ಸಮಾಜವಾದಿ ಪಕ್ಷ ಸೇರ್ಪಡೆಯಾದ ಬಿಜೆಪಿ ಸಂಸದೆಯ ಪುತ್ರ

ಪ್ರಯಾಗ್​ರಾಜ್​ನ ಬಿಜೆಪಿ ಸಂಸದೆ ರೀಟಾ ಬಹುಗುಣ ಜೋಶಿ ಪುತ್ರ ಮಯಾಂಕ್​ ಜೋಶಿ ಇಂದು ಸಮಾಜವಾದಿ ಪಕ್ಷಕ್ಕೆ ಸೇರ್ಪಡೆಗೊಂಡಿದ್ದಾರೆ.

ಅಜಂಗಢದ ಗೋಪಾಲಪುರಿ ವಿಧಾನಸೌಧದಲ್ಲಿ ನಡೆದ ಸಮಾಜವಾದಿ ಪಕ್ಷದ ಅಧ್ಯಕ್ಷ ಅಖಿಲೇಶ್​ ಯಾದವ್​ ನೇತೃತ್ವದ ಸಭೆಯಲ್ಲಿ ಮಯಾಂಕ್​ ಜೋಶಿ ಪಕ್ಷದ ಸದಸ್ಯತ್ವವನ್ನು ಸ್ವೀಕರಿಸಿದ್ದಾರೆ.

ಲಕ್ನೋದಿಂದ ಬಿಜೆಪಿ ಟಿಕೆಟ್​ ಪಡೆಯಲು ಮಯಾಂಕ್​ ವಿಫಲವಾದ ಬಳಿಕ ಫೆಬ್ರವರಿಯಿಂದ ಸಮಾಜವಾದಿ ಪಕ್ಷಕ್ಕೆ ಮಯಾಂಕ್​ ಸೇರ್ಪಡೆಯಾಗುತ್ತಾರೆ ಎಂಬ ಮಾತುಗಳು ಹರಿದಾಡುತ್ತಿದ್ದವು. ಆದರೆ ಸಂಸದೆ ರೀಟಾ ಬಹುಗುಣ ಈ ವದಂತಿಗಳನ್ನು ತಳ್ಳಿ ಹಾಕಿದ್ದರು. ತನ್ನ ಮಗ ಪಕ್ಷಕ್ಕೆ ತೊರೆಯುತ್ತಾನೆ ಎಂಬ ವದಂತಿಯು ಆಧಾರರಹಿತವಾಗಿದೆ ಎಂದು ಹೇಳಿದ್ದರು.