ಗುರುತು ಹಿಡಿಯಲಾಗದಷ್ಟು ಲ್ಯಾಂಬೋರ್ಗಿನಿ ಕಾರನ್ನು ಅಪಘಾತಕ್ಕೀಡು ಮಾಡಿದ 13 ವರ್ಷದ ಬಾಲಕ

ಲ್ಯಾಂಬೊರ್ಗಿನಿ ಹುರಾಕನ್ ಕಾರು 0 ರಿಂದ 100 ಕಿ.ಮೀ ವೇಗವನ್ನು ಕೇವಲ ಮೂರು ಸೆಕೆಂಡುಗಳಲ್ಲಿ ಕ್ರಮಿಸುತ್ತದೆ. ಲ್ಯಾಂಬೊರ್ಗಿನಿ ಹುರಾಕನ್ ಕಾರಿನ ಟಾಪ್ ಸ್ಪೀಡ್ ಪ್ರತಿ ಗಂಟೆಗೆ 325 ಕಿ.ಮೀಗಳಾಗಿದೆ.

ಲ್ಯಾಂಬೊರ್ಗಿನಿ ಹುರಾಕನ್ ಖರೀದಿಸಲು ನೂರಾರು ಸಾವಿರ ಡಾಲರ್ ವೆಚ್ಚವಾಗುತ್ತದೆ. ಲ್ಯಾಂಬೊರ್ಗಿನಿ ಹುರಾಕನ್ ಎಲ್ಲರಿಗೂ ಅಲ್ಲ, ಖಂಡಿತವಾಗಿಯೂ ಯುವ ಹದಿಹರೆಯದವರಿಗೆ ಅಲ್ಲ . ಆದರೆ ಕೆನಡಾದ ವೆಸ್ಟ್ ವ್ಯಾಂಕೋವರ್ನಲ್ಲಿ 13 ವರ್ಷದ ಬಾಲಕನೊಬ್ಬ ಜಾಲಿ ರೈಡ್ ಮಾಡುವಾಗ ಸೂಪರ್ ಕಾರ್ ಅನ್ನು ಅಪಘಾತಕ್ಕೀಡು ಮಾಡಿದ್ದಾನೆ. ಗುರುತು ಹಿಡಿಯದಷ್ಟು ಕಾರನ್ನು ಅಪಘಾತಕ್ಕೀಡು ಮಾಡಿದ್ದಾನೆ.

ಟ್ರಾನ್ಸ್ ಕೆನಡಾ ಹೆದ್ದಾರಿಯಲ್ಲಿ ಕೆಂಪು ಬಣ್ಣದ ಹುರಾಕನ್ ಅಪಘಾತದ ಬಗ್ಗೆ ಪಶ್ಚಿಮ ವ್ಯಾಂಕೋವರ್ ಪೊಲೀಸ್ ಇಲಾಖೆಗೆ ಮಾರ್ಚ್ 25 ರಂದು ತುರ್ತು ಕರೆ ಬಂದಿದೆ ಎಂದು ವರದಿಯಾಗಿದೆ. ಇಲಾಖೆಯ ಅಧಿಕಾರಿಗಳು ಘಟನಾ ಸ್ಥಳಕ್ಕೆ ಬಂದಾಗ, ದುರಂತವಾಗಿ ವಿರೂಪಗೊಂಡ ವಾಹನದೊಳಗೆ ಯಾರೂ ಕಂಡುಬಂದಿಲ್ಲ. ಅಪಘಾತಕ್ಕೆ ಕಾರಣರಾದವರು ಯಾರು ಎಂದು ಕಂಡುಹಿಡಿಯಲು ಅಧಿಕಾರಿಗಳು ತನಿಖೆ ಆರಂಭಿಸಿದ್ದರು.
ನಂತರ ಅಂತಿಮವಾಗಿ 13 ವರ್ಷದ ಬಾಲಕ ಮತ್ತು ಆತನ ಸ್ನೇಹಿತರು ಲ್ಯಾಂಬೊರ್ಗಿನಿ ಕಾರು ಓಡಿಸಿ ಅಪಘಾತ ಮಾಡಿದ್ದಾರೆ. ಅದೃಷ್ಟವಶಾತ್ ಯಾವುದೇ ದುರಂತ ಸಂಭವಿಸಿಲ್ಲ.