​ಮಾಧುರಿ ದೀಕ್ಷಿತ್​ ಹಾಡಿಗೆ ಸೊಂಟ ಬಳುಕಿಸಿದ “ಅಂಕಲ್”​ಗೆ ನೆಟ್ಟಿಗರು ಫಿದಾ

ನೃತ್ಯದ ವಿಷಯ ಬಂದಾಗ ಮಕ್ಕಳು, ವೃದ್ಧರು ಎಂಬ ಭೇದಭಾವ ಇಲ್ಲ. ಅದರಲ್ಲಿಯೂ ಬಾಲಿವುಡ್​ನ ಕೆಲವೊಂದು ಹಾಡನ್ನು ಹಾಕಿದಾಗಲಂತೂ ಎಂತವರ ಕಾಲು ಕೂಡ ಆಡದೇ ಇರದು. ಎಷ್ಟೇ ನೃತ್ಯ ಮಾಡಲು ಹಿಂಜರಿಯುವವರೂ ಈ ಹಾಡುಗಳನ್ನು ಹಾಡಿದಾಗ ಇಲ್ಲವೇ ಪ್ಲೇ ಮಾಡಿದಾಗ ತಲೆ ಕುಣಿಸಿ, ಕಾಲು ಅಲ್ಲಾಡಿಸುವುದು ಇದೆ. ಇಂಥದ್ದೇ ನೃತ್ಯವೊಂದು ಇದೀಗ ವೈರಲ್​ ಆಗಿದೆ.

ಅದರಲ್ಲಿಯೂ ಮದುವೆ ಮನೆಗಳು ಎಂದರೆ ಅಲ್ಲಿ ನೃತ್ಯ ಮಾಮೂಲು ಎನ್ನಿಸಿದೆ. ಕೆಲವೊಬ್ಬರು ಮಾಡುವ ನೃತ್ಯಗಳು ಈಗ ವೈರಲ್​ ಆಗುತ್ತಿವೆ. 1990 ರ ಚಲನಚಿತ್ರ ದೀವಾನಾ ಮುಜ್ ಸಾ ನಹಿನ್‌ನ ಹಾಡು ಮಾಧುರಿ ದೀಕ್ಷಿತ್ ಮತ್ತು ಅಮೀರ್ ಖಾನ್‌ರ ಸಾರೆ ಲಡ್‌ಕೊಂಕಿ ಕರ್ದೋ ಶಾದಿಗೆ ವ್ಯಕ್ತಿಯೊಬ್ಬರು ಕುಣಿಯುತ್ತಿರುವ ವಿಡಿಯೋ ವೈರಲ್​ ಆಗಿದೆ. ಈ ವ್ಯಕ್ತಿಯ ನೃತ್ಯಕ್ಕೆ ನೆಟ್ಟಿಗರು ಫಿದಾ ಆಗಿದ್ದಾರೆ.

ಡ್ಯಾನ್ಸ್ ಫ್ಲೋರ್‌ನಲ್ಲಿ ಪ್ರದರ್ಶನ ನೀಡುತ್ತಿರುವ ಅಂಕಲ್​ಗೆ ಮದುವೆ ಸಮಾರಂಭದಲ್ಲಿ ಜನರು ಹರ್ಷೋದ್ಗಾರ ಮಾಡುವುದನ್ನು ವೀಡಿಯೊ ತೋರಿಸುತ್ತದೆ. ಅವರು ಚಪ್ಪಾಳೆ ತಟ್ಟಿದರು ಮತ್ತು ಅವನ ಪ್ರದರ್ಶನವನ್ನು ನೋಡುತ್ತಿದ್ದಾರೆ. ಈ ವಿಡಿಯೋಗೆ ಹಲವಾರು ರೀತಿಯ ಕಮೆಂಟ್​ ಬಂದಿದ್ದು, ಅಂಕಲ್​ ಚಿಂದಿ ಉಡಾಯಿಸಿದರು, ಯಾವ ಹೀರೋಯಿನ್​ಗೂ ಕಡಿಮೆ ಇಲ್ಲದಂತೆ ಸೊಂಟ ಬಳುಕಿಸಿದ್ದು, ನಾವು ಫಿದಾ ಆಗಿದ್ದೇವೆ ಎಂದಿದ್ದಾರೆ.