2024ರಲ್ಲಿ ವಿಶ್ವದಾದ್ಯಂತ ಸಂಭವಿಸಿದ 10 ಪ್ರಮುಖ ಹವಾಮಾನ ವೈಪರೀತ್ಯಗಳಿಂದ 288 ಬಿಲಿಯನ್ ಡಾಲರ್‌ಗಿಂತಲೂ ಹೆಚ್ಚು ಹಾನಿಯಾಗಿದೆ ಮತ್ತು 2000ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದ್ದಾರೆ.
ಈ ಹಾನಿಯಲ್ಲಿ ಅತಿ ದೊಡ್ಡ ಪಾಲು ಅಮೆರಿಕ ಸಂಯುಕ್ತ ಸಂಸ್ಥೆಗೆ ಸೇರಿದೆ. ಒಟ್ಟು ಹಾನಿಯ ಶೇಕಡಾ 50ರಷ್ಟು ಭಾಗವನ್ನು ಅಮೆರಿಕ ಅನುಭವಿಸಿದೆ.
ಆಗ್ನೇಯ ಏಷ್ಯಾದ ಐದು ದೇಶಗಳು ಒಟ್ಟಾರೆ ಸಾವುನೋವುಗಳಲ್ಲಿ ಶೇಕಡಾ 40ಕ್ಕಿಂತಲೂ ಹೆಚ್ಚು ಪಾಲನ್ನು ಎದುರಿಸಿವೆ. ಉತ್ತರ ಅಮೆರಿಕಾ (4) ಮತ್ತು ಯುರೋಪ್ (3) 10 ಅತ್ಯಂತ ದುಬಾರಿ ವಿಪತ್ತುಗಳಲ್ಲಿ ಏಳನ್ನು ವರದಿ ಮಾಡಿದೆ. ಉಳಿದ ಮೂರು ಚೀನಾ, ಬ್ರೆಜಿಲ್ ಮತ್ತು ಆಗ್ನೇಯ ಏಷ್ಯಾದ ದೇಶಗಳಿಂದ ವರದಿಯಾಗಿದೆ.
ಹಾನಿಯ ಅಂದಾಜು:
ಈ ಅಂದಾಜುಗಳು ಹೆಚ್ಚಾಗಿ ವಿಮೆ ಮಾಡಲಾದ ನಷ್ಟಗಳನ್ನು ಆಧರಿಸಿವೆ. ಆದ್ದರಿಂದ ನಿಜವಾದ ಆರ್ಥಿಕ ನಷ್ಟಗಳು ಇನ್ನೂ ಹೆಚ್ಚಾಗಿರಬಹುದು ಎನ್ನಲಾಗಿದೆ.
ವರದಿಯಲ್ಲಿ ಕೇರಳದ ವಯನಾಡಿನಲ್ಲಿನ ಭೂಕುಸಿತದಿಂದಾದ ಉಂಟಾದ ಹಾನಿಯನ್ನು ವಿಪತ್ತುಗಳ ಪಟ್ಟಿಯಲ್ಲಿ ಸೇರಿಸಿಲ್ಲ. ಕಾರಣ: ಈ ಅಂದಾಜುಗಳು ಮುಖ್ಯವಾಗಿ ವಿಮೆ ಮಾಡಲಾದ ನಷ್ಟಗಳನ್ನು ಆಧರಿಸಿವೆ. ಜುಲೈನಲ್ಲಿ ಭಾರೀ ಮಳೆಯಿಂದಾಗಿ ಸಂಭವಿಸಿದ ಈ ಭೂಕುಸಿತಗಳಲ್ಲಿ 200ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದ್ದರು.
ಅತಿ ಹೆಚ್ಚು ಆರ್ಥಿಕ ನಷ್ಟಕ್ಕೆ ಕಾರಣವಾದ ಘಟನೆಗಳು:
ಅಕ್ಟೋಬರ್‌ನಲ್ಲಿ ಅಮೆರಿಕದಲ್ಲಿ ಸಂಭವಿಸಿದ ಹರಿಕೇನ್ ಮಿಲ್ಟನ್ 60 ಬಿಲಿಯನ್ ಡಾಲರ್‌ಗಳ ಹಾನಿಯನ್ನುಂಟುಮಾಡಿ 25 ಜನರನ್ನು ಬಲಿ ಪಡೆದಿತ್ತು.
ಸೆಪ್ಟೆಂಬರ್‌ನಲ್ಲಿ ಅಮೆರಿಕ, ಕ್ಯೂಬಾ ಮತ್ತು ಮೆಕ್ಸಿಕೋವನ್ನು ಚಂಡಮಾರುತ ಹರಿಕೇನ್ ಹೆಲೆನ್ 55 ಬಿಲಿಯನ್ ಡಾಲರ್‌ಗಳ ಹಾನಿಯನ್ನುಂಟುಮಾಡಿ 232 ಜನರನ್ನು ಬಲಿ ಪಡೆದಿತ್ತು.
ಸೆಪ್ಟೆಂಬರ್‌ನಲ್ಲಿ ಟೈಫೂನ್ ಆಗ್ನೇಯ ಏಷ್ಯಾದಲ್ಲಿ 800 ಕ್ಕೂ ಹೆಚ್ಚು ಜನರನ್ನು ಬಲಿ ಪಡೆದಿದೆ.
ಜೂನ್-ಜುಲೈ ತಿಂಗಳಿನಲ್ಲಿ ಚೀನಾದಲ್ಲಿನ ಪ್ರವಾಹಗಳು 15.6 ಬಿಲಿಯನ್ ಡಾಲರ್‌ಗಳನ್ನು ನಷ್ಟ ಮಾಡಿ 315 ಜನರನ್ನು ಬಲಿ ಪಡೆದಿದೆ.
ಮಧ್ಯ ಯುರೋಪಿನಲ್ಲಿ ಬೋರಿಸ್ ಚಂಡಮಾರುತ ಮತ್ತು ಸ್ಪೇನ್ ಮತ್ತು ಜರ್ಮನಿಯಲ್ಲಿನ ಪ್ರವಾಹಗಳು ಒಟ್ಟು 13.87 ಬಿಲಿಯನ್ ಡಾಲರ್‌ಗಳ ನಷ್ಟ ಮಾಡಿ 258 ಜನರನ್ನು ಬಲಿ ಪಡೆದಿದೆ.
2024ರಲ್ಲಿ ಹವಾಮಾನ ವೈಪರೀತ್ಯಗಳು ವಿಶ್ವವ್ಯಾಪಿ ದೊಡ್ಡ ಪ್ರಮಾಣದಲ್ಲಿ ಹಾನಿ ಮತ್ತು ನಷ್ಟವನ್ನುಂಟು ಮಾಡಿವೆ. ಇದು ಹವಾಮಾನ ಬದಲಾವಣೆಯ ತೀವ್ರತೆಯನ್ನು ತೋರಿಸುತ್ತದೆ ಮತ್ತು ತುರ್ತಾಗಿ ಕ್ರಮ ಕೈಗೊಳ್ಳುವ ಅಗತ್ಯವನ್ನು ಎತ್ತಿ ತೋರಿಸುತ್ತದೆ.
Loading ...