ಸಹೋದರನ ಸಾವಿನಿಂದ ಆಘಾತಕ್ಕೊಳಗಾಗಿ ಅಕ್ಕನ ಸಾವು !

ಸಹೋದರನ ಸಾವಿನಿಂದ ಆಘಾತಕ್ಕೊಳಗಾಗಿದ್ದ ಅಕ್ಕ ಸಾವನ್ನಪ್ಪಿರುವ ದಾರುಣ ಘಟನೆ ಗದಗ ಜಿಲ್ಲೆ ನರಗುಂದದಲ್ಲಿ ನಡೆದಿದೆ.

ನರಗುಂದದ ಕಸಬಾ ಬಡಾವಣೆ ನಿವಾಸಿ 53 ವರ್ಷದ ಈರಪ್ಪ ಯಮನಪ್ಪ ಬೆಳವಣಿಕಿ ಎಂಬವರು ಮಂಗಳವಾರದಂದು ಮೃತಪಟ್ಟಿದ್ದು, ಶವಸಂಸ್ಕಾರಕ್ಕಾಗಿ ಅವರ ಅಕ್ಕ 80 ವರ್ಷದ ಬಾಳವ್ವ ರಾಮದುರ್ಗ ತಾಲೂಕಿನ ಗೊಡಚಿಯಿಂದ ಬಂದಿದ್ದರು.

ಸಹೋದರನ ಸಾವಿನಿಂದ ತೀವ್ರವಾಗಿ ನೊಂದಿದ್ದ ಅವರು ಅಲ್ಲಿಯೇ ಸಾವನ್ನಪ್ಪಿದ್ದಾರೆ. ಅಕ್ಕ – ತಮ್ಮ ಒಂದೇ ದಿನ ಸಾವನ್ನಪ್ಪಿರುವ ಘಟನೆಯಿಂದ ಕುಟುಂಬಸ್ಥರು ಆಘಾತಕ್ಕೊಳಗಾಗಿದ್ದಾರೆ.