ಭಾರತದ ಸ್ವದೇಶಿ ಇ-ಕಾಮರ್ಸ್ ಮಾರ್ಕೆಟ್ ಪ್ಲೇಸ್ ಆಗಿರುವ ಫ್ಲಿಪ್ ಕಾರ್ಟ್ ಗೆ ಈ ಬಾರಿಯ ಹಬ್ಬದ ಸೀಸನ್ ನಲ್ಲಿ ಬರೋಬ್ಬರಿ 7.2 ಬಿಲಿಯನ್ ವೀಕ್ಷಕರು ಭೇಟಿ ನೀಡುವ ಮೂಲಕ ಹೊಸ ದಾಖಲೆ ಬರೆದಿದ್ದಾರೆ. ಇದು ಗ್ರಾಹಕರ ಭಾವನೆ ಮತ್ತು ಡಿಜಿಟಲ್ ಅಳವಡಿಕೆಯ ಪ್ರತೀಕವನ್ನು ಸೂಚಿಸುತ್ತದೆ.
ಇದಲ್ಲದೇ, ಫ್ಲಿಪ್ ಕಾರ್ಟ್ ಹಬ್ಬಗಳ ಸಂದರ್ಭದಲ್ಲಿ 282 ಮಿಲಿಯನ್ ಅನನ್ಯವಾದ ವೀಕ್ಷಕರ ಭೇಟಿಗೂ ಸಾಕ್ಷಿಯಾಗಿದೆ. ವಿಶೇಷವಾಗಿ ಮೆಟ್ರೋ ಮತ್ತು 2 ನೇ ಶ್ರೇಣಿಯ ನಗರಗಳಲ್ಲಿನ ಹೆಚ್ಚಿನ ವೀಕ್ಷಕರು ಫ್ಲಿಪ್ ಕಾರ್ಟ್ ಗೆ ಭೇಟಿ ನೀಡಿದ್ದು, ಪ್ರೀಮಿಯಮೈಸೇಶನ್ ಮತ್ತು ವೈಯಕ್ತೀಕರಣಗಳಿಗೆ ಆದ್ಯತೆ ನೀಡುವ ಮೂಲಕ ಭಾರತದಲ್ಲಿ ಇ-ಕಾಮರ್ಸ್ ಗೆ ಹೊಸ ಮೈಲಿಗಲ್ಲು ಸ್ಥಾಪಿಸಿದ್ದಾರೆ.
ದೇಶಾದ್ಯಂತ ಗ್ರಾಹಕರು ಹೆಚ್ಚಿನ ಶಾಪಿಂಗ್ ಅಗತ್ಯತೆಗಳಿಗಾಗಿ ಇ-ಕಾಮರ್ಸ್ ಅನ್ನು ಅವಲಂಬಿಸಿದ್ದರೆ, ಭಾರತದ ಪೂರ್ವ ಪ್ರದೇಶದಲ್ಲಿ ಕಳೆದ ವರ್ಷಕ್ಕೆ ಹೋಲಿಸಿದರೆ ಅನನ್ಯ ವೀಕ್ಷಕರ ಸಂಖ್ಯೆಯಲ್ಲಿ ಶೇ.14.86 ರಷ್ಟು ಮತ್ತು ಗ್ರಾಹಕರ ಬೆಳವಣಿಗೆಯಲ್ಲಿ ಶೇ.12 ರಷ್ಟು ಹೆಚ್ಚಳ ಕಂಡುಬಂದಿದೆ. ಮೆಟ್ರೋ ಮತ್ತು ಮೆಟ್ರೋಯೇತರ ಪ್ರದೇಶಗಳೆರಡರಲ್ಲಿಯೂ ಒಂದೇ ರೀತಿಯ ಬೆಳವಣಿಗೆ ಕಂಡು ಬಂದಿರುವುದು ವಿಶೇಷವಾಗಿದೆ. ಇದು ಇ-ಕಾಮರ್ಸ್ ಅದರಲ್ಲೂ ಫ್ಲಿಪ್ ಕಾರ್ಟ್ ಮೇಲೆ ದೃಢವಾದ ಬೇಡಿಕೆಯನ್ನು ಪ್ರತಿಬಿಂಬಿಸುತ್ತದೆ.
ಹೆಚ್ಚುವರಿಯಾಗಿ ಹಬ್ಬದ ಸಂದರ್ಭದಲ್ಲಿ ಕೆಲವು ಮಾರಾಟಗಾರರು ವರ್ಷದಿಂದ ವರ್ಷಕ್ಕೆ ಹೋಲಿಸಿದರೆ ತಮ್ಮ ವ್ಯವಹಾರದಲ್ಲಿ ಶೇ.40-50 ರಷ್ಟು ಪ್ರಗತಿ ಸಾಧಿಸಿದ್ದಾರೆ. ಒಟ್ಟಾರೆ ಮಾರ್ಕೆಟ್ ಪ್ಲೇಸ್ ನಲ್ಲಿ ಮಾರಾಟಗಾರರ ಪಾಲ್ಗೊಳ್ಳುವಿಕೆ ಪ್ರಮಾಣದಲ್ಲಿ ಹೆಚ್ಚಳ ಕಂಡುಬಂದಿದೆ.
ಇದಕ್ಕೆ ಪ್ರಮುಖ ಕಾರಣ ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಅತ್ಯುತ್ತಮ ಕೊಡುಗೆಗಳನ್ನು ನೀಡಲಾಗಿತ್ತು. ಇದರಿಂದಾಗಿ ಮಾರಾಟ ಪ್ರಮಾಣದಲ್ಲಿ ಗಣನೀಯ ಪ್ರಮಾಣದಲ್ಲಿ ಏರಿಕೆಯಾಗಿದೆ.
ಹಬ್ಬದ ಸಂದರ್ಭದಲ್ಲಿ ಫ್ಲಿಪ್ ಕಾರ್ಟ್ ನಲ್ಲಿ ಟಾಪ್ ಶಾಪಿಂಗ್ ಟ್ರೆಂಡ್ಸ್ ಮತ್ತು ಹೆಚ್ಚು ಗ್ರಾಹಕರು ಹೆಚ್ಚು ಖರೀದಿ ಮಾಡಿದ ಉತ್ಪನ್ನಗಳ ವಿಭಾಗಗಳೆಂದರೆ ಫ್ಯಾಶನ್, ಎಲೆಕ್ಟ್ರಾನಿಕ್ಸ್ (ವಿಶೇಷವಾಗಿ ಲ್ಯಾಪ್ ಟಾಪ್ ಗಳು ಮತ್ತು ಟ್ಯಾಬ್ಲೆಟ್ ಗಳು), ಗೃಹೋಪಯೋಗಿ ಉತ್ಪನ್ನಗಳು, ಅಪ್ಲಾಯನ್ಸಸ್, ಬ್ಯೂಟಿ & ಜನರಲ್ ಉತ್ಪನ್ನಗಳು.
ಇಲ್ಲಿ ಗಮನಿಸಬೇಕಾದ ಅಂಶವೆಂದರೆ ಪ್ರೀಮಿಯಮೈಸೇಶನ್ ಗೆ ವರ್ಗಾವಣೆಯಾಗಿರುವುದರಿಂದ ಟಾಪ್ ಬ್ರ್ಯಾಂಡ್ ಗಳ ಆಯ್ಕೆಯತ್ತ ಹೆಚ್ಚು ಗ್ರಾಹಕರು ಒಲವು ತೋರಿರುವುದು ಕಂಡುಬಂದಿದೆ. ಈ ವರ್ಗದಲ್ಲಿ ವರ್ಷದಿಂದ ವರ್ಷಕ್ಕೆ ಹೋಲಿಸಿದರೆ ಅಂದರೆ ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ವರ್ಷದಲ್ಲಿ ಶೇ.17 ರಷ್ಟು ಬೇಡಿಕೆ ಹೆಚ್ಚಳವಾಗಿದೆ. ಪ್ರೀಮಿಯಂ ಮತ್ತು ಮಿಡ್-ಪ್ರೀಮಿಯಂ ಆಂಡ್ರಾಯ್ಡ್ ಸ್ಮಾರ್ಟ್ ಫೋನ್ ಗಳ ಮಾರಾಟದಲ್ಲಿ ಹೆಚ್ಚು ಬೆಳವಣಿಗೆ ಕಂಡುಬಂದಿದೆ. ಅದರಲ್ಲೂ ಎಐ- ಚಾಲಿತ ವೈಶಿಷ್ಟ್ಯತೆಗಳು ಇರುವ ಸ್ಮಾರ್ಟ್ ಫೋನ್ ಗಳಿಗೆ ಹೆಚ್ಚು ಬೇಡಿಕೆ ಕಂಡುಬಂದಿದೆ. ಈ ಯಶಸ್ಸನ್ನು ಫ್ಲಿಪ್ ಕಾರ್ಟ್ ನ ನವೀನ ಸುಲಭ ದರದ ಉತ್ಪನ್ನಗಳನ್ನು ಖರೀದಿಸಲು ಪೂರಕವಾಗಿ ಥರ್ಡ್-ಪಾರ್ಟಿ ಪಾಲುದಾರರು ಮತ್ತು ಬ್ಯಾಂಕುಗಳೊಂದಿಗೆ ಅಭಿವೃದ್ಧಿಪಡಿಸಲಾಗಿದೆ. ಇದು ಎಲ್ಲಾ ಶಾಪರ್ ಗಳಿಗೆ ಪ್ರವೇಶವನ್ನು ಖಾತರಿಪಡಿಸುತ್ತದೆ.
ಭಾರತ್ ನಿಂದ ವಿನ್ಯಾಸಗೊಂಡಿದ್ದ ಸಮರ್ಥ್ ನ ಎಂಟನೇ ಆವೃತ್ತಿಯ ಮಾರಾಟ ಮೇಳವನ್ನು ಫ್ಲಿಪ್ ಕಾರ್ಟ್ ಹಬ್ಬದ ಸೀಸನ್ ನಲ್ಲಿ ಯಶಸ್ವಿಯಾಗಿ ಮುಗಿಸಿದೆ. ಈ ಮೇಳದಲ್ಲಿ ನೂರಾರು ಕುಶಲಕರ್ಮಿಗಳು, ನೇಕಾರರು, ಸರ್ಕಾರಿ ಸೇವಾ ಸಂಸ್ಥೆಗಳ ಕಾರ್ಮಿಕರು, ಎನ್ ಜಿಒಗಳು, ಎಲ್ ಜಿಬಿಟಿಕ್ಯು+ ಸಮುದಾಯಗಳು, ಗ್ರಾಮೀಣ ಮತ್ತು ಮಹಿಳಾ ಉದ್ಯಮಿಗಳು ತಯಾರಿಸಿದ್ದ 25,000 ಕ್ಕೂ ಅಧಿಕ ಕರಕುಶಲ ಉತ್ಪನ್ನಗಳನ್ನು ಪ್ರದರ್ಶನ ಮತ್ತು ಮಾರಾಟ ಮಾಡಲಾಯಿತು. ಈ ವೇಳೆ ಸಮರ್ಥ್ ನ ಮಾರಾಟಗಾರರು ತಮ್ಮ ಉತ್ಪನ್ನಗಳ ಮಾರಾಟದಲ್ಲಿ ಗಣನೀಯ ಪ್ರಮಾಣದಲ್ಲಿ ಅಂದರೆ 1.6 ಪಟ್ಟು ಹೆಚ್ಚು ಪ್ರಗತಿ ಸಾಧಿಸಿದ್ದಾರೆ. ಈ ಅವಧಿಯಲ್ಲಿ ಅವರ ಮಾರಾಟದ ಪ್ರಮಾಣ ಶೇ.16 ರಷ್ಟು ವೃದ್ಧಿಯಾಗಿದೆ. ಇದಲ್ಲದೇ, ಸಮರ್ಥ್ ಈ ಅವಧಿಯಲ್ಲಿ 1.8 ಮಿಲಿಯನ್ ಗೂ ಅಧಿಕ ಜೀವನೋಪಾಯಗಳ ಆರ್ಥಿಕ ಮಟ್ಟವನ್ನು ಸುಧಾರಿಸುವಲ್ಲಿ ಯಶಸ್ವಿಯಾಗಿದೆ. ದೇಶಾದ್ಯಂತ ಇ-ಕಾಮರ್ಸ್ ಪರಿಸರ ವ್ಯವಸ್ಥೆ ಮೂಲಕ ಈ ಕುಟುಂಬಗಳ ಆರ್ಥಿಕ ಮಟ್ಟ ವೃದ್ಧಿಯಾಗಿದ್ದು, ಅವರನ್ನು ಸಂತಸದಿಂದ ಇರುವಂತೆ ಮಾಡಿದೆ.
ಈ ಹಬ್ಬದ ಋತುವಿನಲ್ಲಿ ಫ್ಲಿಪ್ ಕಾರ್ಟ್ ಗ್ರಾಹಕರು, ಮಾರಾಟಗಾರರು ಮತ್ತು ಬ್ರ್ಯಾಂಡ್ ಗಳಿಗೆ ಮೌಲ್ಯವನ್ನು ಹೆಚ್ಚಿಸುವತ್ತ ಗಮನಹರಿಸಿದೆ. ಲಕ್ಷಾಂತರ ಎಂಎಸ್ಎಂಇಗಳು, ಕುಶಲಕರ್ಮಿಗಳು ಮತ್ತು ಕಿರಾಣ ಪಾಲುದಾರರಿಗೆ ಇದರ ಪ್ರಯೋಜನವನ್ನು ನೀಡಲಾಗುತ್ತದೆ. ಇದರ ಜೊತೆಗೆ ಒಂದು ಲಕ್ಷಕ್ಕೂ ಅಧಿಕ ಉದ್ಯೋಗಾವಕಾಶಗಳನ್ನು ಸೃಷ್ಟಿಸುವ ಮೂಲಕ ಅಮೂಲ್ಯವಾದ ಗಿಗ್ ಉದ್ಯೋಗಿಗಳನ್ನು ಸಶಕ್ತಗೊಳಿಸಿದೆ ಹಾಗೂ ವಿಶಾಲವಾದ ಪರಿಸರ ವ್ಯವಸ್ಥೆಯನ್ನು ಬಲಪಡಿಸಿದೆ.
Loading ...