ಕ್ಯಾನ್ಸರ್‌ನಂತಹ ಗಂಭೀರ ಕಾಯಿಲೆಗಳನ್ನು ಪತ್ತೆ ಮಾಡಬಲ್ಲದು CT ಸ್ಕ್ಯಾನ್; ಇದರಿಂದಲೂ ಆಗಬಹುದು ದುಷ್ಪರಿಣಾಮ….!

ಇತ್ತೀಚಿನ ದಿನಗಳಲ್ಲಿ ಕಾಯಿಲೆಗಳ ಸಂಖ್ಯೆ ಹೆಚ್ಚುತ್ತಲೇ ಇದೆ. ಅದಕ್ಕೆ ತಕ್ಕಂತೆ ಜನರಲ್ಲಿ ಆರೋಗ್ಯದ ಬಗ್ಗೆ ಜಾಗೃತಿ ಕೂಡ ಹೆಚ್ಚಾಗಿದೆ. ಚಿಕ್ಕ ಚಿಕ್ಕ ರೋಗಗಳನ್ನು ಕೂಡ ಪತ್ತೆ ಹಚ್ಚಲು ಜನರು ಪರೀಕ್ಷೆಗಳಿಗೆ ಒಳಗಾಗುತ್ತಾರೆ. ಅವುಗಳಲ್ಲಿ ಪ್ರಮುಖವಾದದ್ದು ಸಿಟಿ ಸ್ಕ್ಯಾನ್‌. CT ಸ್ಕ್ಯಾನ್ ಅಂದರೆ ಕಂಪ್ಯೂಟೆಡ್ ಟೊಮೊಗ್ರಫಿ ಸ್ಕ್ಯಾನ್ ಎಂದರ್ಥ. ಇದು  ದೇಹದೊಳಗಿನ ಚಿತ್ರಗಳನ್ನು ನೋಡುವ ಒಂದು ತಂತ್ರವಾಗಿದೆ. ಇದು X- ರೇರಯನ್ನು ಹೋಲುತ್ತದೆ, ಆದರೆ ಹೆಚ್ಚು ವಿವರವಾದ ಚಿತ್ರಗಳನ್ನು ನೀಡುತ್ತದೆ.

ಅನೇಕ ರೀತಿಯ ಕಾಯಿಲೆಗಳನ್ನು ಪತ್ತೆ ಮಾಡಲು ಸಿಟಿ ಸ್ಕ್ಯಾನ್ ಅನ್ನು ಬಳಸಲಾಗುತ್ತದೆ. ಇದು ಕ್ಯಾನ್ಸರ್, ಹೃದ್ರೋಗಗಳು, ಶ್ವಾಸಕೋಶದ ಕಾಯಿಲೆಗಳು, ಮೆದುಳಿನ ಗೆಡ್ಡೆಗಳು, ಮೂತ್ರಪಿಂಡದ ಕಲ್ಲುಗಳು, ಯಕೃತ್ತಿನ ತೊಂದರೆಗಳು ಮತ್ತು ಇತರ ಅನೇಕ ರೋಗಗಳನ್ನು ಪತ್ತೆಹಚ್ಚಲು ಸಹಾಯ ಮಾಡುತ್ತದೆ.

CT ಸ್ಕ್ಯಾನ್ ಹೇಗೆ ಕೆಲಸ ಮಾಡುತ್ತದೆ?

CT ಸ್ಕ್ಯಾನ್‌ನಲ್ಲಿ X-ರೇ ಯಂತ್ರವು ನಮ್ಮ ದೇಹದ ಸುತ್ತಲೂ ತಿರುಗುತ್ತದೆ ಮತ್ತು X- ರೇ ಕಿರಣವು ದೇಹದ ಮೂಲಕ ಹಾದುಹೋಗುತ್ತದೆ. ಈ ಕಿರಣಗಳನ್ನು ಕಂಪ್ಯೂಟರ್‌ನಿಂದ ಪತ್ತೆಹಚ್ಚಲಾಗುತ್ತದೆ ಮತ್ತು 3D ಚಿತ್ರವನ್ನು ರಚಿಸಲಾಗುತ್ತದೆ. ಈ ಚಿತ್ರದ ಸಹಾಯದಿಂದ ವೈದ್ಯರು ದೇಹದೊಳಗಿನ ಸ್ಥಿತಿಯನ್ನು ನೋಡಬಹುದು.

CT ಸ್ಕ್ಯಾನ್‌ ಪ್ರಯೋಜನಗಳು…

* ಸಿಟಿ ಸ್ಕ್ಯಾನ್ ಮೂಲಕ ಹಲವು ರೋಗಗಳನ್ನು ತ್ವರಿತವಾಗಿ ಪತ್ತೆ ಹಚ್ಚಬಹುದು. ಇದು ಚಿಕಿತ್ಸೆಯನ್ನು ಪ್ರಾರಂಭಿಸಲು ಸಹಾಯ ಮಾಡುತ್ತದೆ.

* CT ಸ್ಕ್ಯಾನ್‌ನಿಂದ ಪಡೆದ ಚಿತ್ರಗಳು ಬಹಳ ವಿವರವಾಗಿರುತ್ತವೆ. ಹಾಗಾಗಿ ವೈದ್ಯರಿಗೆ ರೋಗದ ಬಗ್ಗೆ ಹೆಚ್ಚಿನ ಮಾಹಿತಿ ದೊರೆಯುತ್ತದೆ.

* CT ಸ್ಕ್ಯಾನ್ ಮಾಡಲು ಹೆಚ್ಚು ಸಮಯ ಬೇಕಾಗಿಲ್ಲ. ಇದು ಕ್ಷಿಪ್ರ ಪ್ರಕ್ರಿಯೆ.

 CT ಸ್ಕ್ಯಾನ್‌ನ ಅಡ್ಡಪರಿಣಾಮಗಳು…

CT ಸ್ಕ್ಯಾನ್ ಬಹಳ ಉಪಯುಕ್ತವಾಗಿದೆ ಎಂಬುದರಲ್ಲಿ ಅನುಮಾನವಿಲ್ಲ, ಆದರೆ ಇದು ಕೂಡ ಕೆಲವು ಅಡ್ಡ ಪರಿಣಾಮಗಳನ್ನು ಹೊಂದಿದೆ. ಎಕ್ಸ್-ರೇ ವಿಕಿರಣಕ್ಕೆ ಒಡ್ಡಿಕೊಳ್ಳುವುದರಿಂದ ಕ್ಯಾನ್ಸರ್ ಅಪಾಯ ಹೆಚ್ಚಾಗಬಹುದು. ಆದ್ದರಿಂದ ಅಗತ್ಯವಿದ್ದಾಗ ಮಾತ್ರ ಸಿಟಿ ಸ್ಕ್ಯಾನ್ ಮಾಡಿಸಿಕೊಳ್ಳುವಂತೆ ವೈದ್ಯರು ಶಿಫಾರಸು ಮಾಡುತ್ತಾರೆ.

CT ಸ್ಕ್ಯಾನ್ ಯಾವಾಗ ಮಾಡಬೇಕು?

ವೈದ್ಯರ ಸಲಹೆ ಮೇರೆಗೆ ಮಾತ್ರ ಸಿಟಿ ಸ್ಕ್ಯಾನ್ ಮಾಡಬೇಕು.  ಯಾವುದೇ ರೀತಿಯ ಸಮಸ್ಯೆ ಇದ್ದರೆ ಮೊದಲು ವೈದ್ಯರೊಂದಿಗೆ ಚರ್ಚಿಸಿ. ಸಿಟಿ ಸ್ಕ್ಯಾನ್ ಮಾಡಬೇಕೇ ಅಥವಾ ಬೇಡವೇ ಎಂಬುದನ್ನು ಅವರೇ ನಿರ್ಧರಿಸುತ್ತಾರೆ.