ನಟ ರವಿತೇಜಾ ಅವರ 75ನೇ ಚಿತ್ರದ ಶೂಟಿಂಗ್ ಇಂದಿನಿಂದ ಶುರು

 

ಟಾಲಿವುಡ್ ನಲ್ಲಿ ಮಾಸ್ ಮಹಾರಾಜ ಎಂದೇ ಖ್ಯಾತಿ ಪಡೆದಿರುವ ರವಿ ತೇಜ ಅವರ 75ನೇ ಚಿತ್ರ ಈಗಾಗಲೇ ಸಾಕಷ್ಟು ನಿರೀಕ್ಷೆ ಮೂಡಿಸಿದ್ದು, ಇಂದು ಬೆಳಿಗ್ಗೆ 07:29 ಕ್ಕೆ ಇದರ ಮಹೂರ್ತ ನೆರವೇರಿಸಲಾಗಿದೆ. ಭಾನು ಬೋಗವರಪು ನಿರ್ದೇಶಿಸಿರುವ ಈ ಸಿನಿಮಾ ಟೈಟಲ್ ಇನ್ನು ಅನಾವರಣಗೊಳ್ಳಬೇಕಾಗಿದ್ದು, ರವಿತೇಜಾ ಅವರ ಅಭಿಮಾನಿಗಳಲ್ಲಿ ಸಾಕಷ್ಟು ಕುತೂಹಲ ಮೂಡಿದೆ.

ಸೂರ್ಯದೇವ ನಾಗವಂಶಿ ಮತ್ತು ಸಾಯಿ ಸೌಜನ್ಯ ಈ ಚಿತ್ರಕ್ಕೆ ಬಂಡವಾಳ ಹೂಡಿದ್ದು ರವಿ ತೇಜ ಅವರಿಗೆ ಜೋಡಿಯಾಗಿ ಶ್ರೀ ಲೀಲಾ ಅಭಿನಯಿಸುತ್ತಿದ್ದಾರೆ. ಭೀಮ್ ಸಿಸಿರೋಲಿಯೋ ಸಂಗೀತ ಸಂಯೋಜನೆ ನೀಡಿದ್ದು, ನವೀನ್ ನೂಲಿ ಸಂಕಲನ, ನಂದು ಸಂಭಾಷಣೆ ಹಾಗೂ ವಿಧು ಅಯ್ಯನ ಅವರ ಛಾಯಾಗ್ರಹಣವಿದೆ.