ಗರ್ಜಿಯಾ: ಉತ್ತರಾಖಂಡದ ರಾಮ್ನಗರ್ ಬಳಿಯ ಗರ್ಜಿಯಾ ಗ್ರಾಮದ ಗರ್ಜಿಯಾ ದೇವಿ ದೇವಾಲಯದ ಸುತ್ತಲೂ ಸೋಮವಾರ ಭಾರಿ ಬೆಂಕಿ ಕಾಣಿಸಿಕೊಂಡಿದೆ. ಬೆಂಕಿಯ ಕೆನ್ನಾಲಿಗೆಗೆ ಹಲವಾರು ಅಂಗಡಿಗಳು ಸುಟ್ಟುಭಸ್ಮವಾಗಿದೆ.
ಬೆಂಕಿ ವೇಗವಾಗಿ ಹರಡುತ್ತಿದ್ದಂತೆ ಭಕ್ತರಲ್ಲಿ ಭೀತಿ ಆವರಿಸಿತು, ಹೊಗೆ ಆಕಾಶದೆತ್ತರಕ್ಕೆ ಚಿಮ್ಮಿತು. ಅಗ್ನಿ ಅವಘಡದ ವಿಡಿಯೋ ವೈರಲ್ ಆಗಿದೆ. ಮಾಹಿತಿ ತಿಳಿದ ಕೂಡಲೇ ಹಲವಾರು ಅಗ್ನಿಶಾಮಕ ದಳದ ವಾಹನಗಳು ಸ್ಥಳಕ್ಕೆ ಧಾವಿಸಿ ಬೆಂಕಿ ನಂದಿಸಿದೆ.
ಗರ್ಜಿಯಾ ದೇವಿ ದೇವಾಲಯವು ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನವನದ ಹೊರವಲಯದಲ್ಲಿರುವ ಉತ್ತರಾಖಂಡದ ರಾಮ್ನಗರ್ ಬಳಿಯ ಗರ್ಜಿಯಾ ಗ್ರಾಮದಲ್ಲಿರುವ ಹಿಂದೂ ದೇವಿ ದೇವಾಲಯವಾಗಿದೆ. ಇದು ಪವಿತ್ರ ಶಕ್ತಿ ದೇವಾಲಯವಾಗಿದ್ದು, ಗರ್ಜಿಯಾ ದೇವಿ ಪ್ರಧಾನ ದೇವತೆಯಾಗಿದ್ದಾಳೆ.
Loading ...