೇಲಿ, ಮಿಸ್ಟರ್ ರಾಸ್ಕಲ್ ಮತ್ತು ಪಟೇಲ್ ಕಿ ಪಂಜಾಬಿ ಶಾದಿ ಸೇರಿದಂತೆ ಹಲವು ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. 2020 ರಲ್ಲಿ, ಅವರು ರಾಮದಾಸ್ ಅಠವಾಲೆ ಅವರ ರಾಜಕೀಯ ಪಕ್ಷದ ಮಹಿಳಾ ವಿಭಾಗದ ಉಪಾಧ್ಯಕ್ಷರಾದರು.
ಇನ್ನು ಮೊಹಮ್ಮದ್ ಶಮಿ ಬಗ್ಗೆ ಹೇಳೋದಾದ್ರೆ ಟೀಂ ಇಂಡಿಯಾ ವೇಗಿಯಾಗಿರೋ ಶಮಿ, ಹಸೀನ್ ಜಹಾನ್ ಎಂಬವರನ್ನು ಮದುವೆಯಾಗಿದ್ದರು. ಈ ದಂಪತಿಗೆ ಓರ್ವ ಪುತ್ರಿ ಕೂಡ ಇದ್ದಾಳೆ. ಆದರೆ ಇಬ್ಬರೂ ಈಗ ದೂರಾಗಿದ್ದಾರೆ.
Loading ...