ಸೂಕ್ಷ್ಮ ಚರ್ಮ ಹೊಂದಿದ್ದರೆ ಈ ರೀತಿ ಮಾಡಿ ಆರೈಕೆ

ಕೆಲವರ ಚರ್ಮವು ತುಂಬಾ ಸೂಕ್ಷ್ಮವಾಗಿರುತ್ತದೆ. ಅಂತವರು ತಮ್ಮ ಚರ್ಮದ ಬಗ್ಗೆ ಹೆಚ್ಚು ಗಮನ ಕೊಡಬೇಕು. ಇಲ್ಲವಾದರೆ ವಾತಾವರಣದಲ್ಲಿರುವ ಧೂಳು, ಕೊಳಕು, ಸೂರ್ಯನ ಬಿಸಿಲಿನಿಂದ ಹಾಗೂ ಇನ್ನಿತರ ಕಾರಣದಿಂದ ನಿಮ್ಮ ಚರ್ಮ ಬೇಗ ಹಾನಿಗೊಳಗಾಗುತ್ತದೆ. ಆದ

ಕಾರಣ ಸೂಕ್ಷ್ಮ ಚರ್ಮ ಹೊಂದಿರುವವರು ಈ ಸಲಹೆಗಳನ್ನು ಪಾಲಿಸಿ.

* ಸೂಕ್ಷ್ಮ ಚರ್ಮ ಹೊಂದಿರುವವರು ಯಾವುದೇ ಸೌಂದರ್ಯ ವರ್ಧಕಗಳನ್ನು ಖರೀದಿಸುವಾಗ ಬಹಳ ಎಚ್ಚರದಿಂದಿರಬೇಕು. ಕೆಲವು ಉತ್ಪನ್ನಗಳು ನಿಮ್ಮ ಚರ್ಮಕ್ಕೆ ಹಾನಿಯನ್ನುಂಟುಮಾಡಬಹುದು. ಆದಕಾರಣ ನಿಮ್ಮ ಚರ್ಮಕ್ಕೆ ಸರಿಹೊಂದುವವುಗಳನ್ನೇ ಆರಿಸಿ.

* ಯಾವುದೇ ಹೊಸ ಸೌಂದರ್ಯ ವರ್ಧಕಗಳನ್ನುಮುಖಕ್ಕೆ ಬಳಸು ಮೊದಲು ಅದನ್ನು ನಿಮ್ಮ ಚರ್ಮದ ಮೇಲೆ ಹಚ್ಚಿ 48 ಗಂಟೆಗಳ ಕಾಲ ಪರೀಕ್ಷಿಸಿ. ಏನು ಪರಿಣಾಮವಾಗಿಲ್ಲ ಎಂದ ಮೇಲೆ ಮುಖಕ್ಕೆ ಬಳಸಿ.

* ಸೂಕ್ಷ್ಮ ಚರ್ಮ ಹೊಂದಿರುವವರ ಚರ್ಮ ಒರಟಾದರೆ ಅದು ಬೇಗ ಹಾನಿಗೊಳಗಾಗುತ್ತದೆ. ಆದಕಾರಣ ಚರ್ಮ ತೇವಾಂಶದಿಂದ ಕೂಡಿರುವಂತೆ ನೋಡಿಕೊಳ್ಳಿ. ಅದಕ್ಕಾಗಿ ಮಾಯಿಶ್ಚರೈಸರ್ ಹಚ್ಚಿ. ಮತ್ತು ಮೇಕಪ್ ಹಚ್ಚುವ ಮೊದಲು ಮಾಯಿಶ್ಚರೈಸರ್ ಕ್ರೀಂ ಹಚ್ಚಿಕೊಳ್ಳಿ.

*ಉತ್ತಮವಾದ ಆಹಾರ ಪದಾರ್ಥಗಳನ್ನು ಸೇವಿಸಿ. ಯಾಕೆಂದರೆ ಕೆಲವು ಆಹಾರಗಳು ಚರ್ಮಕ್ಕೆ ಹಾನಿಯನ್ನುಂಟು ಮಾಡುವ ಸಾಧ್ಯತೆ ಇದೆ. ಹಾಗೇ ಸರಿಯಾದ ಪ್ರಮಾಣದಲ್ಲಿ ನೀರನ್ನು ಕುಡಿಯಿರಿ.

*ಸೂರ್ಯನ ಬಿಸಿಲಿನಿಂದ ದೂರವಿರಿ. ಇಲ್ಲವಾದರೆ ಸೂರ್ಯನ ಕಿರಣ ನಿಮ್ಮ ಚರ್ಮದಲ್ಲಿ ದದ್ದು, ಅಲರ್ಜಿ ಸಮಸ್ಯೆ ಉಂಟುಮಾಡಬಹುದು. ಹಾಗೇ ಮುಖವನ್ನು ಆಗಾಗ ತೊಳೆಯುತ್ತೀರಿ.