ಮಾರ್ಷಲ್ ಆರ್ಟ್ಸ್ ಚಲನಚಿತ್ರಗಳನ್ನ ನೀವು ನೋಡಿರಬಹುದು. ಅದರಲ್ಲಿ ತೋರಿಸೋ ಕಸರತ್ತು ನೋಡಿ ಶಾಕ್ ಆಗಿಬಿಡ್ತೇವೆ. ಅದರಲ್ಲೂ ಖಡ್ಗ ಅಥವಾ ಕತ್ತಿ ಹಿಡಿದು ಮಾರ್ಷಲ್ ಆರ್ಟ್ ಮಾಡೋದು ಸಾವಿಗೆನೇ ಆಹ್ವಾನ ಕೊಟ್ಟಂತಿರುತ್ತೆ. ಇತ್ತೀಚೆಗೆ ಅಂತಹದ್ದೇ ಒಂದು ವಿಡಿಯೋ ಇಂಟರ್ನೆಟ್ ನಲ್ಲಿ ವೈರಲ್ ಆಗಿದೆ.
ಇಲ್ಲಿ ಒಬ್ಬ ವ್ಯಕ್ತಿ, ತನಗಿಂತಲೂ ಉದ್ದ ಇರುವ ಕತ್ತಿಯನ್ನ ಹಿಡಿದುಕೊಂಡು ತಿರುಗಿಸುತ್ತಿರೋ ಪರಿಯೇ ಅದ್ಭುತವಾಗಿತ್ತು. ಆ ಕತ್ತಿ ಕೂಡಾ ಸಾಮಾನ್ಯವಾಗಿರೋ ಕತ್ತಿಯಲ್ಲ. ಹರಿತವಾಗಿರುವ ಕತ್ತಿ. ಕೊಂಚ ತಾಕಿದರೂ ಅಲ್ಲಿ ರಕ್ತ ಹರಿದು ಬಿಡುವ ಹಾಗಿತ್ತು. ಅಂತಹ ಕತ್ತಿಯನ್ನ ಆತ ತನ್ನ ದೇಹದ ಮೇಲೆ ಲೀಲಾಜಾಲವಾಗಿ ತಿರುಗಿಸುತ್ತಿದ್ದ. ಮೊದಲು ಕೈಯಿಂದ ತಿರುಗಿಸಿ ಕೊನೆಗೆ ದೇಹದಿಂದ ಬ್ಯಾಲೆನ್ಸ್ ಮಾಡಿ ತಿರುಗಿಸುತ್ತಿದ್ದ. ಅಷ್ಟೇ ಅಲ್ಲ ಕಾಲಿನ ಸಹಾಯದಿಂದ ಆ ಕತ್ತಿಯ ಕಸರತ್ತು ಮಾಡಿದ್ದು ನೋಡ್ತಿದ್ರೆ ಬೆರಗಾಗುವ ಹಾಗಿತ್ತು. ನೋಡುಗರಿಗೆ ಆ ಕತ್ತಿ ಆತ ಹೇಳಿದ್ದ ರೀತಿಯಲ್ಲಿ ಕುಣಿಯುತ್ತಿದೆಯೋ ಏನೋ ಅನ್ನುವ ಹಾಗೆ ಕಾಣಿಸುತ್ತಿತ್ತು.
ಈ ವಿಡಿಯೋವನ್ನ ಐಪಿಎಸ್ ಅಧಿಕಾರಿ ದೀಪಾಂಶು ಕಬ್ರಾ ಅವರು ತಮ್ಮ ಟ್ವಿಟರ್ ಅಕೌಂಟ್ ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ” ಏಕಾಗ್ರತೆ, ಕೌಶಲ್ಯ, ದೀರ್ಘಕಾಲದ ಅಭ್ಯಾಸದಿಂದ ಅಸಾಧ್ಯ ಕೂಡಾ ಸಾಧ್ಯವಾಗುತ್ತೆ. ಇಲ್ಲಿ ಈ ಕತ್ತಿ ಕೂಡಾ ಈತನದ್ದೇ ದೇಹದ ಒಂದು ಭಾಗವೋ ಏನೋ ಅಂತ ಅನಿಸುತ್ತಿದೆ” ಅಂತ ಶೀರ್ಷಿಕೆಯಲ್ಲಿ ಬರೆದುಕೊಂಡಿದ್ದಾರೆ.
ಈಗಾಗಲೇ ಈ ವಿಡಿಯೋಗೆ ಮೂರು ಸಾವಿರಕ್ಕೂ ಹೆಚ್ಚು ಲೈಕ್ಗಳು ಸಿಕ್ಕಿವೆ. ಈ ವಿಡಿಯೋ ನೋಡಿ ಅನೇಕ ಜನರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಮನಸ್ಸು ಮಾಡಿದ್ದರೆ ಏನನ್ನಾದರೂ ಮಾಡಲು ಸಾಧ್ಯ ಅನ್ನುವುದಕ್ಕೆ ಈ ವಿಡಿಯೋ ಸಾಕ್ಷಿಯಾಗಿದೆ ಅಂತ ಕೆಲವರು ಕಾಮೆಂಟ್ ಬಾಕ್ಸ್ನಲ್ಲಿ ತಮ್ಮ ಅನಿಸಿಕೆಯನ್ನ ಬರೆದುಕೊಂಡಿದ್ದಾರೆ.
Loading ...