35ನೇ ವಸಂತಕ್ಕೆ ಕಾಲಿಟ್ಟ ನಟಿ ಶ್ರದ್ಧಾ ದಾಸ್

ಬಹುಭಾಷಾ ನಟಿ ಶ್ರದ್ಧಾ ದಾಸ್ ಇಂದು ತಮ್ಮ 35ನೇ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಇಂದು ಸೋಶಿಯಲ್ ಮೀಡಿಯಾದಲ್ಲಿ ಸಿನಿತಾರೆಯರಿಂದ  ಹಾಗೂ ಅವರ ಅಭಿಮಾನಿಗಳಿಂದ ಶುಭಾಶಯಗಳ ಮಹಾಪೂರವೇ ಹರಿದುಬಂದಿದೆ.

2008ರಂದು ಬಿಡುಗಡೆಯಾದ ‘ಸಿದ್ದು ಫ್ರಮ್ ಸಿಕಾಕುಲಂ’ ಎಂಬ ತೆಲುಗು ಚಿತ್ರದ ಮೂಲಕ ಶ್ರದ್ಧಾ ದಾಸ್ ತಮ್ಮ ಸಿನಿಪಯಣ ಆರಂಭಿಸಿದರು. ತೆಲುಗು ಹಿಂದಿ ಮಲಯಾಳಂ, ಕನ್ನಡ ಸೇರಿದಂತೆ ಬೆಂಗಾಲಿ ಭಾಷೆಯಲ್ಲೂ ಅಭಿನಯಿಸಿದ್ದಾರೆ.

ಶಿವಕುಮಾರ್ ನಿರ್ದೇಶನದ ‘ಹೊಸ ಪ್ರೇಮ ಪುರಾಣ’ ಎಂಬ ಚಿತ್ರದ ಮೂಲಕ ಕನ್ನಡ ಸಿನಿಮಾರಂಗಕ್ಕೆ ಪಾದಾರ್ಪಣೆ ಮಾಡಿದರು. ಇತ್ತೀಚೆಗೆ ಕಿಚ್ಚ ಸುದೀಪ್ ನಟನೆಯ ‘ಕೋಟಿಗೊಬ್ಬ 3’ ಸಿನಿಮಾದಲ್ಲೂ ಕಾಣಿಸಿಕೊಂಡಿದ್ದರು. ಇತ್ತೀಚೆಗೆ ‘ನಿರೀಕ್ಷಣಾ’ ಹಾಗೂ ‘ಅರ್ಧಂ’ ಎಂಬ ತೆಲುಗು ಸಿನಿಮಾ ಸೇರಿದಂತೆ ವೆಬ್ ಸಿರೀಸ್ ಗಳಲ್ಲೂ  ಬ್ಯುಸಿಯಾಗಿದ್ದಾರೆ ತಮ್ಮ ಹಾಟ್ ಫೋಟೋಗಳ ಮೂಲಕ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಸುದ್ದಿಯಲ್ಲಿರುತ್ತಾರೆ ನಟಿ ಶ್ರದ್ಧಾ ದಾಸ್.