ನಿದ್ರೆ ಪ್ರತಿಯೊಬ್ಬ ವ್ಯಕ್ತಿಯ ಜೀವನದ ಅವಿಭಾಜ್ಯ ಅಂಗವಾಗಿದೆ. ದಿನದ ಆಯಾಸದಿಂದ ಚೇತರಿಸಿಕೊಳ್ಳಲು ಮತ್ತು ಮಾರನೇ ದಿನಕ್ಕೆ ಬೇಕಾದ ಶಕ್ತಿಯನ್ನು ತುಂಬಲು ನಿದ್ರೆ ನಮಗೆ ಸಹಾಯ ಮಾಡುತ್ತದೆ. ಆದರೆ ಹಠಾತ್ತನೆ ಯಾರನ್ನಾದರೂ ನಿದ್ರೆಯಿಂದ ಎಬ್ಬಿಸುವುದು ಅವರ ಪ್ರಾಣಕ್ಕೇ ಮಾರಕವಾಗಬಹುದು. ಇದು ಆರೋಗ್ಯದ ಮೇಲೆ ಆಳವಾದ ಪರಿಣಾಮ ಬೀರುತ್ತದೆ ಎಂಬುದನ್ನ ನಾವು ನಿರ್ಲಕ್ಷಿಸುತ್ತೇವೆ.
ಒಬ್ಬ ವ್ಯಕ್ತಿಯು ನಿದ್ರೆಯಿಂದ ಇದ್ದಕ್ಕಿದ್ದಂತೆ ಎಚ್ಚರಗೊಂಡರೆ ಅದು ಅವನ ಮೆದುಳಿಗೆ ಶಾಶ್ವತ ಹಾನಿಯನ್ನು ಉಂಟುಮಾಡಬಹುದು. ಈ ಕ್ರಿಯೆಯು ಅವರ ಮಾನಸಿಕ ಸಮತೋಲನದ ಮೇಲೆ ಪರಿಣಾಮ ಬೀರುವುದು ಮಾತ್ರವಲ್ಲದೆ, ನೆನಪಿನ ಶಕ್ತಿ, ಕಲಿಕೆಯ ಸಾಮರ್ಥ್ಯ ಮತ್ತು ಅರಿವಿನ ಬೆಳವಣಿಗೆಯ ಮೇಲೆ ದೀರ್ಘಕಾಲೀನ ಪರಿಣಾಮಗಳನ್ನು ಬೀರಬಹುದು. ಆದ್ದರಿಂದ ನಿದ್ರೆಯ ಗುಣಮಟ್ಟ ಮತ್ತು ಪ್ರಾಮುಖ್ಯತೆಯನ್ನು ಅರ್ಥಮಾಡಿಕೊಳ್ಳಬೇಕು. ಯಾರನ್ನಾದರೂ ನಿದ್ರೆಯಿಂದ ಎಬ್ಬಿಸುವ ಮೊದಲು ಎರಡು ಬಾರಿ ಯೋಚಿಸಿ.
ಮೆದುಳಿಗೆ ಹಾನಿ ಹೇಗೆ ಸಂಭವಿಸುತ್ತೆ?
ಆಳವಾದ ನಿದ್ರೆಯಲ್ಲಿದ್ದಾಗ ನಮ್ಮ ಮೆದುಳು ತುಂಬಾ ಸಕ್ರಿಯವಾಗಿರುತ್ತದೆ. ನಿದ್ರೆಯ ಸಮಯದಲ್ಲಿ ಮೆದುಳು ದೇಹದ ಜೀವಕೋಶಗಳನ್ನು ಸರಿಪಡಿಸುವುದು ಮತ್ತು ಹೊಸ ನೆನಪುಗಳನ್ನು ಸಂಗ್ರಹಿಸುವಂತಹ ಅನೇಕ ಪ್ರಮುಖ ಕಾರ್ಯಗಳನ್ನು ನಿರ್ವಹಿಸುತ್ತದೆ. ನಾವು ಇದ್ದಕ್ಕಿದ್ದಂತೆ ಎಚ್ಚರಗೊಂಡರೆ, ಮೆದುಳಿನ ಮೇಲೆ ಒತ್ತಡ ಉಂಟಾಗುತ್ತದೆ. ಏಕೆಂದರೆ ಅದು ದಿಢೀರನೆ ಕೆಲಸ ಮಾಡುವುದನ್ನು ನಿಲ್ಲಿಸುತ್ತದೆ. ಈ ಒತ್ತಡವು ಮೆದುಳಿನ ರಕ್ತನಾಳಗಳಲ್ಲಿ ಬಿರುಕುಗಳನ್ನು ಉಂಟುಮಾಡಬಹುದು ಮತ್ತು ರಕ್ತಸ್ರಾವಕ್ಕೆ ಕಾರಣವಾಗಬಹುದು. ಇದನ್ನು ಬ್ರೈನ್ ಹೆಮರೇಜ್ ಎಂದು ಕರೆಯಲಾಗುತ್ತದೆ. ಬ್ರೈನ್ ಹೆಮರೇಜ್‌ನಿಂದ ವ್ಯಕ್ತಿಯು ಅಂಗವಿಕಲನಾಗಬಹುದು ಅಥವಾ ಸಾಯಬಹುದು. ಆದ್ದರಿಂದ ಗಾಢ ನಿದ್ದೆಯಲ್ಲಿರುವವರನ್ನು ಇದ್ದಕ್ಕಿದ್ದಂತೆ ಎಚ್ಚರಗೊಳಿಸಬೇಡಿ. ನಿಧಾನವಾಗಿ ಅಲುಗಾಡಿಸಿ ಅಥವಾ ಲಘುವಾದ ಧ್ವನಿಯಲ್ಲಿ ಕರೆದು ಕರೆದು ಎಬ್ಬಿಸಿ.
ನಿದ್ದೆಯಿಂದ ಎಬ್ಬಿಸಲು ಸರಿಯಾದ ಮಾರ್ಗ ಯಾವುದು?
ಗಾಢ ನಿದ್ದೆಯಲ್ಲಿರುವವರ ಹೆಸರನ್ನು ನಿಧಾನವಾಗಿ ಕರೆಯಿರಿ. ಹಠಾತ್ತನೆ ಜೋರಾಗಿ ಶಬ್ಧ ಮಾಡಬೇಡಿ. ಇದು ಅವರಿಗೆ ಲಘು ನಿದ್ರೆಗೆ ಸಹಾಯ ಮಾಡುತ್ತದೆ.
ಸಾಧ್ಯವಾದರೆ ಕೋಣೆಯಲ್ಲಿ ಮಂದ ಬೆಳಕನ್ನು ಬಳಸಿ. ಹಠಾತ್ ಪ್ರಕಾಶಮಾನವಾದ ಬೆಳಕು ಅವರಿಗೆ ತೊಂದರೆ ಉಂಟುಮಾಡಬಹುದು.
ಭುಜ ಅಥವಾ ತೋಳಿನ ಮೇಲೆ ಲಘುವಾಗಿ ಸ್ಪರ್ಶಿಸುವ ಮೂಲಕ ಮಲಗಿರುವವರನ್ನು ಎಬ್ಬಿಸಲು ಪ್ರಯತ್ನಿಸಿ. ಹಠಾತ್ ಅಥವಾ ಬಲವಂತದ ಸ್ಪರ್ಶವನ್ನು ತಪ್ಪಿಸಿ. ಪಕ್ಷಿಗಳ ಚಿಲಿಪಿಲಿ ಅಥವಾ ಲಘು ಸಂಗೀತವನ್ನು ಬಳಸಿ ಕೂಡ ನಿದ್ದೆಯಿಂದ ಎಬ್ಬಿಸಬಹುದು.
ನಿದ್ದೆಯಲ್ಲಿರುವವರನ್ನು ಎಚ್ಚರಗೊಳಿಸಲು ಸಮಯ ಬೇಕಾಗಬಹುದು. ತಕ್ಷಣದ ಪ್ರತಿಕ್ರಿಯೆಯನ್ನು ನಿರೀಕ್ಷಿಸಬೇಡಿ ಮತ್ತು ತಾಳ್ಮೆಯಿಂದಿರಿ.
Loading ...