ʼಭಜರಂಗಿ 2ʼ ಪ್ರಿ ರಿಲೀಸ್​ ಕಾರ್ಯಕ್ರಮದಲ್ಲಿ ಕೊನೆಯ ಬಾರಿಗೆ ಹೆಜ್ಜೆ ಹಾಕಿದ್ದ ಪುನೀತ್​….!

ಚಂದನವನ ನಟ ಪುನೀತ್​ ರಾಜ್​ಕುಮಾರ್​ ನಿಧನ ನುಂಗಲಾರದ ತುತ್ತಾಗಿ ಪರಿಣಿಮಿಸಿದೆ.

ಪ್ರಚಾರ ಪ್ರಿಯರೇ ಅಲ್ಲದ ಸರಳ ಜೀವಿ ಒಬ್ಬ ನಟನಾಗಿ, ಸಮಾಜ ಸೇವಕನಾಗಿ ಕನ್ನಡ ನಾಡಿಗೆ ಮಾಡಿದಂತಹ ಸೇವೆ ಮರೆಯುವಂತದ್ದಲ್ಲ.
ಯಾವುದೇ ರೀತಿಯ ಮಾನವೀಯ ಕಾರ್ಯವನ್ನೂ ಮಾಡಿದ್ದರೂ ಸಹ ಎಲ್ಲಿಯೂ ಪ್ರಚಾರ ಪಡೆಯದ ಈ ಮಹಾನ್​ ವ್ಯಕ್ತಿತ್ವವನ್ನು ಕಳೆದುಕೊಂಡ ಕರುನಾಡು ಇಂದು ಬಡವಾಗಿದೆ. ಅಣ್ಣಾವ್ರ ಕೊನೆಯ ಪುತ್ರ ಪುನೀತ್​ರನ್ನ ಕಳೆದುಕೊಂಡ ರಾಜ್ಯದ ಜನತೆ ಅವರ ನೆನಪುಗಳನ್ನು ಮೆಲುಕು ಹಾಕುತ್ತಿದ್ದಾರೆ.

ಬುಧವಾರವಷ್ಟೇ ಅಣ್ಣ ಶಿವಣ್ಣ ನಟನೆಯ ಭಜರಂಗಿ 2 ಸಿನಿಮಾ ಪ್ರಿ ರಿಲೀಸ್​ ಕಾರ್ಯಕ್ರಮದಲ್ಲಿ ನಟ ಪುನೀತ್​ ರಾಜ್​ಕುಮಾರ್​ ಭಾಗಿಯಾಗಿದ್ದರು. ಶಿವಣ್ಣ ಹಾಗೂ ಯಶ್​ ಜೊತೆ ಸೇರಿ ಭಜರಂಗಿ 2 ಸಿನಿಮಾದ ಟೈಟಲ್​ ಟ್ರ್ಯಾಕ್​​ಗೆ ಹೆಜ್ಜೆಯನ್ನೂ ಹಾಕಿದ್ದರು. ಇದೇ ಪುನೀತ್​ ರಾಜ್​​ಕುಮಾರ್​ರ ಕೊನೆಯ ನೃತ್ಯ ಆಗಬಹುದು ಎಂಬ ಸಣ್ಣ ಕಲ್ಪನೆ ಕೂಡ ಅಭಿಮಾನಿಗಳಿಗೆ ಇರಲಿಲ್ಲ. ಅಪ್ಪು ನಿಧನದ ಬಳಿಕ ಈ ವಿಡಿಯೋವಂತೂ ಸಿಕ್ಕಾಪಟ್ಟೆ ವೈರಲ್​ ಆಗ್ತಿದೆ.

ಕಾರ್ಯಕ್ರಮವನ್ನುದ್ದೇಶಿಸಿ ಮಾತನಾಡಿದ್ದ ಪುನೀತ್​ 2019ರಲ್ಲಿ ಶುರುವಾಗಿದ್ದ ಈ ಸಿನಿಮಾ ಲಾಕ್​​ಡೌನ್​ನಿಂದಾಗಿ ಇಷ್ಟೊಂದು ಮುಂದಕ್ಕೆ ಹೋಗಿದೆ. ಈ ಸಿನಿಮಾದಲ್ಲಿ ಶಿವಣ್ಣ, ಶೃತಿ ಮೇಡಂ ಎಲ್ಲರೂ ಅದ್ಭುತ ನಟನೆ ಮಾಡಿದ್ದಾರೆ. ಶಿವಣ್ಣ ಆಲ್​ ದಿ ಬೆಸ್ಟ್​, ನಿಮ್ಮೆಲ್ಲರಿಗೂ ದೇವರು ಒಳ್ಳೆಯದು ಮಾಡಲಿ ಎಂದು ಹರಿಸಿದ್ದರು.

https://youtu.be/TOHIQR2O5eA?t=1