ಬಾಲಿವುಡ್‌ನ ಸೂಪರ್‌ ಸ್ಟಾರ್‌ ಅಮೀರ್‌ ಖಾನ್‌ ಪುತ್ರಿ ಇರಾ ಖಾನ್‌ ಕಳೆದ 2 ವರ್ಷಗಳಿಂದ ಡೇಟಿಂಗ್‌ ಮಾಡ್ತಿರೋದು ಎಲ್ಲರಿಗೂ ಗೊತ್ತೇ ಇದೆ. ಇದೀಗ ನೂಪುರ್‌ ಶಿಖರೆ ಎಂಬ ಯುವಕನ ಜೊತೆಗೆ ಇರಾ ಖಾನ್‌ ಎಂಗೇಜ್‌ ಆಗಿದ್ದಾಳೆ.
ಇತ್ತೀಚೆಗಷ್ಟೆ ಸೈಕ್ಲಿಂಗ್‌ ಸ್ಪರ್ಧೆಯಲ್ಲಿ ಪಾಲ್ಗೊಂಡಿದ್ದ ನೂಪುರ್‌, ಪಂದ್ಯದ ನಡುವೆಯೇ ಬಂದು ಇರಾ ಖಾನ್‌ಗೆ ಪ್ರಪೋಸ್‌ ಮಾಡಿದ್ದಾನೆ. ಅಮೀರ್‌ ಪುತ್ರಿ ಸಹ ಈ ಪ್ರಪೋಸಲ್‌ ಅನ್ನು ಒಪ್ಪಿಕೊಂಡಿದ್ದು ಮದುವೆಗೆ ಸೈ ಎಂದಿದ್ದಾಳೆ. ಪ್ರಪೋಸ್‌ ಮಾಡ್ತಿರೋ ವಿಡಿಯೋ ಕೂಡ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.
ಅಮೀರ್‌ ಅಳಿಯನಾಗ್ತಿದ್ದಾನೆ ಅಂದ್ಮೇಲೆ ನೂಪುರ್‌ ಶಿಖರೆ ಯಾರು ಎಂಬ ಕುತೂಹಲ ಸಹಜ. ನೂಪುರ್‌ ಒಬ್ಬ ಸೆಲೆಬ್ರಿಟಿ ಫಿಟ್ನೆಸ್‌ ಟ್ರೈನರ್‌. ಖುದ್ದು ಇರಾ ಖಾನ್‌ ಕೂಡ ನೂಪುರ್‌ ಬಳಿ ತರಬೇತಿ ಪಡೆಯುತ್ತಿದ್ದಾಳೆ. ಈ ಮೊದಲು ಸುಮಾರು 10 ವರ್ಷಗಳ ಕಾಲ ಆತ ನಟಿ ಸುಷ್ಮಿತಾ ಸೇನ್‌ಗೆ ಟ್ರೈನರ್‌ ಆಗಿದ್ದ.
ಅಮೀರ್‌ ಖಾನ್‌ ಕೂಡ ನೂಪುರ್‌ ಬಳಿ ಫಿಟ್ನೆಸ್‌ ಟ್ರೈನಿಂಗ್‌ ಪಡೆದುಕೊಂಡಿದ್ದರು. ಕಳೆದ ಎರಡು ವರ್ಷಗಳಿಂದ ನೂಪುರ್‌ ಹಾಗೂ ಇರಾ ಪ್ರೀತಿಸ್ತಾ ಇದ್ದು, ಸದ್ಯದಲ್ಲೇ ಮದುವೆಯಾಗಲಿದ್ದಾರೆ. ಕಳೆದ ಜುಲೈನಲ್ಲಿ ಇರಾ ಖಾನ್‌ ಹೊಸ ಮನೆಗೆ ಶಿಫ್ಟ್‌ ಕೂಡ ಆಗಿದ್ದಾಳೆ.
Loading ...