ʼತೆರಿಗೆʼ ಕುರಿತ ಸಮೀಕ್ಷೆಯಲ್ಲಿ ಕುತೂಹಲಕಾರಿ ಮಾಹಿತಿಗಳು ಬಹಿರಂಗ

ಸುಮಾರು ಮೂರನೇ ಎರಡರಷ್ಟು ಅಥವಾ ಶೇಕಡಾ 65 ರಷ್ಟು ಜನರು ದೇಶದಲ್ಲಿ ಪ್ರಸ್ತುತ ತೆರಿಗೆ ರಚನೆಯ ಬಗ್ಗೆ ಅತೃಪ್ತರಾಗಿದ್ದಾರೆ ಎಂದು ಹೊಸ ಸಮೀಕ್ಷೆಯೊಂದು ಬಹಿರಂಗಪಡಿಸಿದೆ. ಯೂವ್‌ಗೋವ್‌ನ ಇತ್ತೀಚಿನ ಸಮೀಕ್ಷೆಯು ಆದಾಯ ತೆರಿಗೆಯ ಬಗ್ಗೆ ಸಾರ್ವಜನಿಕರ ಭಾವನೆಗಳನ್ನು ತೋರಿಸುತ್ತದೆ ಮತ್ತು ಮುಂಬರುವ ಬಜೆಟ್‌ನಿಂದ ಅವರ ನಿರೀಕ್ಷೆಗಳನ್ನು ಬಹಿರಂಗಪಡಿಸಿದೆ.

ಫೆಬ್ರವರಿ 1 ರಂದು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಮಂಡಿಸಲಿರುವ ಬಜೆಟ್ 2022 ರ ಸಮೀಕ್ಷೆಯ ಅಂಕಿಅಂಶಗಳ ಪ್ರಕಾರ ನಗರಗಳಲ್ಲಿ ವಾಸಿಸುವ ಮುಕ್ಕಾಲು ಭಾಗದಷ್ಟು (74 ಪ್ರತಿಶತ) ಭಾರತೀಯರು ದೇಶದ ಆರ್ಥಿಕ ಅಭಿವೃದ್ಧಿಗೆ ಆದಾಯ ತೆರಿಗೆ ಮುಖ್ಯವಾಗಿದೆ ಎಂದು ಒಪ್ಪಿಕೊಳ್ಳುತ್ತಾರೆ.

ಮುಂಬರುವ ಬಜೆಟ್‌ನಿಂದ ಅವರ ನಿರೀಕ್ಷೆಗಳ ಬಗ್ಗೆ ಕೇಳಿದಾಗ, ಐದರಲ್ಲಿ ಇಬ್ಬರು (38 ಪ್ರತಿಶತ) ಭಾರತೀಯರು ಆದಾಯ ತೆರಿಗೆ ವಿನಾಯಿತಿ ಮಿತಿಯನ್ನು ಪ್ರಸ್ತುತ ಮಟ್ಟದಿಂದ 5 ಲಕ್ಷ ರೂ.ಗೆ ಹೆಚ್ಚಿಸುವ ನಿರೀಕ್ಷೆಯಿದೆ ಎಂದು ಹೇಳಿದರು. ಬಡವರು ಅಥವಾ ಮಧ್ಯಮ ವರ್ಗದವರು ಎಂದು ಗುರುತಿಸಿಕೊಳ್ಳುವ ಜನರಿಗೆ ಇದು ಪ್ರಮುಖ ನಿರೀಕ್ಷೆಯಾಗಿತ್ತು.

ಸುಮಾರು 10 ರಲ್ಲಿ ಮೂರು (ಶೇಕಡಾ 31) ಮಂದಿ ಒಟ್ಟಾರೆ ತೆರಿಗೆ ವಿನಾಯಿತಿ ಮಿತಿಯನ್ನು ಈಗಿನ 1.5 ಲಕ್ಷದಿಂದ ಹೆಚ್ಚಿಸಬೇಕು ಎಂದು ಭಾವಿಸುತ್ತಾರೆ. ಆದರೆ ಸಮೀಕ್ಷೆಯಲ್ಲಿ ಭಾಗಿಯಾದ ಹೆಚ್ಚಿನ ಸಂಖ್ಯೆಯ (32 ಪ್ರತಿಶತ) ಮಂದಿ ಸರ್ಕಾರವು ಸಂಬಳ ಪಡೆಯುವ ವರ್ಗದ ಜನರ ಮೇಲಿನ ತೆರಿಗೆ ಹೊರೆಯನ್ನು ಇಳಿಸಲು ಪ್ರಮಾಣಿತ ಕಡಿತವನ್ನು ಚಾಲ್ತಿಯಲ್ಲಿರುವ 50,000 ರೂ.ಗಳಿಂದ ಹೆಚ್ಚಿಸುವ ಮೂಲಕ ಕಡಿಮೆ ಮಾಡಬೇಕೆಂದು ಬಯಸುತ್ತದೆ. ಕಿರಿಯ ವಯಸ್ಸಿನ ಗುಂಪುಗಳಿಗೆ ಹೋಲಿಸಿದರೆ 40 ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನವರು ಈ ನಿರೀಕ್ಷೆಗಳನ್ನು ಹೆಚ್ಚಾಗಿ ಹೊಂದಿದ್ದಾರೆ.

ಕೋವಿಡ್ -19 ಸಾಂಕ್ರಾಮಿಕ ಮತ್ತು ಹೆಚ್ಚುತ್ತಿರುವ ವೈದ್ಯಕೀಯ ವೆಚ್ಚಗಳನ್ನು ಗಮನದಲ್ಲಿಟ್ಟುಕೊಂಡು, ಮೂರನೇ ಒಂದು ಭಾಗದಷ್ಟು ಮಂದಿ (35 ಪ್ರತಿಶತ) ಕೋವಿಡ್ ಚಿಕಿತ್ಸೆ-ಸಂಬಂಧಿತ ವೆಚ್ಚಗಳನ್ನು ತೆರಿಗೆ ವಿನಾಯಿತಿಗಳ ಅಡಿಯಲ್ಲಿ ಪ್ರತ್ಯೇಕ ಐಟಂ ಮಾಡಬೇಕೆಂದು ನಿರೀಕ್ಷಿಸಿದ್ದಾರೆ. ಆದರೆ ಕೆಲವರು (30 ಪ್ರತಿಶತ) 80ಡಿ ಅಡಿಯಲ್ಲಿ ವೈದ್ಯಕೀಯ ವೆಚ್ಚಗಳಿಗೆ ಕಡಿತಗಳನ್ನು ಹೆಚ್ಚಿಸಲು ಹಣಕಾಸು ಸಚಿವರಿಂದ ನಿರೀಕ್ಷಿಸುತ್ತಾರೆ.

ಗೃಹ ಸಾಲದ ಬಡ್ಡಿಯ ಮೇಲಿನ ಹೆಚ್ಚಿದ ತೆರಿಗೆ ಕಡಿತವು ಭಾರತದಲ್ಲಿನ ಸಂಬಳ ಪಡೆಯುವ ವರ್ಗದ ನಿರೀಕ್ಷೆಯಾಗಿದೆ. ಕುತೂಹಲಕಾರಿಯಾಗಿ, ಜೆನ್‌ ಎಕ್ಸ್‌ (28 ಶೇಕಡಾ) ಮತ್ತು ಜೆನ್‌ ಜ಼ಡ್ (19 ಶೇಕಡಾ) ಗೆ ಹೋಲಿಸಿದರೆ ಮಿಲೇನಿಯಲ್‌ಗಳು (32 ಶೇಕಡಾ) ಈ ತೆರಿಗೆ ಪ್ರೋತ್ಸಾಹವನ್ನು ನಿರೀಕ್ಷಿಸುವ ಸಾಧ್ಯತೆಯಿದೆ.

ಸ್ವಯಂ-ಗುರುತಿಸಲ್ಪಟ್ಟ ಬಡವರ ಪ್ರತಿಸ್ಪಂದಕರಲ್ಲಿ 80 ಪ್ರತಿಶತದಷ್ಟು ಜನರು 5 ಪ್ರತಿಶತದಷ್ಟು ತೆರಿಗೆ ದರವು ನ್ಯಾಯಯುತವಾಗಿದೆ ಎಂದು ಭಾವಿಸುತ್ತಾರೆ, ಆದರೆ ಉಳಿದವರಲ್ಲಿ 25% ಮಂದಿ 10% ತೆರಿಗೆ ದರವನ್ನು ಒಪ್ಪುತ್ತಾರೆ.

ಆದಾಯ ತೆರಿಗೆಯನ್ನು ಪಾವತಿಸುವುದು ದೇಶದ ನಾಗರಿಕರಿಗೆ ಕಾನೂನು ಬಾಧ್ಯತೆಯಾಗಿದೆ ಆದರೆ ಕೆಲವು ವೃತ್ತಿಗಳು (ರೈತರಂತೆ) ಪ್ರಸ್ತುತ ಆದಾಯ ತೆರಿಗೆ ಪಾವತಿಯಿಂದ ವಿನಾಯಿತಿ ಪಡೆದಿವೆ. ತೆರಿಗೆಯ ವ್ಯಾಪ್ತಿಯ ಅಡಿಯಲ್ಲಿ ಬರಬೇಕಾದ ವಿವಿಧ ವೃತ್ತಿಗಳ ಬಗ್ಗೆ ಕೇಳಿದಾಗ, 10 ರಲ್ಲಿ ಆರು (60 ಪ್ರತಿಶತ) ನಗರವಾಸಿ ಭಾರತೀಯರು ರೈತರು ಯಾವುದೇ ತೆರಿಗೆಯನ್ನು ಪಾವತಿಸಬಾರದು ಎಂದು ಭಾವಿಸುತ್ತಾರೆ, ಆದರೆ 35 ಪ್ರತಿಶತದಷ್ಟು ಜನರು ಇತರ ಎಲ್ಲ ನಾಗರಿಕರಂತೆ ಅವರಿಗೂ ತೆರಿಗೆ ವಿಧಿಸಬೇಕೆಂದು ಭಾವಿಸುತ್ತಾರೆ.

ಭಾರತದಲ್ಲಿ ಶ್ರೀಮಂತ ವರ್ಗ ಎಂದು ಭಾವಿಸಲಾದ ಉದ್ಯಮಿಗಳ ವಿಚಾರದಲ್ಲಿ, ಪ್ರತಿಕ್ರಿಯಿಸಿದವರಲ್ಲಿ ಅರ್ಧಕ್ಕಿಂತ ಹೆಚ್ಚು (51 ಪ್ರತಿಶತ) ಅವರು ಇತರ ನಾಗರಿಕರಿಗಿಂತ ಹೆಚ್ಚಿನ ಆದಾಯ ತೆರಿಗೆಯನ್ನು ಪಾವತಿಸಬೇಕು ಎಂದು ಅಭಿಪ್ರಾಯಪಟ್ಟಿದ್ದಾರೆ. ತುಲನಾತ್ಮಕವಾಗಿ, ಕಡಿಮೆ ಪ್ರಮಾಣದ ಮಂದಿ ಎಲ್ಲಾ ನಾಗರಿಕರು (37 ಪ್ರತಿಶತ) ಒಂದೇ ತೆರಿಗೆಯನ್ನು ಪಾವತಿಸಬೇಕು ಅಥವಾ ಯಾವುದೇ ತೆರಿಗೆಯನ್ನು ಪಾವತಿಸಬಾರದು (12 ಪ್ರತಿಶತ) ಎಂದು ಭಾವಿಸುತ್ತಾರೆ.

ಯೂಗೋವ್ ಆಮ್ನಿಬಸ್‌ ದತ್ತಾಂಶವನ್ನು, ವಿಶ್ವದಾದ್ಯಂತ 15 ಮಿಲಿಯನ್‌ಗಿಂತಲೂ ಹೆಚ್ಚು ಜನರಿರುವ ಯೂಗೋವ್‌ ಪ್ಯಾನೆಲ್ ಬಳಸಿ ಜನವರಿ 18-21 ರ ನಡುವೆ ಭಾರತದಲ್ಲಿ ಸುಮಾರು 1022 ಪ್ರತಿಸ್ಪಂದಕರಿಂದ ಆನ್‌ಲೈನ್‌ನಲ್ಲಿ ಸಂಗ್ರಹಿಸಲಾಗಿದೆ,

ಅಂಕಿಅಂಶಗಳ ಪ್ರಕಾರ, ನಗರವಾಸಿಗಳಲ್ಲಿ ಅರ್ಧದಷ್ಟು ಜನರು ಪ್ರತಿ ವರ್ಷ ಕೇಂದ್ರ ಬಜೆಟ್ ಅನ್ನು ಗಮನಿಸುತ್ತಾರೆ (ಶೇ. 47) ಮತ್ತು 10ರಲ್ಲಿ ಮೂರು (ಶೇ. 27) ಕೆಲವೊಮ್ಮೆ ಈ ಘಟನಾವಳಿಯನ್ನು ಗಮನಿಸುತ್ತಾರೆ.

ಇದಲ್ಲದೆ, ಮೂರನೇ ಎರಡರಷ್ಟು (67 ಪ್ರತಿಶತ) ಜನರು ತಮ್ಮ ವೈಯಕ್ತಿಕ ಹಣಕಾಸಿನ ಮೇಲೆ ಬಜೆಟ್ ಪ್ರಭಾವ ಬೀರುತ್ತದೆ ಎಂದು ಹೇಳಿಕೊಂಡಿದ್ದಾರೆ. ಮಧ್ಯಮ ವರ್ಗ ಅಥವಾ ಮೇಲ್ಮಧ್ಯಮ-ವರ್ಗವರು ಎಂದು ಸ್ವಯಂ-ಗುರುತಿಸಲ್ಪಟ್ಟ ಪ್ರತಿಸ್ಪಂದಕರು ಇಬ್ಬರೂ ಬಜೆಟ್ ಅನ್ನು ಗಮನಿಸುತ್ತಾರೆ ಮತ್ತು ಅದು ಅವರ ವೈಯಕ್ತಿಕ ಆದಾಯದ ಮೇಲೆ ಪ್ರಭಾವ ಬೀರುತ್ತದೆ ಎಂದು ನಂಬಿದ್ದಾರೆ. ಬಡವರು ಮತ್ತು/ಅಥವಾ ಶ್ರೀಮಂತರು ಎಂದು ಸ್ವಯಂ ಗುರುತಿಸಿಕೊಂಡ ಜನರು, ಬಜೆಟ್ ಅನ್ನು ಗಮನಿಸುವುದಿಲ್ಲ ಮತ್ತು ಅದು ಅವರ ವೈಯಕ್ತಿಕ ಆದಾಯದ ಮೇಲೆ ಕಡಿಮೆ ಪರಿಣಾಮ ಬೀರುತ್ತದೆ ಎಂದು ನಂಬಿದ್ದಾರೆ.