ಸುಮಲತಾ ಹೇಳಿಕೆಗೆ ಪ್ರತಾಪ್ ಸಿಂಹ ತಿರುಗೇಟು

ಮೈಸೂರು: ಪ್ರತಾಪ್ ಸಿಂಹ ಮೈಸೂರು ಸಂಸದರೋ ಅಥವಾ ಮಂಡ್ಯ ಸಂಸದರೋ ಅವರಿಗೆ ಸ್ವಲ್ಪ ಗೊಂದಲಗಳಿವೆ ಮೊದಲು ಅದನ್ನು ಸ್ಪಷ್ಟಪಡಿಸಿಕೊಳ್ಳಲಿ ಎಂಬ ಸಂಸದೆ ಸುಮಲತಾ ಹೇಳಿಕೆಗೆ ಪ್ರತಿಕ್ರಿಯಿಸಿರುವ ಸಂಸದ ಪ್ರತಾಪ್ ಸಿಂಹ, ನಾನು ಮೈಸೂರು ಸಂಸದ, ಜನರಿಗೂ ಗೊತ್ತು ಎಂದು ಹೇಳಿದ್ದಾರೆ.

ನಾನು ಮೈಸೂರಿನಲ್ಲೇ ವಾಸವಾಗಿದ್ದೇನೆ. ಕ್ಷೇತ್ರದಲ್ಲಿ ಅಭಿವೃದ್ಧಿ ಕೆಲಸಗಳನ್ನು ಮಾಡುತ್ತಿದ್ದೇನೆ. ಈ ಗೊಂದಲಗಳಿರುವುದು ಮಂಡ್ಯದ ಜನತೆಗೆ. ಸುಮಲತಾ ಅವರಿಗೆ ವೋಟ್ ಹಾಕಿರುವ ಮತದಾರರಿಗೆ ಗೊಂದಲಗಳಿವೆ. ತಮ್ಮ ಸಂಸದರು ಕ್ಷೇತ್ರದಲ್ಲಿದ್ದಾರೋ ಇಲ್ಲವೋ ಎಂದು ಅನುಮಾನವಿದೆ ಎಂದು ತಿರುಗೇಟು ನೀಡಿದ್ದಾರೆ.