ತಿರುವನಂತಪುರಂ: ಹೆಲ್ಮೆಟ್ ಧರಿಸದಿದ್ರೆ ಬೈಕ್ ಸವಾರರಿಗೆ ನೋಟಿಸ್, ದಂಡ ನೀಡುವುದು ಸಾಮಾನ್ಯ. ಆದರೆ, ಇಲ್ಲೊಂದೆಡೆ ಹೆಲ್ಮೆಟ್ ಧರಿಸಿಲ್ಲಾ ಅಂತಾ ಕಾರು ಚಾಲಕರಿಗೆ ದಂಡ ವಿಧಿಸಲಾಗಿರೋ ವಿಲಕ್ಷಣ ಘಟನೆ ನಡೆದಿದೆ.
ಮಾರುತಿ ಆಲ್ಟೊ ಕಾರು ಮಾಲೀಕರೊಬ್ಬರು ಕೇರಳ ಸಂಚಾರ ಪೊಲೀಸರಿಂದ 500 ರೂಪಾಯಿ ಚಲನ್ ಪಡೆದಿದ್ದಾರೆ. ಈ ತಮಾಷೆಯ ಘಟನೆಯು ಕೇರಳ ಟ್ರಾಫಿಕ್ ಪೊಲೀಸರಿಂದ ನಡೆದಿದೆ. ಆದರೆ, ಮಾಲೀಕ ಅಜಿತ್ ಈ ದೋಷವನ್ನು ಸರಿಪಡಿಸಲು ಅಧಿಕಾರಿಗಳನ್ನು ಸಂಪರ್ಕಿಸಬೇಕಾಗಿದೆ.
ಡಿಸೆಂಬರ್ 7, 2021 ರ ದಿನಾಂಕದ ಚಲನ್ ಇದಾಗಿದ್ದು, ಇಬ್ಬರು ವ್ಯಕ್ತಿಗಳು ಹೆಲ್ಮೆಟ್ ಧರಿಸದೆ ಬೈಕ್ ಚಲಾಯಿಸಿದ್ದಾರೆ ಎಂದು ವರದಿಯಾಗಿದೆ. ಆದರೆ, ಚಲನ್ ನಲ್ಲಿ ವಾಹನದ ಹೆಸರನ್ನು ಕಾರು ಅಂತಾ ನಮೂದಿಸಲಾಗಿದೆ. ನೋಂದಣಿ ಸಂಖ್ಯೆ ಅಜಿತ್ ಅವರ ಕಾರು ಎಂದು ಸೂಚಿಸುತ್ತದೆ.
ಮೋಟಾರು ಬೈಕಿನ ನೋಂದಣಿಯು ಚಲನ್‌ಗೆ ಲಗತ್ತಿಸಲಾದ ಚಿತ್ರವು ಕಾರಿನಂತೆಯೇ ಇರುವುದರಿಂದ ಈ ಅವಿವೇಕವು ಸಂಭವಿಸಿದೆ ಎಂದು ತೋರುತ್ತದೆ. ಸಮಸ್ಯೆಯನ್ನು ಬಗೆಹರಿಸಲು ಮೋಟಾರು ವಾಹನ ಇಲಾಖೆಗೆ ಅಜಿತ್ ದೂರು ನೀಡಲು ನಿರ್ಧರಿಸಿದ್ದಾರೆ.
ಇನ್ನು ಈ ಸಂಬಂಧ ಪೊಲೀಸರನ್ನು ಸಂಪರ್ಕಿಸಿದಾಗ, ನೋಂದಣಿ ಸಂಖ್ಯೆಯನ್ನು ಸಿಸ್ಟಮ್‌ಗೆ ನಮೂದಿಸುವಾಗ ಇದು ಕ್ಲೆರಿಕಲ್ ಅಥವಾ ಟೈಪೋಗ್ರಾಫಿಕಲ್ ದೋಷದ ಪರಿಣಾಮದಿಂದ ಈ ರೀತಿ ಉಂಟಾಗಿರಬಹುದು ಎಂದು ಹೇಳಿದ್ದಾರೆ.
Loading ...