ಸ್ಪಾಂಜ್ ಗಳನ್ನು ಪಾತ್ರೆಗಳನ್ನು, ಮನೆಯ ಪೀಠೋಪಕರಣ, ಗೋಡೆಗಳನ್ನು ಸ್ವಚ್ಛಗೊಳಿಸಲು ಬಳಸುತ್ತಾರೆ. ಆದರೆ ಈ ಸ್ಪಾಂಜುಗಳನ್ನು ಹಲವು ಕೆಲಸಗಳಿಗೆ ಬಳಸಬಹುದು. ಅದು ಯಾವುದೆಂಬುದನ್ನು ತಿಳಿದುಕೊಳ್ಳೋಣ.
*ಫ್ರಿಜ್ ನಲ್ಲಿ ವಾಸನೆ ಬರುತ್ತಿದ್ದರೆ ಸ್ವಚ್ಛಗೊಳಿಸಲು ಸಮಯವಿಲ್ಲದಿದ್ದಾಗ ಫ್ರಿಜ್ ನ ವಾಸನೆಯನ್ನು ಹೀರಿಕೊಳ್ಳಲು ಸ್ಪಾಂಜ್ ಸಹಾಯ ಮಾಡುತ್ತದೆ. ಅದಕ್ಕಾಗಿ ಸ್ಪಂಜನ್ನು ತಟ್ಟೆಯಲ್ಲಿ ಇರಿಸಿ ಅದರ ಮೇಲೆ ಅಡುಗೆ ಸೋಡಾ ಸಿಂಪಡಿಸಿ ಫ್ರಿಜ್ ನಲ್ಲಿಡಿ. ಇದರಿಂದ ವಾಸನೆ ನಿವಾರಣೆಯಾಗುತ್ತದೆ.
*ಬೇಸಿಗೆಯಲ್ಲಿ ಸಸ್ಯಗಳಿಗೆ ತುಂಬಾ ನೀರು ಬೇಕಾಗುತ್ತದೆ. ಹಾಗಾಗಿ ಅದರ ಬುಡದಲ್ಲಿ ಬಹಳ ಬೇಗ ತೇವಾಂಶ ಕಡಿಮೆಯಾಗುತ್ತದೆ. ಇದರಿಂದ ಸಸ್ಯ ಒಣಗಬಹುದು. ಹಾಗಾಗಿ ಸಸ್ಯದ ಬುಡ ತೇವಾಂಶದಿಂದ ಕೂಡಿರಲು ಸ್ಪಾಂಜ್ ಸಸ್ಯದ ಬುಡದಲ್ಲಿ ಇಡಿ.
*ಬೀಜ ಮೊಳಕೆಯೊಡೆಯಲು ಸ್ಪಾಂಜ್ ಸಹಕಾರಿ. ಹಾಗಾಗಿ ಸ್ಪಾಂಜ್ ಅನ್ನು ನೀರಿನಲ್ಲಿ ನೆನೆಸಿ ಅದರ ಮೇಲೆ ಬೀಜಗಳನ್ನು ಸಿಂಪಡಿಸಿದರೆ ಶೀಘ್ರದಲ್ಲಿಯೇ ಮೊಳಕೆಯೊಡೆಯುತ್ತದೆ.
Loading ...