ಚಹಾ ಅಂದ್ರೆ ಇಷ್ಟ ಇಲ್ಲ ಅಂತಾ ಹೇಳುವವರು ತುಂಬಾ ಕಡಿಮೆ. ಕೆಲವರಿಗೆ ದಿನಪೂರ್ತಿ ಚಹಾ ಕುಡಿದ್ರೂ ಸಾಲುವುದಿಲ್ಲ. ಬೆಳಗ್ಗೆ, ಮಧ್ಯಾಹ್ನ, ಸಂಜೆ, ರಾತ್ರಿ ಅಂತೆಲ್ಲಾ ಸಿಪ್ ಏರಿಸ್ತಾನೇ ಇರ್ತಾರೆ. ಅಂದಹಾಗೆ ಅಸ್ಸಾಂ ಟೀ ಒಂದರ ನಿರ್ದಿಷ್ಟ ಪ್ಯಾಕೆಟ್‌ನ ಕವರ್ ಅನ್ನು ಸ್ಪರ್ಶಿಸುವ ಮೂಲಕ ಅದರ ಮೌಲ್ಯ ಮತ್ತು ಚಹಾದ ಗುಣಮಟ್ಟವನ್ನು ನಿರ್ಣಯಿಸಬಹುದು. ಅಸ್ಸಾಂನ ಗುವಾಹಟಿಯ ಅರೋಮಿಕಾ ಟೀ, ಭಾರತದ ಮತ್ತು ಪ್ರಾಯಶಃ ಪ್ರಪಂಚದ ಮೊದಲ ಬ್ರೈಲ್ ಸ್ನೇಹಿ ಚಹಾ ಪ್ಯಾಕೆಟ್‌ಗಳನ್ನು ಪರಿಚಯಿಸಿದೆ.
ಬ್ರೈಲ್ ಸ್ನೇಹಿ ಉತ್ಪನ್ನಗಳು ಸಮಾಜದ ವಿಶೇಷ ವರ್ಗದ ಜನರ ಅಗತ್ಯಗಳನ್ನು ತಿಳಿಸುತ್ತದೆ ಮತ್ತು ಅವರ ಘನತೆ ಹಾಗೂ ಸಮಾನ ಹಕ್ಕುಗಳನ್ನು ಗೌರವಿಸುತ್ತದೆ. ಇದು ಸಮಾನತೆಯನ್ನು ಒದಗಿಸುವಲ್ಲಿ ಒಂದು ಪ್ರಯತ್ನವಾಗಿದೆ ಎಂದು ಅರೋಮಿಕಾ ಟೀ ಮಾಲೀಕ ರಂಜಿತ್ ಬರುವಾ ಹೇಳಿದ್ದಾರೆ.
ಬ್ರೈಲ್-ಸ್ನೇಹಿ ಕಂಟೈನರ್ ಒಳಗಿನ ವಿಷಯಗಳ ಉತ್ಪನ್ನ ವಿವರಣೆಯನ್ನು ಹೊಂದಿದೆ. ಬೆಲೆ, ನಿವ್ವಳ ತೂಕ, ತಯಾರಿಕೆ ಮತ್ತು ಮುಕ್ತಾಯ ದಿನಾಂಕ ಎಲ್ಲವನ್ನೂ ಅದರ ಮೇಲೆ ಬರೆಯಲಾಗಿದೆ. ಕಂಟೈನರ್‌ಗಳ ವಿನ್ಯಾಸ ಮತ್ತು ಮುದ್ರಣವನ್ನು ಗುವಾಹಟಿಯಲ್ಲಿ ಮಾಡಲಾಗಿದೆ.
ಇಲ್ಲಿಯವರೆಗೆ ಮೂರು ರೀತಿಯ ಚಹಾವನ್ನು ಪ್ರಚಾರ ಮಾಡಲಾಗಿದೆ. ಅಸ್ಸಾಂ ಆರ್ಥೊಡಾಕ್ಸ್ ಟೀ, ಅಸ್ಸಾಂ ಗ್ರೀನ್ ಟೀ ಮತ್ತು ಮಸಾಲಾ ಟೀ ಅನ್ನು ಪ್ರಚಾರ ಮಾಡಲಾಗಿದೆ.
Loading ...