ಶುಂಠಿಯ ಈ ಅದ್ಭುತ ಗುಣ ಬಲ್ಲಿರಾ….?

ಶುಂಠಿ ಆರೋಗ್ಯಕ್ಕೆ ಬಹಳ ಒಳ್ಳೆಯದು. ಯಾವ ಋತುವಿನಲ್ಲಿಯಾದ್ರೂ ಶುಂಠಿಯನ್ನು ಸೇವನೆ ಮಾಡಬಹುದು. ಶುಂಠಿಯ ಚಹಾ ವಿಶೇಷವಾಗಿರುತ್ತದೆ. ತೂಕ ಇಳಿಸಿಕೊಳ್ಳುವವರಿಗೆ ಶುಂಠಿ ಬಹಳ ಪ್ರಯೋಜನಕಾರಿ. ಆರೋಗ್ಯ ಸುಧಾರಣೆ ಹಾಗೂ ತೂಕ ಇಳಿಸಿಕೊಳ್ಳಲು ಬಯಸುವವರು ಶುಂಠಿ ಟೀ ಅಥವಾ ಶುಂಠಿ ನೀರನ್ನು ಕುಡಿಯಬೇಕು.

ಶುಂಠಿ ಸೇವನೆಯಿಂದ ಸಾಕಷ್ಟು ಪ್ರಯೋಜನಗಳಿವೆ. ಶುಂಠಿಯಲ್ಲಿರುವ ವಿಟಮಿನ್ ಬಿ, ನರಮಂಡಲಗಳು ಸರಿಯಾಗಿ ಕೆಲಸ ಮಾಡಲು ಸಹಕಾರಿಯಾಗುತ್ತದೆ. ಶುಂಠಿಯಲ್ಲಿರುವ ವಿಟಮಿನ್ ಸಿ ಗುಣ, ಕ್ಯಾನ್ಸರ್ ವಿರುದ್ಧ ಹೋರಾಡಲು ದೇಹಕ್ಕೆ ಶಕ್ತಿ ನೀಡುತ್ತದೆ.

ಶುಂಠಿಯಲ್ಲಿರುವ ವಿಟಮಿನ್ ಇ ಗುಣ ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಬಲಪಡಿಸುತ್ತದೆ. ಮಧುಮೇಹಿಗಳಿಗೆ ಇದು ಬಹಳ ಒಳ್ಳೆಯದು. ಗಾಯಗಳನ್ನು ಬೇಗ ಗುಣಪಡಿಸುವ ಶಕ್ತಿ ಇದಕ್ಕಿದೆ. ವಯಸ್ಸಾದಂತೆ ದೇಹದ ಮೇಲೆ ಮೂಡುವ ಗೆರೆಗಳನ್ನು ಕಡಿಮೆ ಮಾಡುತ್ತದೆ.

ಇದ್ರಲ್ಲಿರುವ ವಿಟಮಿನ್ ಕೆ, ರಕ್ತ ಹೆಪ್ಪುಗಟ್ಟುವಿಕೆಯ ಪ್ರಕ್ರಿಯೆಯನ್ನು ಸುಧಾರಿಸುತ್ತದೆ. ಆಂತರಿಕ ರಕ್ತಸ್ರಾವದ ವೇಗವನ್ನು ನಿಧಾನಗೊಳಿಸುತ್ತದೆ. ಮೂತ್ರಪಿಂಡ, ಯಕೃತ್ತಿನ ಕಾರ್ಯವನ್ನು ಸುಧಾರಿಸುತ್ತದೆ.

ಶುಂಠಿಯಲ್ಲಿ ಕ್ಯಾಲ್ಸಿಯಂ ಗುಣವಿದ್ದು, ಇದು ಮೂಳೆಗಳು ಹಾಗೂ ಹಲ್ಲುಗಳನ್ನು ಬಲಪಡಿಸುತ್ತದೆ.

ಶುಂಠಿಯಲ್ಲಿರುವ ಪೊಟ್ಯಾಸಿಯಮ್ ಮೆದುಳಿನ ಕಾರ್ಯವನ್ನು ಸುಧಾರಿಸುತ್ತದೆ. ಅಲರ್ಜಿಯ ಪ್ರತಿಕ್ರಿಯೆಗಳನ್ನು ಕಡಿಮೆ ಮಾಡುತ್ತದೆ. ಒತ್ತಡ ಕಡಿಮೆ ಮಾಡಲು ಸಹಕಾರಿಯಾಗುತ್ತದೆ.